Хуссарирыстойнаг джиппертӕ рамбылдтой экстремалон дугътӕ Дзӕуджыхъӕуы
ЦХИНВАЛ, 3 ноя - Sputnik. Хуссар Ирыстоны экипаж бацахста фыццаг бынат турниры, кӕцы уыд нывонд цӕгатирыстойнаг клуб "Владикавказ 4х4"-йы сӕвзӕрдыл 10 азы сӕххӕстӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.
Дугътӕ уагъд цыдысты Тарскӕйы хъӕуы. "Спорт" категорийы рамбылдтой шофыр Лӕууойты Сева ӕмӕ штурман Гӕззаты Олег, кӕцытӕ архайдтой "Нива" хӕдтулгӕйыл.
"Трассӕ зын нӕ уыд, фӕлӕ уӕддӕр тынг цымыдисон уыд", – банысан кодта Лӕууойты Сева.
Ирыстойнаг хъӕбысӕйхӕцӕг рамбылдта сыгъзӕрин майдан Уӕрӕсейы фыццагады
(ранӕуӕггонд 15:42 04.12.2020)
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕйЦХИНВАЛ, 4 дек — Sputnik. Ирон богал Сабанты Александр ссис Уӕрӕсейы фыццагады уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.
Уӕрӕсейы фыццагад уӕгъдибар хъӕбысхӕстӕй 23 азы кары онг спортсменты хсӕн уагъд цӕуы Смоленскы.
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй.
"Финалмӕ фӕндагыл Сабанты Александр нӕ фембылд иу балл дӕр. Квалификацийы рамбылдта Яков Павловы 11:0 хыгъдӕй, финалы 1/8 – Гаглойты Зауыры 10:0 хыгъдӕй, финалы цыппӕрӕм хайы 5:0 хыгъды тушейыл рамбылдта Рахим Гурдалиевы, ӕрдӕгфинадлы та Бикъойты Вадимы 10:0 хыгъдӕй", - дзырдӕуы хъусинаджы.
Пресс-службӕйы бафтыдой, зӕгъгӕ, ирон хъӕбысӕйхӕцджытӕ рамбылдтой ноджы дыууӕ ӕвзист ӕмӕ ӕртӕ бронзӕйон майданы. Ӕвзист майдантӕ рамбылдтой Толпарты Аслан (92 кг) ӕмӕ Хынцӕгты Сослан (125 кг), бронзӕйон майданты хицӕуттӕ та баисты Дзукъаты Роберт (74 кг), Цкъаты Сослан ӕмӕ Цхуырбаты Артем (92 кг).
Афтӕ ма, майрӕмбоны сыгъзӕрин майданыл 97 килограммы уӕзы категорийы тох кӕндзӕн Хуыгаты Хох.
Алцыдӕр сараздзӕн уӕлахизӕн: Хуыгаты Алан Дзӕуджыхъӕуы боксы изӕрмӕ цӕттӕкӕнынады тыххӕй
ЦХИНВАЛ, 4 дек – Sputnik, Хъуылымбегты Азӕмӕт. Ирон боксер Хуыгаты Алан, кӕцы нырма иу хатт дӕр нӕ фембылд, хайад райсдзӕн боксы изӕры Дзӕуджыхъӕуы 10 декабры.
"Ӕз цӕттӕ дӕн алкӕцы раундмӕ дӕр, фӕлӕ уӕддӕр нывӕндын фӕуын тох ӕмгъуыдӕй раздӕр. Тох цӕудзӕн мӕ райгуырӕн горӕты, ӕмӕ ӕз алцыдӕр сараздзӕн, цӕмӕй рамбулон", - радзырдта Хуыгаты Алан.
Спортсмены тренер Сланты Виталий фехъусын кодта Sputnik, Хуыгаты Алан кӕй у цӕттӕ ӕмӕ нӕ сараздзӕн рӕдыдтытӕ ацы тохы.
"Алан у иууыл тӕссагдӕр боксертӕй сӕ иу йӕ уӕзы категорийы – мах нӕ дызӕрдыг кӕнӕм йӕ уӕлахизы", - банысан кодта Сланты Виталий.
Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.