Дзæуджыхъæуы ацæудзæн профессионалон боксы изæр

Дзæуджыхъæуы ацæудзæн профессионалон боксы изæр

7
(ранӕуӕггонд 14:59 29.07.2020)
Спортивон мадзал республикæйы суыдзæн фыццаг коронавирусы пандемийы фæдыл тобæтæ фæрогдæр кæныны фæстæ

ЦХИНВАЛ, 29 июл — Sputnik. Цæгат Ирыстоны столицæйы ресторан "Торне"-йы æртыццæджы изæрæй ацæудзæн профессионалон боксы изæр. Спортивон мадзал республикæйы суыдзæн фыццаг коронавирусы пандемийы фæдыл тобæтæ фæрогдæр кæныны фæстæ, хъусын кæны боксерон клуб "Ариана"-йы сайт.

Ерысты хайадисджытæ рацыдысты сæ уæз сбарыны процедурæ. Турниры организатортæ райстой æдасдзинады мадзæлттæ иууылдæр: спортсментæн сарæзтой тесттæ коронавирус рафæлгъауынæн, турнир та ацæудзæн æнæ кæсджытæй.

"Хъыгагæн, цæмæй сæвзæргæ уавæры нæ турнир ауадзæм, уый тыххæй нæ бахъуыд карз мадзæлттæ райсын, сæ нымæцы æнæ кæсджытæй йæ ауадзын. Кæй зæгъын æй хъæуы, афтæ дзы æндæр атмосферæ уыдзæн, фæлæнын æндæр гæнæн нæй", - банысан кодта клубы къухдариуæггæнæг Сланты Виталий.

Йæ ныхæстæм гæсгæ, турниры фæлгæтты ацæудзысты "Ариана"-йы фараст минæвары ныхмæлæуды, афтæ ма уæрæсейаг æмæ таджикаг спорсменты тохтæ. Изæры сæйраг тох та суыдзæн Тыбылты Александр æмæ рязайнаг спортсмен Денис Азарченко.

 

7
Дыууӕ хуссарирыстойнаг боксеры стох кӕндзысты ӕхсӕнадӕмон турниры Абхазы

Дыууӕ хуссарирыстойнаг боксеры стох кӕндзысты ӕхсӕнадӕмон турниры Абхазы

7
(ранӕуӕггонд 09:22 28.09.2020)
Хуссар Ирыстоны спортивон кад хъахъхъӕндзысты 2019 Цӕгат Ирыстоны фыццагады триумфатортӕ Яралов Ян ӕмӕ Бестауты Аслан.

ЦХИНВАЛ, 27 сен – Sputnik, Плиты Фатимӕ. Цӕгат Ирыстоны командӕтӕй сконды дыууӕ цхинвайлаг боксеры стох кӕндзысты Абхазы ӕхсӕнадӕмон турниры, кӕцы нывонд у сӕ бӕстӕйы Леоны ордены кавалер, Советон цӕдисы спорты мастер Георгий Блабы рухс номӕн. Уый тыххӕй фехъусын кодта Sputnik сӕ тренер Гӕбӕраты Гамлет.

Ерысты цӕудзысты 29 сентябрӕй фӕндзӕм октябрьмӕ абхазаг горӕт Пицундайы.

"Тренер Плиты Роберты къухдариуӕгадӕй Цӕгат Ирыстонӕй цӕуы командӕ 20 адӕймаджы бӕрц, се сконды нӕ спортсментӕ - Яралов Ян ӕмӕ Бестауты Аслан. Ивгъуыд аз уыдон рамбылдтой Цӕгат Ирыстоны фыццагад, фӕлӕ пандемиийы аххосӕй ныр иу аз нӕ архайдтой ерысты, уымӕ ӕнӕкӕсгӕйӕ, сӕм хорз ӕнтыстытӕм ӕнхъӕлмӕ кӕсӕм",- загъта сӕ тренер.

Йӕ ныхӕстӕм гӕсгӕ, фарон Бестауты Аслан ссис ацы ерысты призер.

Спортсментӕ цӕттӕ кӕнынц Цхинвалы спорты галуан Олимпы боксы секцийы.

7
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3