Гасситы Мурӕт ӕмӕ Александр Усик

Уӕрӕсейы Боксы федерацийы сӕрдары уырны, Гасситы Мурӕт реваншы кӕй рамбулдзӕн Усикы

12
(ранӕуӕггонд 13:42 24.07.2020)
Экс-чемпион радзырдта ДИФ, ныртӕккӕ кӕй нӕ хъуыды украинаг боксеримӕ реваншыл. Уымӕн йӕ сӕйраг хӕслӕвӕрд у рахизын рингмӕ

ЦХИНВАЛ, 24 июл – Sputnik, Козаты Диана. Уӕрӕсейы Боксы Федерацийы сӕргълӕууӕг Умар Кремлевы уырны, дунейы экс-чемпион боксӕй Гасситы Мурӕт кӕй рамбулдзӕн реваншы дунейы экс-абсолютон чемпионы боксӕй Александры Усикы йӕ тых, хъӕддыхдзинад ӕмӕ йӕ фидар цӕфы руаджы.

WBA ӕмӕ IBF верситӕм гӕсгӕ дунейы раздӕры чемпион Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

"Кӕй зӕгъын ӕй хъӕуы, ацы аз мӕ фӕндыдаид фенын Гасситы Мурӕты тох Уӕрӕсейы. Ныртӕккӕ Мурӕт активон тренировкӕтӕ уадзы. Мах фӕнды, цӕмӕй иууыл хуыздӕр профессионалон тохтӕ цӕуой Уӕрӕсейы, цӕмӕй махӕн уа иууыл хуыздӕр фӕзуат. Тынг мӕ фӕнды, цӕмӕй Гасситы Мурӕт ӕмӕ Александр Усик ногӕй сӕмбӕлой рингыл. Уырны мӕ, ацы хатт Мурӕт кӕй фӕуӕлахиз уыдзӕн йӕ тых, хъӕддыхдзинад ӕмӕ йӕ фидар цӕфы руаджы", - хъусын кӕны РИА Новости Умар Кремлевы ныхӕстӕ.

Йӕ интервьюйы Sport.ru-йӕн Гасситы Мурӕт загъта, кӕй нӕ хъуыды кӕны Усикимӕ реваншыл.

"Ныртӕккӕ мӕ сӕйраг хӕслӕвӕрд у рахизын рингмӕ, ныхмӕлӕууӕджы ном ахсджиаг нӕу", - банысан кодта спортсмен.

Гасситы Мурӕт бафтыдта, зӕгъгӕ, кӕд ӕмӕ карантин сисой ӕмӕ алцыдӕр хорз уа, уӕд фӕнд кӕны ауадзын азы кӕронмӕ дыууӕ тохы.

12
Хуссар Иры каратисттӕ рамбылдтой авд майданы Майкопы

Хуссар Иры каратисттӕ рамбылдтой авд майданы Майкопы

6
Хуссар Иры спортивон кад ерысты хъахъхъӕдтой авд каратисты – уыдон иууылдӕр бацахстой призон бынӕттӕ

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны каратисттӕ ӕнтыстджын архайд скодтой ерысты Майкопы ӕмӕ рамбылдтой авд майданы, фехъусын кодта Sputnik каратейы тренер Габатты Алан.

"Нӕ спортсментӕ рамбылдтой ӕртӕ сыгъзӕрин, ӕртӕ ӕвзист ӕмӕ иу бронзӕйон майдан. Ерысты хайад истой авд хуссарирыстойнаг каратисты", - загъта Габатты Алан.

Йӕ ныхӕстӕм гӕсгӕ, спортсменты дарддӕр нывӕзты ис цӕттӕкӕнынад Уӕрӕсейы чемпионатмӕ, кӕцы ацӕудзӕн июлы.

Амӕйразмӕ Цӕгат Ирыстоны спортсментӕ рамбылдтой 12 майданы ӕппӕтуӕрӕсейон ерысты каратейӕ Сочийы.

6
Цхинвалы районы сбӕрӕг кодтой иууыл хуыздӕр шашистты

Цхинвалы районы сбӕрӕг кодтой иууыл хуыздӕр шашистты

5
(ранӕуӕггонд 11:02 14.05.2021)
Ерысты, кӕцытӕ нывонд уыдысты Уӕлахизы бонӕн, хайад райстой районы хуыздӕр хъазджытӕ. Призтыл ӕдӕппӕт тох кодтой 12 спортсмены

ЦХИНВАЛ, 14 май — Sputnik. Хуссар Ирыстоны Цхинвалы районы спорты хайад ауагъта традицион турнир шашкӕтӕй, кӕцыйы хайад райстой районы хуыздӕр хъазджытӕ. Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй призтыл тох кодтой 12 спортсмены.

"Ерысты регламентмӕ гӕсгӕ, фембӕлдтӕ цыдысты зылдон системӕмӕ гӕсгӕ. Ерысты фӕстиуджытӕм гӕсгӕ, иууыл фылдӕр очкотӕ райста районы администрайы финансон хайады минӕвар Тедеты Николай, кӕцы ссис турниры уӕлахиздзау. Дыккаг бынатыл ацыд Цъунары скъолайы директор Тыбылты Алексей. Ӕртыккаг бынатыл – адӕмон нывгӕнӕг Гӕбӕраты Борис. Фӕсивӕды хсӕн иууыл цӕттӕдӕр разынд Тъбеты хъӕуы минӕвар Бикъойты Станислав", - дзырдӕуы хъусинаджы.

Цхинвалы районы администрацийы спорты хайад хистӕр Тъуриты Тенгиз ӕмӕ республикӕйы шашкӕты федерацийы президент Лолоты Борис схорзӕхджын кодтой ерысты уӕлахиздзаутӕ ӕмӕ призерты грамотатӕй, майдантӕй ӕмӕ кубоктӕй.

5
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0