Боксер Гасситы Мурæт

Гасситы Мурæт æмæ Джонсоны тох ацæудзæн кæсджытимæ - Кремлев

17
(ранӕуӕггонд 12:13 01.10.2020)
Къуырисæры рабæрæг ис, ирон боксеры дебютон ныхмæлæуд суперуæззау уæзы кæй ацæудзæн 31 октябры Сочийы

ЦХИНВАЛ, 1 окт — Sputnik. Дунейы раздæры чемпион фыццаг уæззау уæзы WBA æмæ IBF верситæм гæсгæ Гасситы Мурæт æмæ америкæйаг Кевин Джонсоны ныхмæлæуд Сочийы ацæудзæн кæсджытимæ, хъусын кæны Sports.ru.

Къуырисæры рабæрæг ис, ирон боксеры дебютон ныхмæлæуд суперуæззау уæзы кæй ацæудзæн 31 октябры Сочийы.

Уæрæсейы Боксы федерацийы сæргълæууæг Умар Кремлевы ныхæстыл æнцойгæнгæйæ, портал хъусын кæны, зæгъгæ, Сочийы нырма бауагътой аренæйы цы кæсджытæ цæуынц, уыдон 50% бауадзын тохмæ. Йæ ныхæстæм гæгæ, уыцы изæр тох кæндзысты WBA Interim (рæстæгмæ чемпионы рон) титулыл, фæлæ ныртæккæ цæуынц бадзырдтæ, цæмæй ма стох кæной ноджы искæцы титулыл дæр.

Ирон экс-чемпион фæстаг хатт тох кодта 2018 азы 21 июлы. Уæд уый фембылд Александр Усикæн тæрхонгæнджыты иумæйаг скъуыддзагæй. Уый фæстæ боксер аскъуыддзаг кодта ахизын уæззау уæзмæ. Фæлæ ног дивизионы йæ дебют цалдæр хатты æрцыд æргъæвд.

17
Цхинвайлаг богалтӕ

Цхинвайлаг богалтӕ рамбылдтой Цӕгат Иры фыццагад

14
(ранӕуӕггонд 14:21 21.01.2021)
Ерысты уӕлахиздзаутӕ ссисты Бестауты Андрей ӕмӕ Дзӕгъиаты Сослан, ноджы ма иу богал Хуссар Ирыстонӕй та ссис призер - ӕртыккаг бынат бацахста Цхуырбаты Артем

ЦХИНВАЛ, 21 янв – Sputnik, Плиты Фатимӕ. Цхинвайлаг богалтӕ расгуыхтысты Цӕгат Ирыстоны фыццагады юниорты хсӕн. Ерысты ӕнтыстджын разындысты Бестауты Андрей ӕмӕ Дзӕгъиаты Сослан, фехъусын кодта Sputnik спортсменты тренер Коцты Тамерлан.

Ноджы ма иу богал Хуссар Ирыстонӕй ссис призер - ӕртыккаг бынат бацахста Цхуырбаты Артем.

"Уӕлӕлахизтыл буцахуыр лӕппутӕ ацы хатт дӕр фесгуыхтысты - Европӕйы чемпион Бестауты Андрей рамбылдта  юниорты хсӕн 125 кг уӕзы, Уӕрӕсейы чемпион Дзӕгъиаты Сослан та - 97 кг уӕзы", - радзырдта уый.

Тренер бафтыдта, ноджы ма иу бынӕттон лӕппу Джиоты Арсен, кӕцы ныридӕгӕн цӕттӕ кӕны Дзӕуджыхъӕуы, кӕй рамбылдта ерысты.

14
Дудайты Владимир

ММА-йы тохгӕнӕг Ирыстонӕй ауадздзӕн тох февралы

11
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

11
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

0
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

0
Темӕтӕ:
Радио иронау