Хуссар Иры равзарæ боксертæн ацыд бынтæттон рæвдзытæ

Зынгæ фæтыхджындæр сты: Хуссар Иры равзаргæ боксертæн ацыд бынæттон рæвдзытæ

32
(ранӕуӕггонд 13:34 19.08.2020)
Хистӕр кары хуыздӕр 18 боксеры дыууӕ тренеры хъусдарды бын нывыл уавӕрты фидар кодтой сӕ физикон цӕттӕдзинад Знауыры поселочы

ЦХИНВАЛ, 19 авг– Sputnik, Плиты Фатимӕ. Хуссар Ирыстоны Знауыры районы кæромæ бахæццæ сты республикæйы равзаргæ æвзонг боксерты рæвдзытæ. Тренерты хъуыдымæ гæсгæ, фæсивæд дæсбонон ахуырты фæстæ сарæзтой стыр къахдзæф размæ сæ физикон цæттæдзинады.

Хуссар Ирыстоны хистӕр кары хуыздӕр 18 боксеры дыууӕ тренеры хъусдарды бын нывыл уавӕрты фидар кодтой сӕ физикон цӕттӕдзинад. Къорды ӕрӕмбырд кодтой республикӕйы ӕппӕт секцитӕй.

Тренировочные сборы боксеров Южной Осетии в поселке Знаур
© Sputnik / Natalia Airiyan
Хуссар Иры равзарæ боксертæн ацыд бынтæттон рæвдзытæ

Фӕсивӕды ӕрфысым кодта Знауыры посёлочы дзюдойы скъола. Иттӕг хорз уавӕртӕ, хӕрзад аходӕнтӕ ӕмӕ ӕппынӕдзух тренировкӕтæ спортсменты ракодтой хуыздӕр ӕмвӕзадмӕ.

"Ацы 18 сты, майдантӕ чи хӕссынц, уыцы равзаргӕ фӕсивӕд, уыдон сӕ хорз цӕттӕдзинад сбӕлвырд кодтой ӕхсӕнадӕмон турнирты. Мӕн уырны, фӕндӕгтӕ куы байгом уой, уӕд кæй ацӕудзыстӕм ерыстӕм ӕмӕ 'рхӕсдзыстӕм ног уӕлахизтӕ", - загъта Sputnik боксерты тренер Дзигойты Ацӕмӕз.

Лæппутæн традицион сæрдыгон ахуыртæ фыццаг хатт цыдысты бынаты - коронавирусы пандеми æрæхгæдта спортменты ацæуæнтæ.

"Хорз уавæртæ ис Знауыры. Спортсментæ бафтыдтой тых æмæ физикон цæттæдзинад. 10 боны æнæхъуаджы нæ ацыдысты. Горæтмæ куы ныццæуæм, уæд та райдайдзыстæм кусын æрмкъухтимæ, рингыл ныхмæлæуджытимæ", - загъта Sputnik боксы скъолайы директор Кокойты Мурæт.

Тренировочные сборы боксеров Южной Осетии в поселке Знаур
© Sputnik / Natalia Airiyan
Хуссар Иры равзарæ боксертæн ацыд бынтæттон рæвдзытæ

Йæ ныхæстæм гæсгæ, ацы ахуырты фæстæ та æнгæс цæттæгæнæн мадзал сараздзысты Дзауы районы кæстæр фæлтæрæн.

"Хорз цæттæ сывæллæтæ нæм ис. Кæстæрдæр кары къордæн дæр фæнд кæнæм ауадзын сбортæ Дзауы районы. Ирыстоны хъайтар Санахъоты Геннадийы номарæн турнир та ацы аз октябры хъуамæ ауадзæм дыккаг хатт æмæ уый агъоммæ уым ацæудзысты цæттæгæнæн ахуыртæ", - бафтыдта уый.

Банысан кæнын ма хъæуы, ноджы иу цхинвайлаг боксер Гæджиты Гурам та ныртæккæ кæй цæуы сбортæ Мæскуыйы. Уый йӕ спортивон ӕнтыстыты фæрцы ивгъуыд азы бацыд Уӕрӕсейы ӕмбырдгондмӕ.

  • Хуссар Иры равзарæ боксертæн ацыд бынтæттон рæвдзытæ
    Хуссар Иры равзарæ боксертæн ацыд бынтæттон рæвдзытæ
    © Sputnik / Natalia Airiyan
  • Хуссар Иры равзарæ боксертæн ацыд бынтæттон рæвдзытæ
    Хуссар Иры равзарæ боксертæн ацыд бынтæттон рæвдзытæ
    © Sputnik / Natalia Airiyan
  • Хуссар Иры равзарæ боксертæн ацыд бынтæттон рæвдзытæ
    Хуссар Иры равзарæ боксертæн ацыд бынтæттон рæвдзытæ
    © Sputnik / Natalia Airiyan
1 / 3
© Sputnik / Natalia Airiyan
Хуссар Иры равзарæ боксертæн ацыд бынтæттон рæвдзытæ
32
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

3
(ранӕуӕггонд 15:06 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембылд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

3