Гасситы Мурӕт

"Зонын, мӕ бон кӕй у чемпион суӕвын": Гасситы Мурӕт йӕ тохы тыххӕй

20
(ранӕуӕггонд 12:51 12.02.2020)
Ирон боксерӕн февралы уыдзӕн дебютон тох суперуӕззау уӕзы, Мурӕты карьерӕйы уыд стыр паузӕ йӕ уӕхсчы травмӕйы тыххӕй

ЦХИНВАЛ, 12 фев - Sputnik. Дунейы раздӕры чемпион фыццаг уӕззау уӕзы, ирон боксер Гасситы Мурӕт йӕ радон тохы фӕнд кӕны равдисын, кӕй уыдзӕн тӕссаг ныхмӕлӕууӕг суперуӕззау уӕзы.

Гасситы Мурӕты фыццаг тох 600-бонон паузӕйы фӕстӕ уагъд ӕрцӕудзӕн 29 февралы америкӕйаг Джерри Форрестимӕ.

"Дӕргъвӕтин паузӕйӕ бафӕлмӕцыдтӕн, ӕмӕ ныр цӕттӕ дӕр рингмӕ рахизынмӕ. Фрискойы мӕ тохы рӕстӕгмӕ уыдзӕн 600 боны, фӕстаг хатт рингмӕ куы рахызтӕн, уӕдӕй. Уыцы рӕстӕгмӕ бирӕ цыдӕртӕ ӕрцыд суперуӕззау уӕзы. зонын ӕй, мӕ бон кӕй у чемпион суӕвын суперуӕззау уӕзы, фӕлӕ мӕн хъӕуы равдисын ӕппӕт дивизионӕн дӕр, кӕй дӕн тӕссаг ныхмӕлӕууӕг, ӕмӕ уыцы куыст райдайдзӕн 29 февралы", - хъусын кӕны Гасситы Мурӕты ныхӕстӕ портал Allboxing.

Гасситы Мурӕты хӕзнадоны ис 26 уӕлахизы ӕмӕ иунӕг фембылд - 2018 азы ирон боксер фӕхӕрд ис украинӕйаг Александр Усикӕн.

20
Наниты Славик

Ирыстойнаг хъӕбысӕйхӕцӕг ахызт Уӕрӕсейы фыццагады финалмӕ

4
(ранӕуӕггонд 11:02 02.12.2020)
Финалон тохы 86 килограммы уӕзы категорийы ирон спортсмен Наниты Славик фембӕлдзӕн Аманулла Расуловимӕ Дагестанӕй

ЦХИНВАЛ, 2 дек — Sputnik. Уӕгъдибар хъӕбысӕйхӕцӕг Цӕгат Ирыстонӕй Наниты Славик ахызт Уӕрӕсейы фыццагады финалмӕ 23 азы кары онг спортсменты хсӕн, хъусын кӕны республикӕйы спорты министрады пресс-службӕ.

Уӕгъдибар хъӕбысхӕсты турниры фыццаг бон ацыд знон Смоленскы.

Ирыстойнаг хъӕбысӕйхӕцӕг ахызт финалмӕ 86 килограммы уӕзы категорийы.

"Финалмӕ фӕндагыл Наниты Славик рамбылдта Бӕдоаты Астикы 4:2 хыгъдӕй, Шамиль Алиевы 6:0 хыгъдӕй, ӕрдӕгфиналы та Андрей Тефановы – 10:0", - дзырдӕуы хъусинаджы.

Финалон тохы 86 килограммы уӕзы категорийы ирон спортсмен Наниты Славик фембӕлдзӕн Аманулла Расуловимӕ Дагестанӕй.

4
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

5
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

5
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1