Гасситы Мурæт

Гасситы Мурæты дебют суперуæззау уæзы гæнæн ис ацæуа фæззæджы Сочийы

14
(ранӕуӕггонд 09:55 19.06.2020)
Гасситы Мурӕты дебют суперуæззау уæзы хъуамӕ ацыдаит 2019 азы, фӕлӕ йӕ бахъыг дардтой травмӕтӕ

ЦХИНВАЛ, 18 июн – Sputnik. Дунейы экс-чемпион боксӕй WBA ӕмӕ IBF верситӕм гӕсгӕ Гасситы Мурӕты дебют суперуæззау уæзы гæнæн ис ацæуа фæззæджы Сочийы. Уый тыххæй фехъусын кодта УФ Боксы федерацийы сӕргълӕууӕг Умар Кремлев, фыссы 15-æм регион.

"Ойы, Мурæты (Гасситы) тох фæнд кæнæм ауадзын Сочийы казинотæй иуы. Фæлæ уый сæрды нæ уыдзæн", - загъта Кремлев.

Гасситы Мурӕты дебют суперуæззау уæзы хъуамӕ ацыдаит 2019 азы, фӕлӕ йӕ бахъыг дардтой травмӕтӕ. Фӕстӕдӕр та йӕ бон не ссис ауадзын ныхмӕлӕуд мӕгуырау цӕттӕгӕнӕн лагеры тыххӕй.

Ӕдӕппӕт 26-аздзыд ирон боксеры хӕзнадоны ис 26 уӕлахизы (19 нокаутӕй) ӕмӕ иу фембылд.

 

14
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

5
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

5
Шашкӕтӕ

Ирон шашист бахызт фондз хуыздӕр хъазӕджы скондмӕ ӕппӕтуӕрӕсейон ерысты

9
(ранӕуӕггонд 12:41 11.08.2020)
Уырыссаг шашкӕтӕй турнир нӕлгоймӕгтӕ ӕмӕ сылгоймӕгты хсӕн ӕрӕмбырд кодта 30 спортсмены. Цӕгат Ирыстоны кад хъахъхъӕдта Годжысаты Хъазбег

ЦХИНВАЛ, 11 авг — Sputnik. Спорты мастермӕ кандидат Годжысаты Хъазбег Цӕгат Ирыстонӕй бахызт фондз хуыздӕр хъазӕджы скондмӕ престижон турнир "Цимла-2020"-ы Ростов-на-Донуйы, фехъусын кодта 15-ӕм Регион.

Годжысаты Хъазбег ӕнтыстджын архайд скодта блицы, цы ран ацыд 4-5 бынатыл, партитӕй иуы уый рамбылдта турниры иунӕг гроссмейстер Александрины.

Классикон программӕйы Годжысаты Хъазбег бахызт фыццаг дӕс хъазӕджы скондмӕ, чемпион та ссис спорты мастер Мӕскуыйӕ Сергей Золотов.

Турнир ӕрӕмбырд кодта 30 шашисты бӕстӕйы алыгъуызон регионтӕй. Ерыстӕ нӕлгоймӕгтӕ ӕмӕ сылгоймӕгты хсӕн уагъд цыдысты 3-9 августы Ростовы областы горӕт Цимлянскы.

9