Плиты Зауырбег

Ӕрымысыдтӕн футбол: Плиты Зауырбег тренировкӕтӕ ӕмӕ йе ‘фсымӕры уавӕры тыххӕй

5
(ранӕуӕггонд 14:27 26.05.2020)
Коронавирусы пандеми бахъыгдӕрдта нӕ царды бирӕ фадгуытӕ. Футболист Плиты Зауырбег радзырдта Sputnik йӕ тренировкӕтӕ ӕмӕ COVID-19-ӕй фӕрынчынуӕвӕг ӕфсымӕры уавӕры тыххӕй

ЦХИНВАЛ, 25 мая – Sputnik, Коцты Милена. Мӕскуыйаг "Динамо"-йы хъахъхъӕнӕг Плиты Зауырбег радта эксклюзивон комментари Sputnik-ӕн, кӕцыйы радзырдта тренировкӕты тыххӕй, афтӕ ма йе ‘фсымӕр Плиты Константины уавӕры тыххӕй, кӕцы ис карантины Дзӕуджыхъӕуы.

Плиты Константин, командӕ "Рубин"-ы хъахъхъӕнӕг, фӕрынчын коронавирусӕй 18 майы. Йе ‘фсымӕр Зауырбеджы тест нӕ равдыста вирусы уӕвынад, фӕлӕ йӕ уӕддӕр бакодтой карантины.

"Алцыдӕр у хорз, ныр дӕн командӕйы сконды, ме ‘фсымӕр та нырма ис хиизоляцийы хӕдзары, фӕлӕ йӕхи хорз хаты. Фӕнды мӕ, цӕмӕй футболон сезон тагъддӕр райдайа", - банысан кодта Зауырбег.

Афтӕ ма уый бахахх кодта, кӕй ӕрымысыд футбол ӕмӕ йӕ фӕнды райдайын уадзын ӕххӕст тренировктӕ ӕмӕ хъазын.

Ӕппӕт Европӕйы коронавирусы пандемийы тыххӕй ӕрурӕдтой футболон чемпионаттӕ. Хъӕзтытӕ уагъд цыдысты ӕрмӕстдӕр белорусаг чемионаты, афтӕ ма дыууӕ къуырийы размӕ йӕ архайд сног кодта Германийы чемпионат дӕр.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 5,4 милуан адӕймагӕй фылдӕр, 344 мин рынчынӕй фылдӕр амардысты.

5
Хуссар Иры Дзауы район хоны Бежанты Зелимханы номарӕн турнирмӕ футболӕй

Хуссар Иры Дзауы район хоны Бежанты Зелимханы номарӕн турнирмӕ футболӕй

17
(ранӕуӕггонд 10:16 16.09.2020)
Ерыстӕ цӕуынц дыккаг хатт, ивгъуыд аз спортивон мадзалы триумфатор ссис республикон футболон скъолайы командӕ

ЦХИНВАЛ, 16 сен — Sputnik, Плиты Фатимӕ. Хуссар Ирыстоны Дзауы район хоны сывӕллӕтты командӕты футболы турнирмӕ. Ерыстӕ нывонд сты Советон цӕдисы уӕззау атлетикӕйӕ спорты мастер, Хуссар Ирыстоны физикон культурӕйы сгуыхт кусӕг, футболы тренер Бежанты Зелимханы номарынӕн. Уый тыххӕй фехъусын кодта Sputnik районы спорты хайады хистӕр Джиоты Алик.

Ерыстӕ цӕуынц дыккаг хатт, ивгъуыд аз спортивон мадзалы триумфатор ссис республикон футболон скъолайы командӕ.

"Кӕд нӕ коронавирус нӕ бахъыгдара, уӕд йӕ уадзӕм 29 сентябрӕй ӕртыккӕгӕм октябрьмӕ. Хонӕм ӕппӕт республикӕйӕ скъолайы кары командӕты",- загъта Джиоты Алик.

Йӕ ныхӕстӕм гӕсгӕ, командӕтӕй куырдиаттӕ ист цӕудзысты 25 сентябрьмӕ.

Ивгъуыд аз ерысты архайдтой 13 командӕйы.

Бежанты Зелимхан йӕ цардӕй ахицӕн ис аварийы фӕстиуӕгӕн Транскамыл ивгъуыд аз. Уыд уӕззау атлетикӕйӕ Советон цӕдисы спорты мастер, йӕ спортивон карьерӕйы фӕуды фӕстӕ каст фӕцис Тбилисы тренерон скъола, уый фӕстӕ куыста Дзауы районы футболы тренерӕй.

17
Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы

Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы

5
(ранӕуӕггонд 13:54 11.09.2020)
Турнир уыдзӕн уӕрӕсейаг командӕмӕ бахизыны ӕвзӕрстыты этаптӕй сӕ иу Сербийы декабры дунейы чемпинаты хайад райсыны фӕдыл

ЦХИНВАЛ, 11 сен — Sputnik. Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы, хъусын кӕны РИА Новости.

Турнир уыдзӕн уӕрӕсейаг командӕмӕ бахизыны ӕвзӕрстыты этаптӕй сӕ иу Сербийы декабры дунейы чемпинаты хайад райсыны фӕдыл.

"Уӕрӕсейы чемпионат уӕгъдибар хъӕбысхӕстӕй нӕлгоймӕгты хсӕн ацӕудзӕн октябры Дзӕуджыхъӕуы. Мах нывӕндӕм ауадзын Уӕрӕсейы Кубок греко-римаг хъӕбысхӕстӕй Уфайы 8-11 декабры. Уӕрӕсейы чемпионат та уӕгъдибар хъӕбысхӕстӕй ацӕудзӕн йӕ фӕстӕ", - хъусын кӕны агентад Уӕрӕсейы Спортивон хъӕбысхӕсты федерацийы президент Михаил Мамиашвилийы ныхӕстӕ.

Уый бафтыдта, Дзӕуджыхъӕуы ерыстӕ ауадзыны дырыс ӕмгъуыд снысан кӕндзысты фӕстӕдӕр.

5
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

0
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

0