ирон богалтӕ рамбылдтой Ӕфсӕддон ерыстӕ спортивон хъӕбысхӕстӕй

Ӕртӕ сыгъзӕрины: ирон богалтӕ рамбылдтой Ӕфсӕддон ерыстӕ спортивон хъӕбысхӕстӕй

5
(ранӕуӕггонд 10:53 02.11.2020)
Тувайы ацыдысты Ӕфсӕддон ерыстӕ спортивон хъӕбысхӕстӕй УФ хъахъхъӕнынады министр Сергей Шойгуйы Кубок рамбулыны сӕраппонд

ЦХИНВАЛ, 2 ноя - Sputnik. Ирыстойнаг уӕгъдибар хъӕбысӕйхӕцджытӕ рамбылдтой сыгъзӕрин майдантӕ Ӕфсӕддон ерысты спортивон хъӕбысхӕстӕй.

"Турниры сыгъзӕрин майдантӕ рамбылдтой Сидахъты Зауырбег, Тускъаты Азӕмӕт ӕмӕ Соттиты Асланбег", - хъусын кӕны 15-ӕм Регион Цӕгат Ирыстоны физикон культурӕ ӕмӕ спорты министрады пресс-службӕйыл ӕнцойгӕнгӕйӕ.

Тускъаты Азӕмӕт рамбылдта 6:4 хыгъдӕй Дондук-оола Хуреш-оолайы, Сидахъты Зауырбег 2:2 хыгъды рӕстӕджы фӕстаг архайдмӕ гӕсгӕ рамбылдта Тимур Бижоевы ӕмӕ Соттиты Асланбег та фӕуӕлахиз Джиоты Эрикыл 6:4 хыгъдӕй.

Ирыстойнаг хъӕбысӕйхӕцджытӕ архайдтой ЦСКА командӕйы сконды. Финалон тохты фӕстиуӕгӕн уыдон бацахстой фыццаг бынат, ӕвзист майдантӕ рамбылдтой 41-ӕм ӕфсады спортсментӕ. Бронзӕйон майдантӕ та рамбылдта Уӕлдӕфон-десантон ӕфсады командӕ.

5
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

1
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

1
Турнир аивадон гимнастикæйæ

Цæгат Ирыстоны райдыдта турнир аивадон гимнастикæйæ

18
(ранӕуӕггонд 13:35 26.11.2020)
Эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма  мадзалы нæ уыдзæн уазджытæ æмæ кæсджытæ

ЦХИНВАЛ, 26 ноя — Sputnik. Цæгат Ирыстоны райдыдта Уæрæсейы сгуыхт тренер Дулайты Казимæйы номыл турнир аивадон гимнастикæйæ, хъусын кӕны 15 регион.

Ерысты архайы 100 спортсменкæйы бæрц.

"Ацы ерысты æвзæрст цæудзæн республикæйы æмбырдон командæмæ, уый та архайдзæн ЦКФЗ ерысты Налцыччы 2021 азы январы мæйы", —хъусын кӕны портал олимпиаг резервы спортивон скъолайы директор аивадон гимнастикæйæ Таболты Людмилæ.

Уымæй уæлдай ма куыд фæбæрæг кодта, афтæмæй эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма  мадзалы нæ уыдзæн уазджытæ æмæ кæсджытæ. Уыимæ æппæт санитарон домæнтæ (уыдонимæ маскæтæ дарын) æххæст кæндзысты куыд тæрхонгæнджыты коллеги æмæ тренерты сконд, афтæ гимнасткæтæ дæр.

 

18