Гасситы Мурӕт

Кевин Джонсон нал сразы ис Гасситы Мурӕтимӕ тохыл

13
(ранӕуӕггонд 14:39 14.10.2020)
Америкайагӕн фӕзынд проблемӕтӕ документтимӕ. Джонсон банысан кодта, ома йын нӕ радтой паспорт алиментты фӕдыл хӕсты тыххӕй

ЦХИНВАЛ, 14 окт — Sputnik. Уӕрӕсейаг боксер Гасситы Мурӕты ныхмӕлӕууӕг америкайаг боксер Кевин Джонсон нал сразы ис тохыл, хъусын кӕны телеканал РЕН ТВ.

Америкайагӕн фӕзынд проблемӕтӕ документтимӕ. Джонсон банысан кодта, ома йын нӕ радтой паспорт алиментты фӕдыл хӕсты тыххӕй.

"Фӕстаг дыууӕ боны уый нал рахызт телефонӕй бастдзинадмӕ. Абон райсом уый фӕдзырдта ӕмӕ загъта, кӕй йын ис аххосаг, уымӕн нӕ радтой паспорт алиментты фӕдыл хӕсты тыххӕй. Фӕлӕ Кевин Джонсоныл зындис, кӕй фӕтарст тохӕй", - хъусын кӕны телеканал промоутер Владимир Хрюновы ныхӕстӕ.

Телеканалы информацимӕ гӕсгӕ, Джонсоны бӕсты рингмӕ рахизыныл сразы ис албайнаг боксер Сефер Сефери. 41-аздзыд спортсмен у WBF версимӕ гӕсгӕ интерконтиненталон титулы хицау уӕззау ӕмӕ фыццаг уӕззау уӕзы.

13
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

9
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

9
Хуыгаты Алан

Хъуамӕ рамбулон: Хуыгаты Алан стох кӕндзӕн Цӕгат Иры боксы изӕры

11
Спортсмен йӕ кӕройнаг ныхмӕлӕуды фӕстӕ баулӕфдзӕн ӕрмӕстдӕр дыууӕ къуырийы ӕмӕ та ногӕй рахиздзӕн рингмӕ

ЦХИНВАЛ, 2 мар – Sputnik, Хъуылымбегты Азӕмӕт. Ирон спортсмен Хуыгаты Алан ауадздзӕн тох Дзӕуджыхъӕуы боксы изӕры.  Мадзал ацӕудзӕн 11 марты ресторан "Торне"-йы, фехъусын кодта Sputnik спортсмен йӕхӕдӕг.

Хуыгаты Аланы ныхмӕлӕууӕг нырма бӕрӕг нӕу. Уымӕй дарддӕр ма мадзалы хайад райсдзысты клуб "Ариана"-йы ӕндӕр минӕвӕрттӕ.

Спортсменӕн Мӕскуыйы боксы изӕр "Shamo boxing"-ы йӕ кӕройнаг ныхмӕлӕуды фӕстӕ рацыд ӕрмӕстдӕр дыууӕ къуырийы - уый уӕд йӕ ныхмӕлӕууӕг Толибджон Сарабековы ӕртыккаг раунды арвыста нокауты.

"Мӕскуыйы ерысты размӕ рагӕй нал рахызтӕн рингмӕ ӕмӕ рымысыдтӕн тох. Цӕттӕкӕнынад цӕуы бӕрзонд ӕмвӕзадыл. Хъуамӕ рамбулон", - загъта Алан.

Хуыгаты Алан нырма иу хатт дӕр нӕ фӕхӕрд - профессионалон рингыл уый 12 хатты ссис уӕлахиздзау. Уый у клуб "Ариана"-йы  минӕвар ӕмӕ тох кӕны астӕуккаг ӕрдӕгуӕзы (63 кг) категорийы.

11
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7