Алан Саламты

Ирон спортсмен Саламты Аланы дебют ММА-йы ахицæн ирд уæлахизæй

6
(ранӕуӕггонд 14:43 27.07.2020)
Уайтагъд фыццаг раунды ирон спортсмен равдыста йæ уæлдзиныгад йæ ныхмæлæууæг Евгений Никитиныл, техникон нокауты йæ арвитгæйæ

ЦХИНВАЛ, 27 июл - Sputnik. Тайаг боксæй спорты мастер Саламты Алан фæуæлахиз шоу "Наше дело"-йы фæлгæтты турниры Мæскуыйы. Уый фыццаг раунды арвыста техникон нокауты йæ ныхмæлæууæг, мæскуыйаг Евгений Никитины, хъусын кæны ПТРК "Алания".

Ирон спортсмен иу æмæ дыууæ хатты не ссис æфсæддон аивæдты студентон хъæзтыты уæлахиздзау. Ерысты уый тæрхонгæнджытæ алыхатт дæр рахицæн кæнынц йæ бæрзонд техникæйы тыххæй.

Алан æмхæццæ æтохæдты архайы фыццаг хатт. Спортсмены тренировкæ кæнынц Верди Тариев æмæ Геннадий Мартиросов.

6
Дудайты Владимир

ММА-йы тохгӕнӕг Ирыстонӕй ауадздзӕн тох февралы

10
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

10
Хуссар Иры команда боксӕй стох кӕндзӕн Цӕгат Иры фыццагады

Цхинвайлаг боксертӕ стох кӕндзысты Цӕгат Иры фыццагады

17
(ранӕуӕггонд 12:33 15.01.2021)
Уымӕй размӕ, боксы скъолайы ацыдысты спаррингтӕ, цӕмӕй сбӕлвырд кӕной иууыл цӕттӕдӕр боксерты

ЦХИНВАЛ, 15 янв – Sputnik, Плиты Фатимӕ. Хуссар Ирыстоны боксерты командӕ стох кӕндзӕн Цӕгат Ирыстоны фыццагады 2005-2006 ӕмӕ 2007-2008 ӕзты гуырд спортсменты хсӕн, фехъусын кодта Sputnik боксы скъолайы директоры хӕдивӕг Кокойты Ирбег.

Ерыстӕ райдайдзысты къуырисӕры, 18 январы, Дзӕуджыхъӕуы.

"Фидар ӕрцыд командӕйы сконд, фылдӕр бӕрцӕй уырдӕм бацыдысты горӕты ӕмӕ Дменисы хъӕуы уӕвӕг секцитӕй, стӕй ма спорты галуан "Олимп"-ы минӕвӕрттӕ. Цӕгат Ирыстоны стох кӕндзӕн нӕ боксертӕй 15, уыдон сты 12-ӕй 16 азы онг кары", - загъта Кокойты Ирбег.

Уымӕй размӕ, боксы скъолайы ацыдысты спаррингтӕ, цӕмӕй сбӕлвырд кӕной иууыл цӕттӕдӕр боксерты. Ерыстӕ спортсментӕн суыдзысты фыццӕгтӕ дӕргъвӕтин фӕстиаты фӕстӕ.

17
COVID-19

Хуссар Иры сбӕрӕг кодтой 37 ног рынчыны коронавирусӕй

0
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

0