Икъаты Сæрмæт

Цхинвайлаг пауэрлифтер стох кæндзæн Европæйы кубокы ерысты

30
(ранӕуӕггонд 15:55 06.11.2020)
Икъаты Сæрмæт у бирæнымæц ерысты уæлахиздзау, ивгъуыд фæззæджы та ссис Мæскуыйы уагъдцӕуӕг Дунейы кубокы абсолютон уæлахиздзау

ЦХИНВАЛ, 6 ноя — Sputnik, Плиты Фатимæ. Хуссар Ирыстоны уæззау атлетикæйы скъолайы хъомылгæнинаг Икъаты Сæрмæт стох кæндзæн Европæйы кубокы ерысты, фехъусын кодта Sputnik штангисты тренер Плиты Артур.

Лæппу у бирæнымæц еысты уæлахиздзау, ивгъуыд фæззæджы Икъаты лæппу ссис Мæскуыйы уагъдцӕуӕг Дунейы кубокы абсолютон уæлахиздзау пауэрлифтингæй.

"Пандемийы аххосæй фидарæй нæ фæзонæм ерысты дырыс датæтæ, уымæ гæсгæ афтæ активонæй нæ цæттæ кодтам. Фæлæ, уымæ æнæкæсгæйæ, нырма рæстæг ис æмæ Сæрмæт ерысты ралæудзæн аккаг формæйы. Уæлахиз бирæ бæрцæй амондæй вæййы, аннæ домæтæ та йын иууылдæр сты нывыл", - загъта тренер.

Ерыстæ цæудзысты 12 декабры Новороссийскы. Ацы спортивон мадзал уыдзæн æвзарæн дунейы чемпионатмæ.

Икъаты Сæрмæт тох кæны 125 кг уæзы категорийы. Спорты ацы хуызы архайы 18 азæй фæстæмæ. Фондз азмæ уымæн бантыст рамбулын 50–мæ æввахс фыццаг бынаты хицæн æмвæзады ерысты.

Цхинвалы спортсмены цæттæ кæнынц уæззау атлетикæйы скъолайы тренертæ Плиты Артур æмæ Габаты Ацæмæз. Скъолайæн разамынад дæтты Советон Гуырдзыстоны бирæ хатты чемпион, æхсæнадæмон классы спорты мастер уæззау атлетикæйæ Тасойты Олег.

30
Турнир аивадон гимнастикæйæ

Цæгат Ирыстоны райдыдта турнир аивадон гимнастикæйæ

4
(ранӕуӕггонд 13:35 26.11.2020)
Эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма  мадзалы нæ уыдзæн уазджытæ æмæ кæсджытæ

ЦХИНВАЛ, 26 ноя — Sputnik. Цæгат Ирыстоны райдыдта Уæрæсейы сгуыхт тренер Дулайты Казимæйы номыл турнир аивадон гимнастикæйæ, хъусын кӕны 15 регион.

Ерысты архайы 100 спортсменкæйы бæрц.

"Ацы ерысты æвзæрст цæудзæн республикæйы æмбырдон командæмæ, уый та архайдзæн ЦКФЗ ерысты Налцыччы 2021 азы январы мæйы", —хъусын кӕны портал олимпиаг резервы спортивон скъолайы директор аивадон гимнастикæйæ Таболты Людмилæ.

Уымæй уæлдай ма куыд фæбæрæг кодта, афтæмæй эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма  мадзалы нæ уыдзæн уазджытæ æмæ кæсджытæ. Уыимæ æппæт санитарон домæнтæ (уыдонимæ маскæтæ дарын) æххæст кæндзысты куыд тæрхонгæнджыты коллеги æмæ тренерты сконд, афтæ гимнасткæтæ дæр.

 

4
Тедеты Дзамболат

Ӕввахс рæстæджы рабæрæг уыдзæн УФ æмбырдгонды сконд Олимпиаг хъæзтыты - Тедеты Дзамболат

12
(ранӕуӕггонд 16:20 17.11.2020)
Тренер куыд банысан кодта, афтæмæй Уæрæсейы чемпионаты фадат фæцис  спортсменты цæттæдзинадæн саргъ кæнынæн

ЦХИНВАЛ, 17 ноя – Sputnik. Уæгъдибар хъæбысæйхæцджытæн Олимпиаг хъæзтыты размæ алы старт дæр ахсджиаг у, загъта УФ национ командæйы сæйраг тренер Тедеты Дзамболат, хъусын кæны 15 регион.

"Уавæр ахæм у, æмæ дунейы чемпионат ацæудзæн дунейы сæрмагонд Кубокы фæлгæты, кæронбæттæнон уынаффæ скъуыддзаг æрцыд. Уый та нысан кæны, цæттæ кæнын нæ кæй хъæуы, уымæн æмæ Олимпиаг хъæзтыты размæ алы старт дæр ахсджиаг у, турниртæ та къæлиндары абоны бон бирæ нæй", — загъта уый.

Тренер куыд банысан кодта, афтæмæй Уæрæсейы чемпионаты фадат фæцис  спортсменты цæттæдзинадæн саргъ кæнынæн.

Йæ ныхасмæ ма бафтыдта, зæгъгæ, æввахс рæстæджы Уæрæсейы æмбырдон командæ хъуамæ ауадза дыууæ цæттæгæнæн æмбырды.

"Спортсменты цæттæдзинадæн саргъ кæндзыстæм. Фæстæдæр тренерты сконд рахæсдзæн уынаффæ, Белградмæ чи ацæудзæн, уый тыххæй, бындурæн ист æрцæудзæн октябры мæйы Уæрæсейы чемпионат Наро-Фоминскы", — бахахх кодта Тедеты Дзамболат.

Уый баныфс æвæрдта, цалдæр къуырийы дæргъы командæйы сконд кæй рабæрæг уыдзæн.

12
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

3
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

3