Пресс-конференция победителей и их тренеров чемпионата мира по всестильевому карат

Хуссар Иры каратисттæ стох кæндзысты дуне æмæ Европæйы ерысты

66
(ранӕуӕггонд 13:56 25.02.2020)
Ерысты хайад райсдзысты нæ республикæйы хуыздæр спортсментæ, кæцытæ ивгъуыд аз ноябры мæйы Дунейы чемпионаты сæхи равдыстой иттæг хорз æмæ нæ республикæмæ æрхастой бæрзонд хорзæхтæ

ЦХИНВАЛ, 3 фев - Sputnik, Дриаты Лейла. Хуссар Ирыстоны кекусин-кан каратэйы секцийы хъомылгæнинæгтæ ацы аз хайад райсдзысты Европæйы чемпионат æмæ Дунейы Кубокы ерысты, фехъусын кодта Sputnik федерацийы сæйраг тренер Созайты Владимир.

Кекусин-кан каратэйæ нæ республикæйы хуыздæр спортсментыл нымад сты Павел Швец (90 кг.), Дудайты Доннæ (55 кг.), Лолоты Артур (72 кг.), Бестауты Азæмæт (69 кг.) æмæ Пухаты Алан (90 кг.).

"Ацы аз майы мæйы горæт Санкт-Петербурджы уагъд цæудзысты каратэйы æппæт хуызты ерыстæ æмæ августы мæйы та Чебоксары уыдзæн Дунейы Кубокы ерыстæ. Ацы ерысты хайад райсдзысты нæ республикæйы хуыздæр спортсментæ, кæцытæ ивгъуыд аз ноябры мæйы Дунейы чемпионаты сæхи равдыстой иттæг хорз æмæ нæ республикæмæ æрхастой бæрзонд хорзæхтæ", - загъта Созайты Владимир.

Лолоты Артур, Бестауты Азæмæт æмæ Пухаты Аланы ерыстæм цæттæ кæны РХИ-йы сгуыхт тренер Хъуылымбегты Мамед, Дудайты Доннæ æмæ Павел Швецы та кекусин-кан каратэйы федерацийы сæйраг тренер Созайты Владимир.

Каратэйы æппæт хуызы ерыстæ дунейы æмвæзадыл уагъд цæудзысты фыццаг хатт. Ам хайад райсдзысты 1500 спортсмены Уæрæсе, Китай, Япони, Швеци, Польшæ, Серби, Нигери æмæ дунейы æндæр бæстæтæй.

Ныртæккæ нæ спортсментæ сæхи цæттæ кæнынц ерысты хайад райсынмæ.

66