Хуссарирыстойнаг уӕзисӕг рамбылдта Уӕрӕсейы фыццагад

Хуссарирыстойнаг уӕзисӕг рамбылдта Уӕрӕсейы фыццагад

478
(ранӕуӕггонд 14:32 12.10.2020)
Наниты Арсен рамбылдта ерысты сызгъæрин майдан æмæ сӕвӕрдта Уæрæсейы рекорд 181 килограмм уӕзсисгӕйӕ

ЦХИНВАЛ, 12 окт – Sputnik, Плиты Фатимӕ. Хуссарирыстойнаг уӕзисӕг Наниты Арсен рамбылдта Уӕрӕсейы фыццагад уӕззау атлетикӕйӕ юниорты хсӕн. Уыимӕ иумӕ ма лӕппу сӕвӕрдта рекорд 181 кг сисгӕйӕ "рывокы", фехъусын кодта Sputnik йӕ тренер Плиты Артур.

Наниты Арсен райгуырд спортивон бинонты хсӕн, ацы спорты йӕ фыд Викторӕн уыд ахадгӕдӕр ӕнтыстытӕ. Лӕппу у горӕт Къуайсайӕ рацӕугӕ.

"Наниты Арсен рамбылдта Уӕрӕсейы фыццагад юниорты хсӕн, уый систа дыууӕ хуызы ерысты 388 кг, уыдонӕй 207 "толчокӕй" ӕмӕ 181 та "рывокы". Дыккаг хатдзӕгӕй уый басаста Уӕрӕсейы рекорд", - загъта Плиты Артур.

Ерыстӕ цыдысты 5-12 октябры Владимиры областы. Лӕппуйы ма Плиты Артурӕй дарддӕр цӕттӕ кӕнынц Наниты Алан ӕмӕ Гаглойты Сослан.

Тренер ма радзырдта йӕ аннӕ хъомылгӕнинаг Джиоты Александры тыххӕй - уый та йӕхи сфӕлвӕрдта ерысты конкурсон программӕйы ӕнӕархайгӕйӕ.

"Джиоты Александрӕн йӕ кармӕ гӕсгӕ йӕ бон нӕ уыд ерысты ӕмсӕр архайӕг суӕвын, фӕлӕ уымӕ ӕнӕкӕсгӕйӕ сӕвӕрдта авд рекорды. Йӕ хатдзӕгтӕ фидар ӕрцыдысты протоколты куыд уыцы кары спортсменты хсӕн ног ӕнтыстытӕ. Фӕстӕдӕр сӕ хъуамӕ сфӕлхатт кӕна Уӕрӕсейы фыццагады йӕхи кары спортсменты хсӕн", - бафтыдта Плиты Артур.

Джиоты Александры Цхинвалы цӕттӕ кӕныныц Плиты Артур ӕмӕ Габайты Ацӕмӕз. Цӕттӕкӕнӕн куыстыты иу хай та цӕуы Юграйы.

Спортсментæн ерысты хайад райсынæн æмархайд кодтой спорты комитет, финансон æххуыс сын бакодта президент Бибылты Анатолий.

Ерысты хайад райстой Уӕрӕсейы 500 хуыздӕр спортсмены.

478
Гасситы Мурат

Гасситы Мурӕтӕн радон хатт раивтой йӕ ныхмӕлӕууӕджы

5
(ранӕуӕггонд 11:13 20.10.2020)
Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой албайнаг Сефер Сеферийы

ЦХИНВАЛ, 20 окт — Sputnik. Ирон боксер Гасситы Мурӕты ныхмӕлӕууӕджы йӕ дебютон тохы уӕззау уӕзы фӕивтой дыккаг хатт. Йӕ ног оппонент ныр та у албайнаг спортсмен Нури Сефери, фехъусын кодта РИА Новости промоутер ӕмӕ мадзалы организатортӕй иу Владимир Хрюнов.

Гасситы Мурӕты дебют уӕззау уӕзы нысангонд у 31 октябры Сочийы. Фыццаг ирон боксер хъуамӕ стох кодтаид америкӕйаг спортсмен Кевин Джонсонимӕ. Уый фӕстӕ та йын йӕ ныхмӕлӕууӕг рахуыдтой Нури Сеферийы ӕфсымӕр - Сефер Сеферийы.

"Хъыгагӕн, махӕн фехъусын кодтой, Сефер Сеферийы залы кӕй ис коронавирус ӕмӕ Сефер кӕ хъуамӕ бада карантины. Ноджы ма иу аххосаг – уый фӕтарст Гасситы Мурӕтӕй. Ныр та Мурӕты ныхмӕлӕууӕг уыдзӕн йе фсымӕр Нури", - загъта Хрюнов телефоны.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

5
Хуссарирыстойнаг футболон командӕ Барсалан

Цхинвайлаг "Барсалан"-ы футболисттӕ фембылд сты дзӕуджыхъӕуккаг "Юность"-ӕн

7
(ранӕуӕггонд 16:41 19.10.2020)
Ерысты фаворитимӕ хъазты цхинвайлаг командӕйы сконды иунӕг пурти бакодта Хъӕцмӕзты Александр

ЦХИНВАЛ, 19 окт — Sputnik. Хуссарирыстойнаг футболон командӕ "Барсалан" Семеновы номыл турниры радон хъазты фембылдысты ерысты фаворит – дзӕуджыхъӕуккаг "Юность"-ӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.

Хъазт ацыд ивгъуыд улӕфт бонты Дзӕуджыхъӕуы ӕмӕ балхынцъ ис 4:1 хыгъдӕй.

"Ӕвзӕр нӕ хъазыдыстӕм, фӕлӕ бауагътам ӕртӕ пурти нӕ дуаргӕсы ӕнӕфидар хъазты тыххӕй. Дарддӕр кусдзыстӕм нӕ рӕдыдтытыл", - хъусын кӕны пресс-службӕ "Барсалан"-ы тренер Хъазиты Аланы ныхӕстӕ.

Комитеты бафтыдтой, зӕгъгӕ, цхинвайлаг командӕйы сконды иунӕг пурти бакодта Хъӕцмӕзты Александр.

7
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

4
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
4