Хуссарирыстойнаг уӕзисӕг рамбылдта Уӕрӕсейы фыццагад

Хуссарирыстойнаг уӕзисӕг рамбылдта Уӕрӕсейы фыццагад

485
(ранӕуӕггонд 14:32 12.10.2020)
Наниты Арсен рамбылдта ерысты сызгъæрин майдан æмæ сӕвӕрдта Уæрæсейы рекорд 181 килограмм уӕзсисгӕйӕ

ЦХИНВАЛ, 12 окт – Sputnik, Плиты Фатимӕ. Хуссарирыстойнаг уӕзисӕг Наниты Арсен рамбылдта Уӕрӕсейы фыццагад уӕззау атлетикӕйӕ юниорты хсӕн. Уыимӕ иумӕ ма лӕппу сӕвӕрдта рекорд 181 кг сисгӕйӕ "рывокы", фехъусын кодта Sputnik йӕ тренер Плиты Артур.

Наниты Арсен райгуырд спортивон бинонты хсӕн, ацы спорты йӕ фыд Викторӕн уыд ахадгӕдӕр ӕнтыстытӕ. Лӕппу у горӕт Къуайсайӕ рацӕугӕ.

"Наниты Арсен рамбылдта Уӕрӕсейы фыццагад юниорты хсӕн, уый систа дыууӕ хуызы ерысты 388 кг, уыдонӕй 207 "толчокӕй" ӕмӕ 181 та "рывокы". Дыккаг хатдзӕгӕй уый басаста Уӕрӕсейы рекорд", - загъта Плиты Артур.

Ерыстӕ цыдысты 5-12 октябры Владимиры областы. Лӕппуйы ма Плиты Артурӕй дарддӕр цӕттӕ кӕнынц Наниты Алан ӕмӕ Гаглойты Сослан.

Тренер ма радзырдта йӕ аннӕ хъомылгӕнинаг Джиоты Александры тыххӕй - уый та йӕхи сфӕлвӕрдта ерысты конкурсон программӕйы ӕнӕархайгӕйӕ.

"Джиоты Александрӕн йӕ кармӕ гӕсгӕ йӕ бон нӕ уыд ерысты ӕмсӕр архайӕг суӕвын, фӕлӕ уымӕ ӕнӕкӕсгӕйӕ сӕвӕрдта авд рекорды. Йӕ хатдзӕгтӕ фидар ӕрцыдысты протоколты куыд уыцы кары спортсменты хсӕн ног ӕнтыстытӕ. Фӕстӕдӕр сӕ хъуамӕ сфӕлхатт кӕна Уӕрӕсейы фыццагады йӕхи кары спортсменты хсӕн", - бафтыдта Плиты Артур.

Джиоты Александры Цхинвалы цӕттӕ кӕныныц Плиты Артур ӕмӕ Габайты Ацӕмӕз. Цӕттӕкӕнӕн куыстыты иу хай та цӕуы Юграйы.

Спортсментæн ерысты хайад райсынæн æмархайд кодтой спорты комитет, финансон æххуыс сын бакодта президент Бибылты Анатолий.

Ерысты хайад райстой Уӕрӕсейы 500 хуыздӕр спортсмены.

485
Хуссар Иры каратисттӕ рамбылдтой авд майданы Майкопы

Хуссар Иры каратисттӕ рамбылдтой авд майданы Майкопы

6
Хуссар Иры спортивон кад ерысты хъахъхъӕдтой авд каратисты – уыдон иууылдӕр бацахстой призон бынӕттӕ

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны каратисттӕ ӕнтыстджын архайд скодтой ерысты Майкопы ӕмӕ рамбылдтой авд майданы, фехъусын кодта Sputnik каратейы тренер Габатты Алан.

"Нӕ спортсментӕ рамбылдтой ӕртӕ сыгъзӕрин, ӕртӕ ӕвзист ӕмӕ иу бронзӕйон майдан. Ерысты хайад истой авд хуссарирыстойнаг каратисты", - загъта Габатты Алан.

Йӕ ныхӕстӕм гӕсгӕ, спортсменты дарддӕр нывӕзты ис цӕттӕкӕнынад Уӕрӕсейы чемпионатмӕ, кӕцы ацӕудзӕн июлы.

Амӕйразмӕ Цӕгат Ирыстоны спортсментӕ рамбылдтой 12 майданы ӕппӕтуӕрӕсейон ерысты каратейӕ Сочийы.

6
Цхинвалы районы сбӕрӕг кодтой иууыл хуыздӕр шашистты

Цхинвалы районы сбӕрӕг кодтой иууыл хуыздӕр шашистты

5
(ранӕуӕггонд 11:02 14.05.2021)
Ерысты, кӕцытӕ нывонд уыдысты Уӕлахизы бонӕн, хайад райстой районы хуыздӕр хъазджытӕ. Призтыл ӕдӕппӕт тох кодтой 12 спортсмены

ЦХИНВАЛ, 14 май — Sputnik. Хуссар Ирыстоны Цхинвалы районы спорты хайад ауагъта традицион турнир шашкӕтӕй, кӕцыйы хайад райстой районы хуыздӕр хъазджытӕ. Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй призтыл тох кодтой 12 спортсмены.

"Ерысты регламентмӕ гӕсгӕ, фембӕлдтӕ цыдысты зылдон системӕмӕ гӕсгӕ. Ерысты фӕстиуджытӕм гӕсгӕ, иууыл фылдӕр очкотӕ райста районы администрайы финансон хайады минӕвар Тедеты Николай, кӕцы ссис турниры уӕлахиздзау. Дыккаг бынатыл ацыд Цъунары скъолайы директор Тыбылты Алексей. Ӕртыккаг бынатыл – адӕмон нывгӕнӕг Гӕбӕраты Борис. Фӕсивӕды хсӕн иууыл цӕттӕдӕр разынд Тъбеты хъӕуы минӕвар Бикъойты Станислав", - дзырдӕуы хъусинаджы.

Цхинвалы районы администрацийы спорты хайад хистӕр Тъуриты Тенгиз ӕмӕ республикӕйы шашкӕты федерацийы президент Лолоты Борис схорзӕхджын кодтой ерысты уӕлахиздзаутӕ ӕмӕ призерты грамотатӕй, майдантӕй ӕмӕ кубоктӕй.

5
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4