Цхинвалы фæбæрæг сты хуыздæр студентон командæтæ баскетболæй

Цхинвалы фæбæрæг сты хуыздæр студентон командæтæ баскетболæй

51
(ранӕуӕггонд 17:22 11.03.2020)
Университеты фыццагады финалмæ ахызтысты истори æмæ аразджыты факультетты командæтæ

ЦХИНВАЛ, 11 мар — Sputnik, Плиты Фатимӕ. Цхинвалы фæбæрæг сты ХИПУ-йы фыццагады финалисттæ баскетболæй. Дыууæ тыхджындæр командæ - истори æмæ аразджыты факультетты командæтæ цыппæрæмы тох кæдзысты уæлахиздзауы номыл.

Турнир по баскетболу в ЮОГУ
© Sputnik / Наталья Айриян
Дзабиты Роланд

Ӕдыппæтæй ерысты хайад райстой цыппар командæйы, финалистæй дарддæр ма тохы бацыдысты экономикон æмæ фæсарæйнаг æвзæгты факультетты командæтæ.

Фыццаг финалмæ ахызтысты "аразджытæ", уыдон ныддæрæн кодтой "экономистты" 9:26 хыгъдæй. Дыккаг къордæй уæлахиздзауæй рахызтысты "историктæ", уыдон рамбылдтой фæсарæйнаг æвзæгты факультеты хъазджыты.

Ерысты сæйраг тæрхонгæнæг, уæлдæр ахуыргæнæндоны ахуыргæнæг Дзабиты Роланды ныхæстæм гæсгæ, бирæ æзты фæстæ сног кодтой уæлдæр ахуыргæнæндоны ерыстæ уадзыны традици.

"20 азы дæргъы нæм нæ цыд ерыстæ. Абон æнхъæлмæ кастыстæм аст командæмæ, фæлæ архайы æрмæстдæр цыппар. Уæлахиздзаутæ хорзæхджын рцæудзысты, стæй ма турниры хатдзæгтæм гæсгæ фидар æрцæудзæн ахуыргæнæндоны командæ", - загъта Дзабиты Роланд.

Уый ма банысан кодта, ХИПУ-йы командæ дарддæр хайад исдзæн ерысты фæсарæнты.

Фыццаг ерысгæнæн бон иууыл хуыздæр хатдзæгтимæ балхынцъ кодта Хъуылымбегты Азæмæт, уый ныппæрста 8 портийы.

"Аст портийы ныппæрстон æмæ мæ командæйæн 'рхастон 16 очкойы. Ӕхсызгон мын у ХИПУ-йы кæй сног кодтой турниртæ уадзыны традици", - загъта Хъуылымбегты Азæмæт.

  • Цхинвалы фæбæрæг сты хуыздæр студентон командæтæ баскетболæй
    Цхинвалы фæбæрæг сты хуыздæр студентон командæтæ баскетболæй
    © Sputnik / Наталья Айриян
  • Цхинвалы фæбæрæг сты хуыздæр студентон командæтæ баскетболæй
    Цхинвалы фæбæрæг сты хуыздæр студентон командæтæ баскетболæй
    © Sputnik / Наталья Айриян
  • Цхинвалы фæбæрæг сты хуыздæр студентон командæтæ баскетболæй
    Цхинвалы фæбæрæг сты хуыздæр студентон командæтæ баскетболæй
    © Sputnik / Наталья Айриян
  • Цхинвалы фæбæрæг сты хуыздæр студентон командæтæ баскетболæй
    Цхинвалы фæбæрæг сты хуыздæр студентон командæтæ баскетболæй
    © Sputnik / Наталья Айриян
1 / 4
© Sputnik / Наталья Айриян
Цхинвалы фæбæрæг сты хуыздæр студентон командæтæ баскетболæй
51
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

3
(ранӕуӕггонд 15:06 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембылд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

3