Гæджиты Гурам

Хуссарирыстойнаг боксеры фӕхуыдтой сбортӕм Мӕскуымӕ

215
(ранӕуӕггонд 11:11 18.08.2020)
Гӕджиты Гурам ахуырты хайадисӕг ссис, куыд йӕ уӕзы ӕмӕ кары Уӕрӕсейы хуыздӕр боксер, афтӕ

ЦХИНВАЛ, 18 авг– Sputnik, Плиты Фатимӕ. Хуссарирыстойнаг боксер, 2019 азы УФ фыццагады финалист Гӕджиты Гурам йӕ спортивон ӕнтыстытӕм гӕсгӕ бацыд Уӕрӕсейы ӕмбырдгондмӕ. Боксер ныридӕгӕн ис Мӕскуыйы сборты, фехъусын кодта Sputnik йӕ тренер Дзигойты Ацӕмӕз.

Гӕджиты Гурам у Хуссар Ирыстоны архайгӕ спортсментӕн се 'нтысджындӕртӕй иу. Уый ивгъуыд азы Уӕрӕсейы раразмӕгонд ӕрцыд Европӕйы фыццагадмӕ дӕр, фӕлӕ уӕд ерыстӕ аивтой коронавирусы пандемиийы тыххӕй.

"Августы райдианӕй фӕстӕмӕ ис цӕттӕгӕнӕн ахуырты куыд йӕ кары ӕмӕ уӕзы Уӕрӕсейы хуыздӕр боксер. Ӕрӕмбырд дзы ис диссаджы сконд - 2005 азы гуырд цӕттӕдӕр боксертӕ", - загъта тренер.

Йӕ ныхӕстӕм гӕсгӕ, спортсменӕм Мӕскуыйы рӕвдзытӕ цӕудзысты 22 августмӕ.

"Сентябры райдайӕны та уый цӕуы ног сбортӕм, ныр та ахуыртӕ уыдзысты Кисловодскы", - бафтыда тренер.

Гӕджиты Гурам Цхинвалы цӕттӕ кӕны Дзигойты Ацӕмӕзы къухдариуӕды бын. Нырмӕ йын бантыст рамбулын 30 ерысы алы ӕмвӕзадты.

215
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

9
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

9
Хуыгаты Алан

Хъуамӕ рамбулон: Хуыгаты Алан стох кӕндзӕн Цӕгат Иры боксы изӕры

11
Спортсмен йӕ кӕройнаг ныхмӕлӕуды фӕстӕ баулӕфдзӕн ӕрмӕстдӕр дыууӕ къуырийы ӕмӕ та ногӕй рахиздзӕн рингмӕ

ЦХИНВАЛ, 2 мар – Sputnik, Хъуылымбегты Азӕмӕт. Ирон спортсмен Хуыгаты Алан ауадздзӕн тох Дзӕуджыхъӕуы боксы изӕры.  Мадзал ацӕудзӕн 11 марты ресторан "Торне"-йы, фехъусын кодта Sputnik спортсмен йӕхӕдӕг.

Хуыгаты Аланы ныхмӕлӕууӕг нырма бӕрӕг нӕу. Уымӕй дарддӕр ма мадзалы хайад райсдзысты клуб "Ариана"-йы ӕндӕр минӕвӕрттӕ.

Спортсменӕн Мӕскуыйы боксы изӕр "Shamo boxing"-ы йӕ кӕройнаг ныхмӕлӕуды фӕстӕ рацыд ӕрмӕстдӕр дыууӕ къуырийы - уый уӕд йӕ ныхмӕлӕууӕг Толибджон Сарабековы ӕртыккаг раунды арвыста нокауты.

"Мӕскуыйы ерысты размӕ рагӕй нал рахызтӕн рингмӕ ӕмӕ рымысыдтӕн тох. Цӕттӕкӕнынад цӕуы бӕрзонд ӕмвӕзадыл. Хъуамӕ рамбулон", - загъта Алан.

Хуыгаты Алан нырма иу хатт дӕр нӕ фӕхӕрд - профессионалон рингыл уый 12 хатты ссис уӕлахиздзау. Уый у клуб "Ариана"-йы  минӕвар ӕмӕ тох кӕны астӕуккаг ӕрдӕгуӕзы (63 кг) категорийы.

11
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7