Хуссарирыстойнаг ӕрмхӕцӕг ссис турнир Кубок Балтики-йы ӕвзист призер

Цхинвайлаг ӕрмхӕцӕг ссис турнир "Кубок Балтики"-йы ӕвзист призер

32
(ранӕуӕггонд 09:54 19.10.2020)
Плиты Батрадз ерысты фæлгæтты фӕхӕрд ис ӕрмӕст Уӕрӕсейы архайгӕ чемпион Михаил Орловӕн

ЦХИНВАЛ, 16 окт — Sputnik. Плиты Фатимӕ. Хуссарирыстойнаг ӕрмхӕцӕг Плиты Батрадз ссис ӕппӕтуӕрӕсеон турнир "Кубок Балтики"-йы ӕвзист призер, фехъусын кодта Sputnik йӕ тренер Джиоты Валерий.

"Йӕ уӕзы категорийы тох кодта 15 спортсмены, архайдта хистӕр кары ӕрмхӕцджытимӕ. Фӕхӕрд ис ӕрмӕст Уӕрӕсейы архайгӕ чемпион Михаил Орловӕн", - загъта тренер.

Ерыстӕ цыдысты Санкт-Петербурджы 8-12 октябрьмӕ. Плиты Батрадз архайдта 85 килограммы уӕзы.

Ныридӕгӕн  лӕппу ахуыр кӕны ӕфсӕддон хаххыл Уӕрӕсейы, у Санкт-Петербурджы уӕвӕг Михайловскы ӕфсӕддон артиллерион академийы студент.  Йӕ спортивон ӕнтыстыты нымӕцы ис ӕппӕтуӕрӕсеон ерысты уӕлахизтӕ ӕмӕ Европӕйы ӕмвӕзадыл призон бынӕттӕ.

32
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Хуссар Иры команда боксӕй стох кӕндзӕн Цӕгат Иры фыццагады

Цхинвайлаг боксертӕ стох кӕндзысты Цӕгат Иры фыццагады

17
(ранӕуӕггонд 12:33 15.01.2021)
Уымӕй размӕ, боксы скъолайы ацыдысты спаррингтӕ, цӕмӕй сбӕлвырд кӕной иууыл цӕттӕдӕр боксерты

ЦХИНВАЛ, 15 янв – Sputnik, Плиты Фатимӕ. Хуссар Ирыстоны боксерты командӕ стох кӕндзӕн Цӕгат Ирыстоны фыццагады 2005-2006 ӕмӕ 2007-2008 ӕзты гуырд спортсменты хсӕн, фехъусын кодта Sputnik боксы скъолайы директоры хӕдивӕг Кокойты Ирбег.

Ерыстӕ райдайдзысты къуырисӕры, 18 январы, Дзӕуджыхъӕуы.

"Фидар ӕрцыд командӕйы сконд, фылдӕр бӕрцӕй уырдӕм бацыдысты горӕты ӕмӕ Дменисы хъӕуы уӕвӕг секцитӕй, стӕй ма спорты галуан "Олимп"-ы минӕвӕрттӕ. Цӕгат Ирыстоны стох кӕндзӕн нӕ боксертӕй 15, уыдон сты 12-ӕй 16 азы онг кары", - загъта Кокойты Ирбег.

Уымӕй размӕ, боксы скъолайы ацыдысты спаррингтӕ, цӕмӕй сбӕлвырд кӕной иууыл цӕттӕдӕр боксерты. Ерыстӕ спортсментӕн суыдзысты фыццӕгтӕ дӕргъвӕтин фӕстиаты фӕстӕ.

17