Боксы скъола Цхинвалы

Хуссар Иры боксы ӕмбырдгондӕн Нагутнийы улӕфӕндоны ацӕудзысты ахуыртӕ

101
(ранӕуӕггонд 10:11 10.07.2020)
Къорды сконды сты Хуссар Ирыстоны Боксы секциты хуыздӕр хъомылгӕнинӕгтӕ, кӕцытӕ ӕдзух ӕмбулынц ӕхсӕнадӕмон турнирты, афтӕ ма перспективон спортсментӕ

ЦХИНВАЛ, 9 июл - Sputnik, Плиты Фатимӕ. Хуссар Ирыстоны ӕрыгон боксерты ӕмбырдгонд командӕйӕн цӕттӕгӕнӕн ахуыртӕ ацӕудзысты Знауыры районы Нагутнийы хъӕуы уӕвӕг улӕфӕндон "Ныфс"-ы. Спортсментӕ фидар кӕндзысты се 'нӕниздзинад ӕмӕ физикон цӕттӕдзинад, фехъусын кодта Sputnik Боксы скъолайы директоры хӕдивӕг Кокойты Ирбег.

Къорды сконды уыдзысты республикӕйы иууыл цӕттӕдӕр боксертӕ.

"Дыууын лӕппуйӕ фылдӕр дӕс боны дӕргъы сӕхи цӕттӕ кӕндзысты хосгӕнӕн улӕфӕндоны. Къорды сконды сты Хуссар Ирыстоны Боксы секциты хуыздӕр хъомылгӕнинӕгтӕ, кӕцытӕ ӕдзух ӕмбулынц ӕхсӕнадӕмон турнирты, афтӕ ма перспективон спортсментӕ", - загъта Кокойты Ирбег.

Йӕ ныхӕстӕм гӕсгӕ, рӕвдзытӕ ацӕудзысты августы, сӕрдыгон улӕфтӕй рахизыны фӕстӕ. Фӕсивӕдимӕ кусдзысты Боксы скъолайы директор Кокойты Мурӕт ӕмӕ тренер Плиты Азӕмӕт.

101
Тедеты Дзамболат

Ӕввахс рæстæджы рабæрæг уыдзæн УФ æмбырдгонды сконд Олимпиаг хъæзтыты - Тедеты Дзамболат

12
(ранӕуӕггонд 16:20 17.11.2020)
Тренер куыд банысан кодта, афтæмæй Уæрæсейы чемпионаты фадат фæцис  спортсменты цæттæдзинадæн саргъ кæнынæн

ЦХИНВАЛ, 17 ноя – Sputnik. Уæгъдибар хъæбысæйхæцджытæн Олимпиаг хъæзтыты размæ алы старт дæр ахсджиаг у, загъта УФ национ командæйы сæйраг тренер Тедеты Дзамболат, хъусын кæны 15 регион.

"Уавæр ахæм у, æмæ дунейы чемпионат ацæудзæн дунейы сæрмагонд Кубокы фæлгæты, кæронбæттæнон уынаффæ скъуыддзаг æрцыд. Уый та нысан кæны, цæттæ кæнын нæ кæй хъæуы, уымæн æмæ Олимпиаг хъæзтыты размæ алы старт дæр ахсджиаг у, турниртæ та къæлиндары абоны бон бирæ нæй", — загъта уый.

Тренер куыд банысан кодта, афтæмæй Уæрæсейы чемпионаты фадат фæцис  спортсменты цæттæдзинадæн саргъ кæнынæн.

Йæ ныхасмæ ма бафтыдта, зæгъгæ, æввахс рæстæджы Уæрæсейы æмбырдон командæ хъуамæ ауадза дыууæ цæттæгæнæн æмбырды.

"Спортсменты цæттæдзинадæн саргъ кæндзыстæм. Фæстæдæр тренерты сконд рахæсдзæн уынаффæ, Белградмæ чи ацæудзæн, уый тыххæй, бындурæн ист æрцæудзæн октябры мæйы Уæрæсейы чемпионат Наро-Фоминскы", — бахахх кодта Тедеты Дзамболат.

Уый баныфс æвæрдта, цалдæр къуырийы дæргъы командæйы сконд кæй рабæрæг уыдзæн.

12
Тыбылты Алик

"Тох ахицӕн тагъд": Тыбылты Алик фӕуӕлахиз боксы изӕры Краснодары

2
(ранӕуӕггонд 10:12 17.11.2020)
Ирон боксер Тыбылты Алик йӕ радон уӕлахиз ӕрхаста боксы изӕр "SKV Boxing"-ӕй Краснодарӕй. Уый рамюылдта йӕ ныхмӕлӕууӕджы Санкт-Петербургӕй Александр Салтыковы

ЦХИНВАЛ, 17 ноя – Sputnik, Хъуылымбегты Азӕмӕт. Хуссарирыстойнаг боксер Тыбылты Алик рамбылдта боксы изӕры Краснодары - йӕ ныхмӕлӕууӕджы Санкт-Петербургӕй Александр  Салтыковы уый уайтагъд фыццаг раунды арвыста техникон нокауты. Уый тыххӕй Sputnik фехъусын кодта спортсмен йӕхӕдӕг.

"Тох ахицӕн тагъд, уымӕн ӕмӕ йын фыццаг раунды ӕмбисы ныццавтон йӕ игӕр. Уый фӕстӕ мӕ ныхмӕлӕууӕг сыстад, фӕлӕ та раунды кӕронмӕ йӕ бон нал бацис адарддӕр кӕнын тох", - радзырдта Тыбылты Алик.

Уый бафтыдта, ныр та йӕхи кӕй цӕттӕ кӕндзӕн боксы изӕрмӕ "Shamo boxing", кӕцы ацӕудзӕн 18 декабры Уӕрӕсейы Федерацийы сӕйраг горӕты. Йӕ ныхмӕлӕууӕг нырма бӕрӕг нӕу.

Тыбылты Алик архайы 63 килограммы уӕзы категорийы. Ӕвзонг спортсмен ауагъта авд тохы ӕнӕ фембылдтӕй. Боксер тренировкӕ кӕны Уӕрӕсейы сгуыхт тренер Сланты Виталийы къухдариуӕгады бын.

2

Уӕрӕсейаг ӕфсӕддонтӕ дезинфекци уадзынц Хуссар Иры районты

0
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

0