Межрегиональные соревнования по плаванию Mad Wave Кавказ

Хуссарирыстойнаг ленкгæнджытæ хайад райсдзысты Ессентукы ерысты

13
(ранӕуӕггонд 15:00 31.01.2020)
Уæрæсейаг ерыстæм спортсментæ балцæгтæ райстой бынæттон турнирты рæстæджы æнтыстыты руаджы

ЦХИНВАЛ, 30 янв – Sputnik, Дриаты Лейла. Хуссарирыстойнаг ленкгæнджытæ хайад райсдзысты сгуыхт тренер Александр Клюкины номыл ерысты Есентукы, фехъусын кодта Sputnik республикæйы ленк кæныны федерацийы президент Евгения Терлеева.

Ерыстæ цæудзысты 8-9 февралы, хайад сæ исдзысты 10-12-аздзыд чызджытæ æмæ 12-13-аздзыд лæппутæ.

"Ерысты программæмæ хаст сты комплексон хуызы 100 метрмæ ленк кæнын, æмæ 200 метрмæ та сæрибар хуызы. Афтæ ма спортсментæн сæхи фæндонмæ гæсгæ сæ бон у ноджы 50 метртæ аленк кæнын", - загъта Терлеева.

Фæстæдæр, 15-16 февралы та цхинвайлаг спорсментæ хайад райсдзысты горæт Казаны уагъдцæуæг "Mad Wav Classic"-ерысты. Ам хайад исдзысты республикæйы 13 спорсмены 9 - 15 азы кары.

Терлеева куыд банысан кодта, афтæмæй ацы ерыстæ рæзгæ фæлтæры ‘хсæн сты тынг популярон.

13
Гасситы Сослан стох кæндзæн Уæрæсейы кубокы ерысты армспортæй

Гасситы Сослан стох кæндзæн Уæрæсейы кубокы ерысты армспортæй

13
(ранӕуӕггонд 14:41 24.09.2020)
Гасситы Сослан хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр

ЦХИНВАЛ, 24 сен — Sputnik, Плиты Фатимӕ. Хуссар Иры иууыл æнтыстджындæр архайгæ æрмхæцæг Гасситы Сослан хайад райсдзæн Уæрæсейы кубокы ерысты. Ирон спортсмен тох кæндзæн ног уæзы категорийы, загъта Sputnik спортсмены тренер Джиоты Валерий.

Ерыстæ цæудзысты 25-29 сентябры Севастополы.

"Гасситы Сослан ахызт иууыл стырдæр уæзы категоримæ – тох кæндзæн 110 килограммы. Хорз цæттæ у, архайы Цæгат Ирыстоны командæйы сконды. Уый иунæгæй хъахъхъæндзæн Хуссар Иры спортивон кад ацы турниры", - загъта Джиоты Валерий.

Гасситы Сослан у Хуссар Ирыстоны иууыл æнтыстджындæр æрмхæцæг, хистæр кары категоримæ ахызты агъоммæ æхсæз азы дæргъы уыд æппынæдзух лидер æрыгæтты хсæн. Хорз бæрæггæнæнтæ æвдисы профессионалты рæнхъыты дæр.

13
Гасситы Мурæты тренер радзырдта æрбалæугæ тохы тыххæй

Гасситы Мурæты тренер радзырдта боксеры æрбалæугæ тохы тыххæй

29
(ранӕуӕггонд 11:57 24.09.2020)
Сланты Виталийы ныхӕстӕм гӕсгӕ, тохы дырыс датӕ фидар нырма не ʻрцыд, фӕлӕ йӕ нывӕндынц ауадзын 31 октябры, науӕд та 1 ноябры

ЦХИНВАЛ, 24 сен — Sputnik, Плиты Фатимӕ. Дӕргъвӕтин фӕстиаты фӕстӕ номдзыд ирон боксер Гасситы Мурӕт ауадздзӕн йӕ фыццаг тох. Ирон спортсмены ныхмӕлӕууӕг суыдзӕн тӕссаг боксер, кӕцы ӕнтыстджынӕй тох кодта Владимир Кличко ӕмӕ ӕндӕр хорз боксертимӕ, фехъусын кодта Sputnik спортсмены тренер Сланты Виталий.

Йӕ ныхӕстӕм гӕсгӕ, тохы дырыс датӕ фидар нырма не ʻрцыд, фӕлӕ йӕ нывӕндынц ауадзын 31 октябры, науӕд та 1 ноябры.

"Кӕронмӕ сӕндидзынӕн Мурӕты бахъӕудзӕн дыууӕ-ӕртӕ тохы, цӕмӕй йӕ раздӕры цӕттӕдзинадмӕ схиза. Йӕ фыццаг ныхмӕлӕууӕг бӕрӕг у, фӕлӕ цалынмӕ контракт фидар ӕрцӕуа, уӕдмӕ йӕ ном нӕ цӕуы ӕргом. Уый ӕнтыстджынӕй тох кодта Владимир Кличко ӕмӕ ӕндӕр фидар боксертимӕ", - загъта тренер.

Сланты Виталий банысан кодта, Гасситы Мурæт йӕхи кӕй цӕттӕ кӕны активонӕй.

"Дыууӕ хатты тренировкӕ уадзы бон - дыууӕ сахат ӕмӕ ӕрдӕг райсом, изӕры та ӕртӕ сахаты. Йӕ раздӕры формӕйы 60-70 проценты уал систа. Йӕхи дӕр тынг фӕнды рахизын рингмӕ", - бафтыдта уый.

Гасситы Мурæт у боксæй дунейы раздæры чемпион WBA æмæ IBF верситæм гæсгæ.

 

29
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

0
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

0