Хуссар Ир ӕмбуархӕцджытӕн ацыд сбортӕ Знауыры

Хуссар Иры ӕмбуархӕцджытӕн ацыд рӕвдзытӕ Знауыры

17
(ранӕуӕггонд 15:03 04.09.2020)
Ацы рӕвдзытӕ Хуссар Ирыстоны спортсментӕн ссисты дыккӕгтӕ, уымӕй размӕ Знауыры районы дзюдойы скъола ӕрфысым кодта равзаргӕ боксерты

ЦХИНВАЛ, 4 сен - Sputnik, Плиты Фатимæ. Хуссар Ирыстоны ӕмбуар хӕсты секцийы хъомылгӕнинӕгтӕ райстой хайад цӕттӕгӕнӕн рӕвдзыты. Дӕс боны дӕргъы фӕсивӕд цӕттӕ кодтой Знауыры, фехъусын кодой Sputnik спорты комитеты пресс-службӕйы.

Къорды сконды уыд Уӕлдар спортивон дӕсныйады скъолайы ӕмӕ Спорты скъолайы минӕвӕртты иу хай. Ахуыртӕ цыдысты ММА ӕмӕ ӕмбуар хӕсты тренер Хъуылымбегты Мамеды къухдариуӕгады бын, лӕппутимӕ ма куыстой Хаситы Зелим ӕмӕ Бестауты Азӕмӕт.

"Цӕргӕ дӕр ӕмӕ тренировкӕ дӕр кӕнӕм иу бынаты. Фӕсивӕд сты ӕппынӕдзух хъусдарды бын, уый сӕ фыццаг рады ахуыр кӕны дисциплинӕйыл. Боны мидӕг уадзӕм дыууӕ тренировкӕйы", - хъусын кӕны тренер Хъуылымбегты Мамеды ныхӕстӕ пресс-службӕ.

Тренеры ныхӕстӕм гӕсгӕ, фӕсивӕдӕн уыд нывыл уавӕртӕ тренировкӕтӕн.

Ацы рӕвдзытӕ Хуссар Ирыстоны спортсментӕн систы дыккӕгтӕ, уымӕй размӕ Знауыры районы дзюдойы скъола ӕрфысым кодта равзаргӕ боксерты.

17
Хуссар Иры райдыдта Бежанты Зелимы мысӕнӕн турнир

Дыккаг аз фӕд-фӕдыл: Хуссар Иры райдыдта Бежанты Зелимы мысӕнӕн турнир

7
(ранӕуӕггонд 12:27 30.09.2020)
Уӕззау атлетикӕйы спорты мастер, Хуссар Ирыстоны физикон культурӕйы сгуыхт кусӕг Бежанты Зелимы мысӕнӕн турнир футболӕй адарддӕр уыдзӕн 3 октябры онг

ЦХИНВАЛ, 30 сен - Sputnik, Хъуылымбегты Зӕлинӕ. Хуссар Ирыстоны райдыдта гом турнир футболӕй, кӕцы нывонд у Хуссар Ирыстоны физикон культурӕ ӕмӕ спорты сгуыхт кусӕг Бежанты Зелимӕн, фехъусын кодтой Sputnik республикӕйы фӕсивӕдон политикӕ ӕмӕ спорты фӕдыл комитеты пресс-службӕйы.

Турнир Памяти Зелима Бежанова
Хуссар Иры райдыдта Бежанты Зелимы мысӕнӕн турнир

Ерыстӕ райдыдтой 29 сентябры ӕмӕ адарддӕр уыдзысты къуырийы кӕронмӕ.

"Футболон турниры организатор у Дзауы районы администраци. Турниры хайад исынц дӕс командӕйы. Ӕвзонг футболисттӕ сты 12-13 азы кары. Ерысты архайынц командӕтӕ Цхинвалӕй, Дзау ӕмӕ Знауыры районтӕй, кӕцыты адих кодтой дыууӕ къордыл", - фехъусын кодтой комитеты пресс-службӕйы.

Хуссар Ирыстоны физикон культурӕ ӕмӕ спорты сгуыхт кусӕг Бежанты Зелимы мысӕнӕн ерыстӕ уагъд цӕуынц дыккаг аз фӕд-фӕдыл. 2019 азы турниры уӕлахиздзау ссис командӕ "Ир" Цхинвалӕй, дыккаг бынатыл ацыд столицӕйы гимнази "Альбион"-ы командӕ, ӕртыккаг бынат та бацахстой цхинвайлаг фӕндзӕм астӕуккаг скъолайы футболисттӕ.

Турнир Памяти Зелима Бежанова
Хуссар Иры райдыдта Бежанты Зелимы мысӕнӕн турнир

Бежанты Зелим йӕ цардӕй ахицӕн ис аварийы фӕстиуӕгӕн Транскамыл ивгъуыд аз. Уыд уӕззау атлетикӕйӕ Советон цӕдисы спорты мастер, йӕ спортивон карьерӕйы фӕуды фӕстӕ каст фӕцис Тбилисы тренерон скъола, уый фӕстӕ куыста Дзауы районы футболы тренерӕй.

7
Гасситы Мурӕт

Фӕбӕрӕг Гасситы Мурӕты ныхмӕлӕууӕг йӕ дебютон тохы суперуӕззау уӕзы

4
(ранӕуӕггонд 14:26 29.09.2020)
Ирон боксер фембӕлдзӕн рингыл америкайаг спортсмен Кевин Джонсонимӕ 31 октябры Сочийы

ЦХИНВАЛ, 29 сен — Sputnik. WBA ӕмӕ IBF верситӕм гӕсгӕ дунейы раздӕры чемпион Гасситы Мурӕт йӕ дебютон тохы суперуӕззау уӕзы фембӕлдзӕн америкайаг Кевин Джонсонимӕ, хъусын кӕны дыццӕджы 15-ӕм Регион ирон боксеры тренер Салнты Виталийы ныхӕстыл ӕнцойгӕнгӕйӕ.

Кевин Джонсонимӕ тох ацӕудзӕн 31 октябры Сочийы.

Сланты Виталийы ныхӕстӕм гӕсгӕ, Джонсон у фидар ныхмӕлӕууӕг, кӕцы ауагъта конкурентон тохтӕ тыхджын боксертимӕ, куыд Владимир Кличко, Тайсон Фьюри ӕмӕ ӕндӕртимӕ.

"Алцыдӕр баст у Мурӕты уавӕримӕ. Дыууӕ аз ӕмӕ ӕрдӕг у стыр ӕмгъуыд. Ныртӕккӕ активонӕй тренировкӕ кӕны, 70-75 проценты у цӕттӕ ", - хъусын кӕны портал Сланты Виталийы ныхӕстӕ.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

4
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

0
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

0