Цхинвайлаг боксер ссис ӕхсӕнадӕмон турниры призер

Цхинвайлаг боксер ссис ӕхсӕнадӕмон турниры призер

45
(ранӕуӕггонд 14:24 05.10.2020)
Бестауты Аслан ныр дыккаг хатт хайад исы ацы ерысты ӕмӕ дыууӕ хатты дӕр бацахста призон бынӕттӕ

ЦХИНВАЛ, 5 окт –Sputnik, Плиты Фатимӕ. Хуссарирыстойнаг боксер Бестауты Аслан ссис ӕхсӕнадӕмон турниры бронзӕйон призер Абхазы республикӕйы. Лӕппу турниры фӕлгӕтты ауагъта цыппар тохы, фехъусын кодта Sputnik спортсмены тренер Гӕбӕраты Гамлет.

Абхазы ӕхсӕнадӕмон турнир, кӕцы нывонд у бӕстӕйы Леоны ордены кавалер, Советон цӕдисы спорты мастер Георгий Блабы рухс номӕн, цыд 29 сентябрӕй фӕндзӕм октябрьмӕ абхазаг горӕт Пицундайы.

"Дыууӕ тохы рамбылдта, ӕртыккаг фембӕлд та, мӕ хъуыдымӕ гӕсгӕ, ацыд ӕмдыхӕй, фӕлӕ тӕрхонгӕнджытӕ ныхмӕлӕуд скъуыддзагӕй уӕлахиз радтой уӕрӕсейаг спортсменӕн, кӕцы у Уӕрӕсейы фыццагады призер. Нӕ хъомылгӕнинаг хорз равдыста йӕхи - иуӕй уыд бӕрзонд ӕмвӕзады турнир, стӕй нӕ спортсментӕ рагӕй нал архайдтой турнирты, уымӕ ӕнӕкӕсгӕйӕ хорз тох кодта", - загъта тренер.

Йӕ ныхӕстӕм гӕсгӕ, Бестауты Аслан ныр дыккаг хатт хайад исы ацы ерысты, дыууӕ хатты дӕр бацахста призон бынӕттӕ.

Спортсмены Цхинвалы цӕттӕ кӕны Гӕбӕраты Гамлет, Цӕгат Ирыстоны ис тренертӕ Плиты Роберт ӕмӕ Козаты Таймураз.

Хуссар Ирыстонӕй турнирмӕ раразмӕгонд ӕрцыд дыууӕ спортсмены - Ян Яралов ӕмӕ Бестауты Аслан. Фыццаджы Абхазаг арӕнтӕй раздӕхтой, хуссарирыстойнаг паспортимӕ кӕй уыд, уый аххосагӕй.

45
Хуссар Иры сарӕзтой ипподром низӕфхӕрд сабитӕн

Хуссар Иры сарӕзтой ипподром низӕфхӕрд сабитӕн

29
(ранӕуӕггонд 12:43 17.09.2021)
Бӕхджын фӕзуат ӕнӕаргъӕй исдзӕн низӕфхӕрд сывӕллӕтты - уый уыд сывӕллӕтты барты фӕдыл президенты ӕххӕстбарджыны домӕн, кӕцыйы фӕндӕй сӕрӕзтӕуыд ипподром

ЦХИНВАЛ, 17 сен - Sputnik, Плиты Фатимӕ. Хуссар Ирыстоны Джеры комы октябры райдайӕны йӕ уазджытӕ исын райдадзӕн ног ипподром. Фыццаг рады уый арӕзт ӕрцыд низӕфхӕрд сабиты реабилитацийӕн, фехъусын кодта Sputnik сывӕллӕтты барты фӕдыл президенты ӕххӕстбарджын минӕвар Цхуырбаты Татьяна.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Арӕзтад цыд президент Бибылты Анатолийы финансон ӕххуысӕй.

"Хорз хъуыддагӕн ӕрӕвӕрдтам бындур. Ипподром бакӕндзыстӕм октябры райдайӕны, куыд нӕ фӕндыд афтӕ рацыд, ныридӕгӕн ӕфснайд цӕуы йӕ территори. Иумӕйагӕй исгӕйӕ та дзы нырма бирӕ гӕнӕн ис саразын, дыууӕ-ӕртӕ азы бахъӕудзӕн, цӕмӕй дзы сырӕза, Уӕрӕсейы цы ипподромтӕ ис, уыдон ӕнгӕс", - загъта  Цхуырбаты Татьяна.

Уый ма бафтыдта, ипподром гом кӕй уыдзӕн алкӕмӕн дӕр. 

"Ӕмрӕстӕджы ум кусы бӕхыл бадыны скъола дӕр. Йӕ бардарӕг Къӕбулты Ренатмӕ ис райрӕзты фӕндтӕ ӕмӕ ацы кьуым хуыздӕрӕй-хузыдӕр кӕндзӕн", - бафтыдта уый.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Объект арӕзт ӕрцыд Къӕбулты Хъазбеджы номыл бӕхты бадыны центр "Сидуг"-ы бындурыл. Центр уӕвынад кӕны 2019 азӕй фӕстӕмӕ Джеры комы ӕдзӕрӕг хъӕутй иуы.

29
Хынцӕгты Альберт

Владимир Путин схорзӕхджын кодта Хынцӕгты Альберты Хӕлардзинады орденӕй

23
(ранӕуӕггонд 12:39 14.09.2021)
Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры

ЦХИНВАЛ, 14 сен – Sputnik. Уӕрӕсейы президент Владимир Путин схорзӕхджын кодта Паралимпиаг хъӕзтыты чемпион ядро ӕхсынӕй Хынцӕгты Альберты Хӕлардзинады орденӕй. Уый тыххӕй хъусын кӕны 15-ӕм Регион.

Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры.

Уымӕй дарддӕр ма II къӕпхӕны майдантӕй "За заслуги перед Отечеством" скад кодтой бронзӕйон призер лидзынӕй Къобесты Черменӕн.

Уӕрӕсейаг атлетты – Токиойы Паралимпиадӕйы призерты - схорзӕх кӕныны фӕдыл барамынд сабаты бафыста Уӕрӕсейы президент Владимир Путин.

23
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10