Умар Кремлев

Уӕрӕсейы боксы федераци ӕнхъӕлмӕ кӕсы Гасситы Мурӕты уӕлахизмӕ Нури Сефериимӕ тохы

10
Гасситы Мурӕт фембӕлдзӕн албайнаг боксер Нури Сефериимӕ 31 октябры Сочийы. Ирон спортсменӕн уый уыдзӕн дебютон тох уӕззау уӕзы

ЦХИНВАЛ, 26 окт - Sputnik. Уӕрӕсейы боксы федерацийы генералон секретарь Умар Кремлев загъта йӕ хъуыды ирон боксер Гасситы Мурӕты тохы фӕдыл Нури Сефериимӕ.

Кремлев банысан кодта, Гасситы Мурӕтӕн кӕй уыдзӕн уӕззау ӕмӕ тӕссаг ныхмӕлӕууӕг.

"Мах ӕнхъӕлмӕ кӕсӕм ӕрмӕстдӕр уӕлахизмӕ. Фӕнды нӕ, цӕмӕй Мурӕт ногӕй рахиза стыр аренӕмӕ. Тӕссаг ныхмӕлӕууӕг йын ис. Мурӕт, сӕйраджыдӕр, уайтагъд хъуамӕ ма бахиза хылмӕ, фӕлӕ хъуамӕ архайа фидарзӕрдӕйӕ", - загъта Умар Кремлев.

Гасситы Мурӕты дебют уӕззау уӕзы ацӕудзӕн 31 октябры Сочийы. Тох слӕудзӕн шоу "Столото. Фестиваль бокса"-йы сӕргъ.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинӕйаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

10
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
Хуссар Иры ӕртӕ армрестлеры рамбылдтой Уӕрӕсейы чемпионат студентты хсӕн

Сӕрыстыр сӕ дӕн: ӕртӕ цхинвайлаг армрестлеры рамбылдтой Уӕрӕсейы чемпионат студентты хсӕн

5
(ранӕуӕггонд 13:36 12.04.2021)
Фыццаг бынӕттӕ бацахстой Дыгъуызты Милена, Хӕбӕлаты Арсен ӕмӕ Сиукъаты Родион, уыдон ӕртӕ дӕр фӕстаг ӕзты сӕхи уӕзты категориты сты ӕнтыстджын ӕхсӕнадӕмон форматы ерысты

ЦХИНВАЛ, 12 апр - Sputnik, Плиты Фатимӕ. Ӕртӕ цхинвайлаг ӕрмхӕцӕджы ссисты Уӕрӕсейы чемпионаты уӕлахиздзаутӕ студентты хсӕн. Фыццаг бынӕттӕ бацахстой Дыгъуызты Милена, Хӕбӕлаты Арсен ӕмӕ Сиукъаты Родион, уый тыххӕй Sputnik фехъусын кодта армспорты тренер Джиоты Валерий.

"Иууылдӕр бӕдӕйнӕгтӕ, сӕрыстыр сӕ дӕн. Ӕртӕйӕ архайдтой ӕмӕ ӕртӕ сызгъӕрин майдан райстой. Уӕлахиздзаутӕ сты мӕ дыууӕ хъомылгӕнинаг Дыгъуызты Милена ӕмӕ Хӕбӕлаты Арсен, стӕй ма тренер Коцты Дмитрийы спортсмен Сиукъаты Родион", - загъта Джиоты Валерий.

Ӕртӕ спортсмены дӕр фӕстаг ӕзты сӕхи уӕзты категориты сты ӕнтыстджын ӕхсӕнадӕмон форматы ерысты.

Уӕрӕсейы студентон чемпионат цыд 9-10 апрелы.

Армрестлеры из Южной Осетии завоевали четыре золотых медалей на чемпионате России среди студентов
© Photo : Из личного архива В.Джиоева
Хуссар Иры ӕртӕ армрестлеры рамбылдтой Уӕрӕсейы чемпионат студентты хсӕн
5