Боксер Гасситы Мурӕт

Фӕбӕрӕг ис Гасситы Мурӕты ныхмӕлӕууӕг уӕззау уӕзы

12
(ранӕуӕггонд 14:15 04.02.2020)
Дӕсраундон тох уӕззау уӕзы Гасситы Мурӕт ӕмӕ Джерри Форресты хсӕн ацӕудзӕн америкӕйаг горӕт Фрискойы (штат Техас) 29 февралы

ЦХИНВАЛ, 4 фев — Sputnik. Дунейы экс-чемпион Гасситы Мурӕт йӕ дебютон тох суперуӕззау уӕзы категорийы ауадздзӕн 29 февралы америкӕйаг Джерри Форрестимӕ, хъусын кӕны Р-Спорт.

Дӕсраундон тох уӕззау уӕзы ацӕудзӕн америкӕйаг горӕт Фрискойы (штат Техас), Майки Гарсиа ӕмӕ Джесси Варгасы хсӕн ныхмӕлӕуды андеркарды.

WBA ӕмӕ IBF верситӕм гӕсгӕ дунейы экс-чемпион фыццаг уӕззау уӕзы Гасситы Мурӕт фарон апрелы ахызт уӕззау уӕзмӕ, фӕлӕ тренировкӕты рӕстӕджы райсгӕ травмӕты фӕстиуӕгӕн нал ауагъта тох Джоуи Давейкоимӕ, кӕцы хъуамӕ ацыдаид 27 июлы АИШ-ы.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

12