Цхинвайлаг богалтæ рамбылдтой цыппар майданы

Рафыссын
Уæлахиздзаутæ ссисты Плиты Вадим æмæ Плиты Эльбрус, æвзист æмæ бронзæйон хорзæхты хицæуттæ баисты Къелеты Азæмæт æмæ Тедеты Дауыт

ЦХИНВАЛ, 10 фев – Sputnik, Плиты Фатимæ. Хуссарирыстойнаг æрыгон богалтæ расгуыхтысты Цæгат Ирыстоны фыццагады уæгъдибар хъæбысхæстæй, хъусын кæны фæсивæдон политикæ, спорт æмæ туризмы комитет

Ирон богал рамбылдта æхсæнадæмон турнир Францы - Sputnik Хуссар Ирыстон
Ирон богал рамбылдта æхсæнадæмон турнир Францы

Уæлахиздзаутæ ссисты Плиты Вадим æмæ Плиты Эльбрус, æвзист æмæ бронзæйон хорзæхты хицау баисты Къелеты Азæмæт æмæ Тедеты Дауыт.

"Ӕрыгон богалтæ бафæзмыдтой сæ хистæр æмсекционтты. Хуссар Иры минæвæрттæ райстой дыууæ сыгъзæрин, иу æвзист æмæ иу бронзæйон майдан. Къуыри размæ нæ минæвæрттæ Цæгат Иры фыццагады 2000-2002 азты гуырд спортсменты хсæн райстой æртæ сыгъзæрин, иу æвзист æмæ иу бронзæйон майдантæ", - загътой уагдоны.

Плиты дыууæ лæппуйы, Вадим æмæ Эльбрусы, æмæ Къелеты Азæмæты цæттæ кæны Коцты Тамерлан, Тедеты Дауыт та у Битеты Гурамы хъомылгæнинаг.

Ног хабӕртты лентӕ
0