Хуссарирыстойнаг боксер ссис Абхазы турниры уæлахиздзау

Хуссарирыстойнаг боксер ссис Абхазы турниры уæлахиздзау

11
(ранӕуӕггонд 15:31 07.10.2020)
Хуриты Рубен ауагъта æртæ тохы æмæ æртæйæ дæр рахызт уæлахиздзауæй. Боксеры тренер радзырдта, цавæр миниуджытæ баххуыс кодтой лæппуйæн рингыл

ЦХИНВАЛ, 7 окт – Sputnik, Хъуылымбегты Азæмæт. Хуссарирыстойнаг боксер Хуриты Рубен ауагъта æртæ уæлахизхæссæг тохы фæсивæды хсæн æхсæнадæмон турниры Абхазы. Уый тыххæй Sputnik радзырдта боксеры тренер Кокойты Хъазбег.

Цхинвайлаг боксер ссис ӕхсӕнадӕмон турниры призер
Из архива тренера Гамлета Габараева

Советон Цæдисы спорты мастер Георгий Блабы мысæн турнир æрæмбырд кодта 600 онг спортсмены Хуссар Ирыстон, Абхаз æмæ Уæрæсейæ.

"Уый размæ та Рубен рамбылдта ЦКФЗ чемпионат, стæй уый фæстæ æрæвнæлдтам Абхазы ерыстæм цæттæ кæнынмæ. Уый ауагъта тынг ирд æртæ тохы, йæ ныхмæлæуджытæй уыд бирæ цæттæдæр. Уæрæсейы æмбырдгонды тренер дæр æй рахицæн кодта куыд тынг тыхджын боксер, нокаутеры, афтæ", - радзырдта Кокойты Хъазбег.

Тренер банысан кодта, ныр та Рутены кæй цæттæ кæнынц профессионалон рингмæ.

"Йæ кармæ куы бацæуа, уæд æй снысан кæндзыстæм профессионалтæм. Лæппу у тынг намысджын, нысанмæздæхт, ис æм алы миниуджытæ дæр, цæмæй схиза бæрзонд къæпхæнмæ профессионалон боксы", - загъта уый.

Кокойты Хъазбег ма бахахх кодта, йæ къухдариуæгады бын ма кæй цæттæ кæнынц ноджы цалдæр перспекктивон боксеры, кæцыты ном дæр нырма айхъуысдзæн Ирыстоны.

11
Хуссар Иры каратисттӕ рамбылдтой авд майданы Майкопы

Хуссар Иры каратисттӕ рамбылдтой авд майданы Майкопы

6
Хуссар Иры спортивон кад ерысты хъахъхъӕдтой авд каратисты – уыдон иууылдӕр бацахстой призон бынӕттӕ

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны каратисттӕ ӕнтыстджын архайд скодтой ерысты Майкопы ӕмӕ рамбылдтой авд майданы, фехъусын кодта Sputnik каратейы тренер Габатты Алан.

"Нӕ спортсментӕ рамбылдтой ӕртӕ сыгъзӕрин, ӕртӕ ӕвзист ӕмӕ иу бронзӕйон майдан. Ерысты хайад истой авд хуссарирыстойнаг каратисты", - загъта Габатты Алан.

Йӕ ныхӕстӕм гӕсгӕ, спортсменты дарддӕр нывӕзты ис цӕттӕкӕнынад Уӕрӕсейы чемпионатмӕ, кӕцы ацӕудзӕн июлы.

Амӕйразмӕ Цӕгат Ирыстоны спортсментӕ рамбылдтой 12 майданы ӕппӕтуӕрӕсейон ерысты каратейӕ Сочийы.

6
Цхинвалы районы сбӕрӕг кодтой иууыл хуыздӕр шашистты

Цхинвалы районы сбӕрӕг кодтой иууыл хуыздӕр шашистты

5
(ранӕуӕггонд 11:02 14.05.2021)
Ерысты, кӕцытӕ нывонд уыдысты Уӕлахизы бонӕн, хайад райстой районы хуыздӕр хъазджытӕ. Призтыл ӕдӕппӕт тох кодтой 12 спортсмены

ЦХИНВАЛ, 14 май — Sputnik. Хуссар Ирыстоны Цхинвалы районы спорты хайад ауагъта традицион турнир шашкӕтӕй, кӕцыйы хайад райстой районы хуыздӕр хъазджытӕ. Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй призтыл тох кодтой 12 спортсмены.

"Ерысты регламентмӕ гӕсгӕ, фембӕлдтӕ цыдысты зылдон системӕмӕ гӕсгӕ. Ерысты фӕстиуджытӕм гӕсгӕ, иууыл фылдӕр очкотӕ райста районы администрайы финансон хайады минӕвар Тедеты Николай, кӕцы ссис турниры уӕлахиздзау. Дыккаг бынатыл ацыд Цъунары скъолайы директор Тыбылты Алексей. Ӕртыккаг бынатыл – адӕмон нывгӕнӕг Гӕбӕраты Борис. Фӕсивӕды хсӕн иууыл цӕттӕдӕр разынд Тъбеты хъӕуы минӕвар Бикъойты Станислав", - дзырдӕуы хъусинаджы.

Цхинвалы районы администрацийы спорты хайад хистӕр Тъуриты Тенгиз ӕмӕ республикӕйы шашкӕты федерацийы президент Лолоты Борис схорзӕхджын кодтой ерысты уӕлахиздзаутӕ ӕмӕ призерты грамотатӕй, майдантӕй ӕмӕ кубоктӕй.

5
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0