Хуссарирыстойнаг ӕхсджытӕ сӕ дӕсниад равдыстой ЦКФЗ чемпионаты
(ранӕуӕггонд 10:58 11.11.2020)
Ерысты уæлахиздзаутæ хайад райсдзысты Уæрæсейы чемпионаты, кӕцы пандемийы аххосæй хаст ӕрцыд иннæ азмӕЦХИНВАЛ, 11 ноя — Sputnik. Цæгат Ирыстоны равзæрстой Цæгат Кавказы федералон зылды (ЦКФЗ) хуыздæр æхсджыты. Сӕ дӕсниад равдисынмӕ мадзалмӕ ӕрцыдысты канд Цæгат Кавказы республикæтæй нæ, фæлæ ма Уæрæсейы æндæр регионтæй æмæ Хуссар Ирыстонæй, хъусын кӕны Осетия-Ирыстон.
Ерысты уæлахиздзаутæ ссисты Цӕгат Ирыстоны æртæ минæвары æмæ рæстдзæвин Краснодарæй.
Мадзады архайдтой 60 адæймаджы. Сæ арæхстдзинад равдыстой æртæ хуызы хæцæнгарзæй. Уæлахиздзаутæ хайад райсдзысты Уæрæсейы чемпионаты, кӕцы пандемийы аххосæй хаст ӕрцыд иннæ азмӕ.
Цæгат Ирыстоны райдыдта турнир аивадон гимнастикæйæ
(ранӕуӕггонд 13:35 26.11.2020)
Эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма мадзалы нæ уыдзæн уазджытæ æмæ кæсджытæЦХИНВАЛ, 26 ноя — Sputnik. Цæгат Ирыстоны райдыдта Уæрæсейы сгуыхт тренер Дулайты Казимæйы номыл турнир аивадон гимнастикæйæ, хъусын кӕны 15 регион.
Ерысты архайы 100 спортсменкæйы бæрц.
"Ацы ерысты æвзæрст цæудзæн республикæйы æмбырдон командæмæ, уый та архайдзæн ЦКФЗ ерысты Налцыччы 2021 азы январы мæйы", —хъусын кӕны портал олимпиаг резервы спортивон скъолайы директор аивадон гимнастикæйæ Таболты Людмилæ.
Уымæй уæлдай ма куыд фæбæрæг кодта, афтæмæй эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма мадзалы нæ уыдзæн уазджытæ æмæ кæсджытæ. Уыимæ æппæт санитарон домæнтæ (уыдонимæ маскæтæ дарын) æххæст кæндзысты куыд тæрхонгæнджыты коллеги æмæ тренерты сконд, афтæ гимнасткæтæ дæр.
Ӕввахс рæстæджы рабæрæг уыдзæн УФ æмбырдгонды сконд Олимпиаг хъæзтыты - Тедеты Дзамболат
(ранӕуӕггонд 16:20 17.11.2020)
Тренер куыд банысан кодта, афтæмæй Уæрæсейы чемпионаты фадат фæцис спортсменты цæттæдзинадæн саргъ кæнынæнЦХИНВАЛ, 17 ноя – Sputnik. Уæгъдибар хъæбысæйхæцджытæн Олимпиаг хъæзтыты размæ алы старт дæр ахсджиаг у, загъта УФ национ командæйы сæйраг тренер Тедеты Дзамболат, хъусын кæны 15 регион.
"Уавæр ахæм у, æмæ дунейы чемпионат ацæудзæн дунейы сæрмагонд Кубокы фæлгæты, кæронбæттæнон уынаффæ скъуыддзаг æрцыд. Уый та нысан кæны, цæттæ кæнын нæ кæй хъæуы, уымæн æмæ Олимпиаг хъæзтыты размæ алы старт дæр ахсджиаг у, турниртæ та къæлиндары абоны бон бирæ нæй", — загъта уый.
Тренер куыд банысан кодта, афтæмæй Уæрæсейы чемпионаты фадат фæцис спортсменты цæттæдзинадæн саргъ кæнынæн.
Йæ ныхасмæ ма бафтыдта, зæгъгæ, æввахс рæстæджы Уæрæсейы æмбырдон командæ хъуамæ ауадза дыууæ цæттæгæнæн æмбырды.
"Спортсменты цæттæдзинадæн саргъ кæндзыстæм. Фæстæдæр тренерты сконд рахæсдзæн уынаффæ, Белградмæ чи ацæудзæн, уый тыххæй, бындурæн ист æрцæудзæн октябры мæйы Уæрæсейы чемпионат Наро-Фоминскы", — бахахх кодта Тедеты Дзамболат.
Уый баныфс æвæрдта, цалдæр къуырийы дæргъы командæйы сконд кæй рабæрæг уыдзæн.
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕрЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.
Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.
"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.
Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.