Хуссар Ирӕй шахматист ссис Цӕгат Ирыстоны фӕсивӕдон турниры призер

Цхинвайлаг шахматист ссис Цӕгат Ирыстоны фӕсивӕдон турниры призер

46
(ранӕуӕггонд 12:31 24.08.2020)
Хуссар Ирыстоны шахматтты Федерацийы разамонӕг Саулохты Георгий ацыд дыккаг бынатыл, ерысты призтыл тох кодтой 22 хъазӕджы

ЦХИНВАЛ, 24 авг – Sputnik, Плиты Фатимӕ. Хуссарирыстойнаг шахматист Саулохты Георгий ссис Цӕгат Ирыстоны фӕсивӕды социализацийы центры кубокы онлайн хъазты ӕвзист призер.

Саулохты Георгий у Хуссар Ирыстоны шахматты федерацийы разамонӕг, у Хуссар Ирыстоны республикон ерысты цалдӕр хатты уӕлахиздзау ӕмӕ призер.

"Ерыстӕ цыдысты фыццаг хатт, карантины аххосӕй сӕ ауагътой онлайн форматы. Уыд блиц турнир - иу цыды рӕстӕг у ӕртӕ минут ӕмӕ дыууӕ секунды", - загъта Sputnik ерысты призер.

Онлайн турнир ахицӕн ис хуыцаубоны изӕры. Ерысты уӕлахиздзау ссис Агкаты Артур, бронзӕйон призер та - Вадим Морозов. Ӕдӕппӕтӕй хъазты архайдта 22 хъазӕджы.

Шахматист из Южной Осетии стал серебряным призером турнира центра социализации молодежи Серверной Осетии
Хуссар Ирӕй шахматист ссис Цӕгат Ирыстоны фӕсивӕдон турниры призер
46
Хуссар Иры Дзауы район хоны Бежанты Зелимханы номарӕн турнирмӕ футболӕй

Хуссар Иры Дзауы район хоны Бежанты Зелимханы номарӕн турнирмӕ футболӕй

17
(ранӕуӕггонд 10:16 16.09.2020)
Ерыстӕ цӕуынц дыккаг хатт, ивгъуыд аз спортивон мадзалы триумфатор ссис республикон футболон скъолайы командӕ

ЦХИНВАЛ, 16 сен — Sputnik, Плиты Фатимӕ. Хуссар Ирыстоны Дзауы район хоны сывӕллӕтты командӕты футболы турнирмӕ. Ерыстӕ нывонд сты Советон цӕдисы уӕззау атлетикӕйӕ спорты мастер, Хуссар Ирыстоны физикон культурӕйы сгуыхт кусӕг, футболы тренер Бежанты Зелимханы номарынӕн. Уый тыххӕй фехъусын кодта Sputnik районы спорты хайады хистӕр Джиоты Алик.

Ерыстӕ цӕуынц дыккаг хатт, ивгъуыд аз спортивон мадзалы триумфатор ссис республикон футболон скъолайы командӕ.

"Кӕд нӕ коронавирус нӕ бахъыгдара, уӕд йӕ уадзӕм 29 сентябрӕй ӕртыккӕгӕм октябрьмӕ. Хонӕм ӕппӕт республикӕйӕ скъолайы кары командӕты",- загъта Джиоты Алик.

Йӕ ныхӕстӕм гӕсгӕ, командӕтӕй куырдиаттӕ ист цӕудзысты 25 сентябрьмӕ.

Ивгъуыд аз ерысты архайдтой 13 командӕйы.

Бежанты Зелимхан йӕ цардӕй ахицӕн ис аварийы фӕстиуӕгӕн Транскамыл ивгъуыд аз. Уыд уӕззау атлетикӕйӕ Советон цӕдисы спорты мастер, йӕ спортивон карьерӕйы фӕуды фӕстӕ каст фӕцис Тбилисы тренерон скъола, уый фӕстӕ куыста Дзауы районы футболы тренерӕй.

17
Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы

Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы

5
(ранӕуӕггонд 13:54 11.09.2020)
Турнир уыдзӕн уӕрӕсейаг командӕмӕ бахизыны ӕвзӕрстыты этаптӕй сӕ иу Сербийы декабры дунейы чемпинаты хайад райсыны фӕдыл

ЦХИНВАЛ, 11 сен — Sputnik. Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы, хъусын кӕны РИА Новости.

Турнир уыдзӕн уӕрӕсейаг командӕмӕ бахизыны ӕвзӕрстыты этаптӕй сӕ иу Сербийы декабры дунейы чемпинаты хайад райсыны фӕдыл.

"Уӕрӕсейы чемпионат уӕгъдибар хъӕбысхӕстӕй нӕлгоймӕгты хсӕн ацӕудзӕн октябры Дзӕуджыхъӕуы. Мах нывӕндӕм ауадзын Уӕрӕсейы Кубок греко-римаг хъӕбысхӕстӕй Уфайы 8-11 декабры. Уӕрӕсейы чемпионат та уӕгъдибар хъӕбысхӕстӕй ацӕудзӕн йӕ фӕстӕ", - хъусын кӕны агентад Уӕрӕсейы Спортивон хъӕбысхӕсты федерацийы президент Михаил Мамиашвилийы ныхӕстӕ.

Уый бафтыдта, Дзӕуджыхъӕуы ерыстӕ ауадзыны дырыс ӕмгъуыд снысан кӕндзысты фӕстӕдӕр.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау