Ирыстойнаг боксер Дзукъаты Давид рамбылдта йӕ фыццаг тох профессионалон рингыл

© instagram/dzukaevdddДзукъаты Давид
Дзукъаты Давид  - Sputnik Хуссар Ирыстон
Рафыссын
Дзукъаты Давиды дебютон тох профессионалон рингыл балхынцъ ис ирд уӕлахизӕй йӕ ныхмӕлӕууӕг Иван Павловскийыл

ЦХИНВАЛ, 5 фев — Sputnik, Хъуылымбегты Азӕмӕт. Ӕвзонг боксер Цӕгат Ирыстонӕй Дзукъаты Давид ссис Ӕппӕтуӕрӕсейон боксерон форумы уӕлахиздзау Калининграды. Сланты Виталийы хъомылгӕнинаг арвыста йӕ ныхмӕлӕууӕг Иван Павловскийы нокауты фыццаг раунды дыккаг минутыл.

"Давид тох кодта фӕлтӕрд боксеримӕ, кӕцыйӕн ис стыр рекорд рингыл, фӕлӕ уӕддӕр арвыста йӕ ныхмӕлӕууӕджы нокауты дыккаг минутыл", - радзырдта сгуыхт тренер Сланты Виталий.

Сланты Виталийы ныхӕстӕм гӕсгӕ, Дзукъаты Давиды иннӕ тох ацӕудзӕн Дзӕуджыхъӕуы марты. Тох нывӕндынц боксерон изӕры фӕлгӕтты, цы ран Федор Чудинов хъахъхъӕндзӕн дунейы чемпионы ном. Тренер банысан кодта, алцыдӕр хорз куы ацӕуа, уӕд Дзукъаты Давиды иннӕ тох уыдзӕн ӕхсӕзраундон.

© instagram/slanovvitaliiДзукъаты Давид
Ирыстойнаг боксер Дзукъаты Давид рамбылдта йӕ фыццаг тох профессионалон рингыл - Sputnik Хуссар Ирыстон
Дзукъаты Давид

Тренер бафтыдта, зӕгъгӕ, ацы аз нывӕндынц ауадзын дебютон тох ноджы иу курдиатджын боксерӕн клуб "Ариана"-йӕ Къудухты Артурӕн.

Клуб "Ариана"-йы минӕвар Дзукъаты Давид архайы дыккаг астӕуккаг уӕзы (76 кг). Дӕс азӕй фӕстӕмӕ уый тренировкӕ кӕны Уӕрӕсейы иууыл хуыздӕр тренертӕй иу Сланты Виталийы къухдариуӕгады бын.

Ног хабӕртты лентӕ
0