Хуссар Иры æрыгон шахматистты командæ ссис Алания Синема-ы æвзит призер

Хуссар Иры æрыгон шахматистты командæ ссис "Алания Синема"-ы æвзист призер

38
(ранӕуӕггонд 11:52 06.03.2020)
Командæйы сконды уыдысты - йæ капитан Къодоты Андрей, хъазджытæ – Цоциты Батрадз, Цоциты Ацæмæз, Багаты Зелим æмæ Джыгкайты Артур

ЦХИНВАЛ, 6 мар — Sputnik, Плиты Фатимæ. Хуссар Ирыстоны шахматистты кæстæр къорд ссис кубок "Алания Синема"-йы æвзист призер тагъд шахматтæй (рапид). Командæ иттæг хорз ахъазыд турниры, уый фембылд æрмæстдæр фысымты командæ - Дзæуджыхъæуæн, фехъусын кодта сывæллæтты тренер Саулохты Георгий.

Команда юных шахматистов Южной Осетии стали серебряными призерами в Серверной Осетии
© Photo : Из личного архива Георгия Шавлохова
Хуссар Иры æрыгон шахматистты командæ ссис "Алания Синема"-ы æвзит призер

Æвзист призерты командæйы уыдысты - командæйы капитан Къодоты Андрей, хъазджытæ – Цоциты Батрадз, Цоциты Ацæмæз, Багаты Зелим æмæ Джыгкайты Артур.

"Турнир фыццаг хатт цыд Дзæуджыхъæуы, цæугæ Кубок хæссы уæлахиздзау, дыууæ уæлахизы фæстæ та уый свæййы кубокы хицау. Дыккаг бынат махæн иудзырдæй у хорз æнтыст, фембылд стæм æрмæст финалы Дзæуджыхъæуы командæйæн", - загъта тренер.

Кубок "Алания Синема" цыд фыццаг хатт, архайдтой дзы скъоладзаутæ 15 азы кары онг.

Фыццаг бынат райста Дзæуджыхъæуы "Дворец Пионеров", дыккагыл ацыд Хуссар Ирыстоны командæ, æртыккаг бынатыл та командæ "Дигора".

  • Хуссар Иры æрыгон шахматистты командæ ссис Алания Синема-ы æвзит призер
    Хуссар Иры æрыгон шахматистты командæ ссис "Алания Синема"-ы æвзит призер
    © Photo : Из личного архива Георгия Шавлохова
  • Хуссар Иры æрыгон шахматистты командæ ссис Алания Синема-ы æвзит призер
    Хуссар Иры æрыгон шахматистты командæ ссис "Алания Синема"-ы æвзит призер
    © Photo : Из личного архива Георгия Шавлохова
  • Хуссар Иры æрыгон шахматистты командæ ссис Алания Синема-ы æвзит призер
    Хуссар Иры æрыгон шахматистты командæ ссис "Алания Синема"-ы æвзит призер
    © Photo : Из личного архива Георгия Шавлохова
1 / 3
© Photo : Из личного архива Георгия Шавлохова
Хуссар Иры æрыгон шахматистты командæ ссис "Алания Синема"-ы æвзит призер
38
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

5
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

5
Хуыгаты Алан

Хъуамӕ рамбулон: Хуыгаты Алан стох кӕндзӕн Цӕгат Иры боксы изӕры

10
Спортсмен йӕ кӕройнаг ныхмӕлӕуды фӕстӕ баулӕфдзӕн ӕрмӕстдӕр дыууӕ къуырийы ӕмӕ та ногӕй рахиздзӕн рингмӕ

ЦХИНВАЛ, 2 мар – Sputnik, Хъуылымбегты Азӕмӕт. Ирон спортсмен Хуыгаты Алан ауадздзӕн тох Дзӕуджыхъӕуы боксы изӕры.  Мадзал ацӕудзӕн 11 марты ресторан "Торне"-йы, фехъусын кодта Sputnik спортсмен йӕхӕдӕг.

Хуыгаты Аланы ныхмӕлӕууӕг нырма бӕрӕг нӕу. Уымӕй дарддӕр ма мадзалы хайад райсдзысты клуб "Ариана"-йы ӕндӕр минӕвӕрттӕ.

Спортсменӕн Мӕскуыйы боксы изӕр "Shamo boxing"-ы йӕ кӕройнаг ныхмӕлӕуды фӕстӕ рацыд ӕрмӕстдӕр дыууӕ къуырийы - уый уӕд йӕ ныхмӕлӕууӕг Толибджон Сарабековы ӕртыккаг раунды арвыста нокауты.

"Мӕскуыйы ерысты размӕ рагӕй нал рахызтӕн рингмӕ ӕмӕ рымысыдтӕн тох. Цӕттӕкӕнынад цӕуы бӕрзонд ӕмвӕзадыл. Хъуамӕ рамбулон", - загъта Алан.

Хуыгаты Алан нырма иу хатт дӕр нӕ фӕхӕрд - профессионалон рингыл уый 12 хатты ссис уӕлахиздзау. Уый у клуб "Ариана"-йы  минӕвар ӕмӕ тох кӕны астӕуккаг ӕрдӕгуӕзы (63 кг) категорийы.

10
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3