Хуссар Ирыстоны æрыгон каратистты цæттæгæнæн ахуыртæ Кърозы

Созайты Владимир: хæххон Кърозы тренировкæтæ каратисттӕн дæттынц уæлдай тых

18
(ранӕуӕггонд 12:27 29.07.2020)
Каратистты тренер Созайты Владимиры ныхӕстӕм гӕсгӕ, хæххон бынаты тренировкæтæ спортсменæн дæттынц уæлдай тых

ЦХИНВАЛ, 29 июл – Sputnik, Дриаты Лейла. Хуссар Ирыстоны æрыгон каратисттæн цæттæгæнæн ахуыртæ райдыдтой Кърозы хъæуы, базæ "Кроз-Тур"-ы. Ам спортсментæ уадзынц тренировкæтæ æмæ ма фидар кæнынц се ‘нæниздзинад дæр.

Каратистты тренер, Хуссар Ирыстоны Æфсæддон хъӕзтыты Федерацийы сæйраг тренер Созайты Владимиры ныхӕстӕм гӕсгӕ, тренировкӕтӕн хæххон бынат хуымæтæджы æвзæрст не ‘рцыд.

"Хæххон бынаты тренировкæтæ спортсменæн дæттынц уæлдай тых. Кърозы хъæу у денджызы æмвæзадæй 1650 метры бæрзонддæр. Ам цы сыгъдæг, сатæг уæлдæф ис, уый хъуамæ хуыздæрæдæм бандава сывæллæтты æнæниздзинадыл", - банысан кодта уый.

Тренер куыд банысан кодта, афтӕмӕй сыгъдæг уæлдæфмæ тренировкæтæй дарддæр ма сæ программæмæ хаст сты историон бынæттæм балцытæ.

Хуссар Ирыстоны æрыгон каратистты цæттæгæнæн ахуыртæ Кърозы
© Sputnik / Дриаты Лейла
Хуссар Ирыстоны æрыгон каратистты цæттæгæнæн ахуыртæ Кърозы

Каратистты командæ йæхи цæттæ кæны сентябры райдианы Цæгат Кавказы гом чемпионаты хайад райсынмæ. Уый фæстæ 8-12 октябры Сочийы уагъд цæудзæнис Уæрæсейы чемпионат. 12-16 ноябры та Самарайы ацæудзысты ерыстæ Уæрæсейы кубокыл æмæ Фæсивæды æппæтдунеон ерыстæ "Самарский кастман".

"Ныртæккæ Кърозы хъæуы цы спортментæ тренировкæ кæнынц, уыдон сты, сæрмагондæй ацы ерысты хайад чи хъуамæ райса, уыдон", - бахахх кодта Созайты Владимир.

Кърозы хъæумæ каратисттæ ахастой сæйраг спортивон инвентарь æмæ сæ уым сæвæрдтой, ныр бон æртæ хатт кæнынц тренировкæтæ. Хæлцæн сын дæттынц натуралон продукттæй хæринæгтæ. Спортсментæй иуы ныййарæг Джыгкайты Залинæ радон улæфт райста сæрмагондæй, цæмæй сывæллæттæн афоныл араза хæринаг. Спортсменты хæрзиуæгæн ма лагеры территорийыл сæвæрдтой бассейн дæр. Интернет æмæ сæм телевизор кæд, нæй, уæддæр, тренеры ныхӕстӕм гӕсгӕ. сæхи æнæ уыдон дæр хатынц иттæг хорз.

Хуссар Ирыстоны æрыгон каратистты цæттæгæнæн ахуыртæ Кърозы
© Sputnik / Дриаты Лейла
Хуссар Ирыстоны æрыгон каратистты цæттæгæнæн ахуыртæ Кърозы

Сентябры мæйы æппæтадæмон ерыстæм чи ацæудзæн, уыцы командæйы сконды сты Дунейы чемпионкæ Дудайты Доннæ, Цæгат Кавказы зылды чемпионкæтæ Тыджыты Иринæ æмæ Тадтаты Аннæ, Уæрæсейы чемпионкæ Кристина Журавлева, Цæгат Ирыстон-Аланийы уæлахиздзаутæ Лалыты Джер æмæ Джиоты Эрик.

