Хуссарирыстойнаг уӕзисӕг Кӕсӕбиты Майрам сӕвӕрдта Уӕрӕсейы ног рекордтӕ

Хуссарирыстойнаг уӕзисӕг Кӕсӕбиты Майрӕм сӕвӕрдта Уӕрӕсейы ног рекордтӕ

34
(ранӕуӕггонд 16:30 09.10.2020)
Тренеры ныхӕстӕм гӕсгӕ, 15 аздзыд лӕппу архайдта хистӕр кары спортсменты хсӕн (24 азы онг) ӕмӕ йӕ хатдзӕгтӕ хынцыд нӕ цыдысты ерысты

ЦХИНВАЛ, 9 окт— Sputnik, Плиты Фатимӕ. Хуссарирыстойнаг уӕзисӕг Кӕсӕбиты Майрӕм УФ фыццагады сӕвӕрдта Уӕрӕсейы ног рекордтӕ юниорты хсӕн архайгӕйӕ, фехъусын кодта Sputnik йӕ тренер Кӕсӕбиты Александр.

"Спортсмены ерыстӕм бауагътой, фӕлӕ йӕ бӕрӕггӕнӕнтӕ ерысты хынцыд нӕ цыдысты. Йӕхи кары категорийы йӕ хатдзӕгтӕ сты рекордон. Фӕстӕдӕр уыдзысты йӕ ӕмкаронтӕн ерыстӕ ӕмӕ сӕ уым сфӕлхат кӕндзӕн ногӕй", - загъта тренер.

Уый ма бафиппайдта, лӕппу ацы ерысты архайгӕйӕ кӕй сӕвӕрдта цалдӕр рекорды.

"Дыууӕ хуызы ерысты систа 237 килограммы (толчок -135 кг ӕмӕ рывок - 105 кг). Ацы бӕрӕггӕнӕнтӕ сты зынгӕ стырдӕр йӕ кары категорийы спортсмены хсӕн. Иу мӕйы фӕстӕ уыдзӕн горӕт Тулайы фыццагад ӕмӕ та уым равдисдзӕн йе 'нтыстытӕ", - бафтыдта Кӕсӕбиты Александр.

Кӕсӕбиты Майрӕм ис 15 азы кары, уыдонæн сæ фылдæр хай цæуы уæззау атлетикæйы спортмæ. Йæ спортивон æнтыстыты нымæцы ис ивгъуыд азы Уæрæсейы фыццагады приз. Ӕппæтуæрсейон ерыстæм æвзæрст рацæуы Ханты-Мансийскы автономон округ — Юграйæ.

Майрам Касабиев установил семь рекордов на первенстве России
Фото из архива тренера Александра Касабиева
Хуссарирыстойнаг уӕзисӕг Кӕсӕбиты Майрам сӕвӕрдта Уӕрӕсейы ног рекордтӕ
34
 Олимп

Цхинвалы спортивон комплекс "Олимп"-ы бакодтой карантин

9
(ранӕуӕггонд 16:56 27.10.2020)
Спортивон комплексы сæ куыст æрурæдтой секцитæ, йæ кæрты территори лæвæрд цæуы уӕрӕсейаг ӕфсӕддон-быдырон госпиталӕн

ЦХИНВАЛ, 27 окт — Sputnik, Плиты Фатимӕ. Цхинвалы спортивон комплекс "Олимп"-ы бакодтой карантин. Объект йӕ куыст ӕрурӕдта спорты комитеты барамындӕй, фехъусын кодта Sputnik галуаны хистӕр Табуты Роберт.

"Спортивон комплекс ӕппӕт секцитимӕ йӕ куыст ӕрурӕдта коронавирусы апарахаты фӕдыл сӕвӕргӕ уавӕры тыххӕй. Тобӕ архайдзӕн цыппӕрӕм ноябрьмӕ",- загъта уагдоны разамонӕг.

Уый ма бафтыдта, спорткомплексӕн ӕхгӕд кӕй уыдзӕн йӕ кӕрт дӕр.

"Ацы территори лӕвӕрд уыдзӕн уӕрӕсейаг ӕфсӕддон-быдырон госпиталӕн. Уыдон ацы тыгъдады ӕвӕрдзысты се 'ппаринӕгтӕ", - бафтыда уый.

Цхинвалы спортивон комплекс "Олимп"-ы кусы бокс, аивдон æмæ эстетикон гимнастикæ, уæззау атлетикæ, армрестилнг, ленк кæныны æмæ æндæр секцитæ. Хистæр кары адæмæн ам кусы бассейн æмæ тренажерон зал.

9
Умар Кремлев

Уӕрӕсейы боксы федераци ӕнхъӕлмӕ кӕсы Гасситы Мурӕты уӕлахизмӕ Нури Сефериимӕ тохы

8
Гасситы Мурӕт фембӕлдзӕн албайнаг боксер Нури Сефериимӕ 31 октябры Сочийы. Ирон спортсменӕн уый уыдзӕн дебютон тох уӕззау уӕзы

ЦХИНВАЛ, 26 окт - Sputnik. Уӕрӕсейы боксы федерацийы генералон секретарь Умар Кремлев загъта йӕ хъуыды ирон боксер Гасситы Мурӕты тохы фӕдыл Нури Сефериимӕ.

Кремлев банысан кодта, Гасситы Мурӕтӕн кӕй уыдзӕн уӕззау ӕмӕ тӕссаг ныхмӕлӕууӕг.

"Мах ӕнхъӕлмӕ кӕсӕм ӕрмӕстдӕр уӕлахизмӕ. Фӕнды нӕ, цӕмӕй Мурӕт ногӕй рахиза стыр аренӕмӕ. Тӕссаг ныхмӕлӕууӕг йын ис. Мурӕт, сӕйраджыдӕр, уайтагъд хъуамӕ ма бахиза хылмӕ, фӕлӕ хъуамӕ архайа фидарзӕрдӕйӕ", - загъта Умар Кремлев.

Гасситы Мурӕты дебют уӕззау уӕзы ацӕудзӕн 31 октябры Сочийы. Тох слӕудзӕн шоу "Столото. Фестиваль бокса"-йы сӕргъ.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

8
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4