18
Хуссар Иры сарӕзтой ипподром низӕфхӕрд сабитӕн

Хуссар Иры сарӕзтой ипподром низӕфхӕрд сабитӕн

29
(ранӕуӕггонд 12:43 17.09.2021)
Бӕхджын фӕзуат ӕнӕаргъӕй исдзӕн низӕфхӕрд сывӕллӕтты - уый уыд сывӕллӕтты барты фӕдыл президенты ӕххӕстбарджыны домӕн, кӕцыйы фӕндӕй сӕрӕзтӕуыд ипподром

ЦХИНВАЛ, 17 сен - Sputnik, Плиты Фатимӕ. Хуссар Ирыстоны Джеры комы октябры райдайӕны йӕ уазджытӕ исын райдадзӕн ног ипподром. Фыццаг рады уый арӕзт ӕрцыд низӕфхӕрд сабиты реабилитацийӕн, фехъусын кодта Sputnik сывӕллӕтты барты фӕдыл президенты ӕххӕстбарджын минӕвар Цхуырбаты Татьяна.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Арӕзтад цыд президент Бибылты Анатолийы финансон ӕххуысӕй.

"Хорз хъуыддагӕн ӕрӕвӕрдтам бындур. Ипподром бакӕндзыстӕм октябры райдайӕны, куыд нӕ фӕндыд афтӕ рацыд, ныридӕгӕн ӕфснайд цӕуы йӕ территори. Иумӕйагӕй исгӕйӕ та дзы нырма бирӕ гӕнӕн ис саразын, дыууӕ-ӕртӕ азы бахъӕудзӕн, цӕмӕй дзы сырӕза, Уӕрӕсейы цы ипподромтӕ ис, уыдон ӕнгӕс", - загъта  Цхуырбаты Татьяна.

Уый ма бафтыдта, ипподром гом кӕй уыдзӕн алкӕмӕн дӕр. 

"Ӕмрӕстӕджы ум кусы бӕхыл бадыны скъола дӕр. Йӕ бардарӕг Къӕбулты Ренатмӕ ис райрӕзты фӕндтӕ ӕмӕ ацы кьуым хуыздӕрӕй-хузыдӕр кӕндзӕн", - бафтыдта уый.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Объект арӕзт ӕрцыд Къӕбулты Хъазбеджы номыл бӕхты бадыны центр "Сидуг"-ы бындурыл. Центр уӕвынад кӕны 2019 азӕй фӕстӕмӕ Джеры комы ӕдзӕрӕг хъӕутй иуы.

29
Хынцӕгты Альберт

Владимир Путин схорзӕхджын кодта Хынцӕгты Альберты Хӕлардзинады орденӕй

23
(ранӕуӕггонд 12:39 14.09.2021)
Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры

ЦХИНВАЛ, 14 сен – Sputnik. Уӕрӕсейы президент Владимир Путин схорзӕхджын кодта Паралимпиаг хъӕзтыты чемпион ядро ӕхсынӕй Хынцӕгты Альберты Хӕлардзинады орденӕй. Уый тыххӕй хъусын кӕны 15-ӕм Регион.

Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры.

Уымӕй дарддӕр ма II къӕпхӕны майдантӕй "За заслуги перед Отечеством" скад кодтой бронзӕйон призер лидзынӕй Къобесты Черменӕн.

Уӕрӕсейаг атлетты – Токиойы Паралимпиадӕйы призерты - схорзӕх кӕныны фӕдыл барамынд сабаты бафыста Уӕрӕсейы президент Владимир Путин.

23
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10