Икъаты Сӕрмӕт

Хуссар Иры уӕзисӕг рамбылдта Европæйы Кубок

10
(ранӕуӕггонд 09:51 14.12.2020)
Пауэрлифтер Икъаты Сӕрмӕт ныр дыккаг хатт ссис ацы ерысты уӕлахиздзау, спортсмен у республикӕйы уӕззау атлетикӕйы скъолайы архайгӕ ӕнтыстджындӕр спортсментӕй иу

ЦХИНВАЛ, 14 дек — Sputnik, Плиты Фатимӕ. Хуссар Ирыстоны уæззау атлетикæйы скъолайы хъомылгæнинаг, Паддзахадон хъахъхъӕнынады службӕйы кусӕг Икъаты Сæрмæт рамбылдта Европæйы кубокы ерысты. Спортсмен систа ӕртӕ дисциплинӕйы иумӕ нымадӕй 750 килограммы, фехъусын кодта Sputnik штангисты тренер Плиты Артур.

Ерыстӕ цыдысты 12-13 декабры Новороссийскы.

"Нӕ хъомылгӕнинаг ӕртӕ дисциплинӕйы имумӕ систа 750 килограммы, уый йӕ иууыл хуыздӕр бӕрӕггӕнӕн нӕу, фӕлӕ уый фаг уыд цӕмӕй ерысты 125 килограммы категорийы суа Европӕйы Кубокы чемпион", - загъта тренер.

Плиты Артур ма бузныджы ныхӕстӕ загъта, паддзахады разамонӕг ӕмӕ фӕсивӕдон политикӕйы комитеты сӕрдарӕн ерысӕм ацӕуынӕн финансон ӕххусы тыххӕй.

Икъаты Сæрмæты цӕттӕ кӕнынц тренертӕ Плиты Артур ӕмӕ Габайты Ацӕмӕз.

Спортсменты ахадгӕ ӕныстыты хсӕн сты Европӕ ӕмӕ дунейы чемпионаты уӕлахизтӕ цалдӕр азы фӕд-фӕдыл, у Хуссар Ирыстоны архайгӕ уӕзисджытӕй ӕнтыстджынӕртӕй иу.

10
Хуссар Иры теннисисткӕтӕ райстой фондз призоны бынат ЦКФЗ ерысты

Фыццаг ахӕм ӕнтыст: цхинвайлаг теннисисткӕ райста балцӕг Уӕрӕсейы чемпионатмӕ

11
(ранӕуӕггонд 12:37 26.01.2021)
Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст республикӕйы историйы у фыццаг

ЦХИНВАЛ, 26 янв — Sputnik, Плиты Фатимӕ. Хуссарирыстойнаг теннисисткӕтӕ бацахстой фондз призон бынаты Цӕгат Кавказы Федералон зылды ерысты. Елбачиты Ирина, Кокойты Аманда ӕмӕ Джиголаты Аланӕ ӕрхастой цыппар ӕвзист ӕмӕ иу бронзӕйон майданы, фехъусын кодта Sputnik уӕлыстол теннисы Федерацийы хистӕр, уӕлдӕр спортивон дӕсныйы скъолайы тренер Джиоты  Мириан.

"Цӕгат Ирыстоны командӕйы сконды архайдтой нӕ чызджытӕ ӕртӕйӕ - Елбачиты Ирина, Кокойты Аманда ӕмӕ Джиголаты Алана ӕмӕ райстой дыккаг бынат, уыдон фӕхӕрд сты ӕрмӕст фысым командӕйӕн. Фыццаг хатт систӕм дыккаг призертӕ",-  бафтыдта уый.

Йӕ ныхӕстӕм гӕсгӕ, фыццаг хатт нӕ республикӕйы историйы Хуссар Ирыстоны минӕвӕр Елбачиты Ирина райста балцӕг Уӕрӕсейы чемпионатмӕ индивидуалон ерысты архайгӕйӕ.

"Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст нӕ республикӕйы историйы у фыццаг. Уымӕй дарддӕр ЦКФЗ ерыстӕ Елбачиты чызгӕн уыдысты ӕнтыстджын - уый къайон ерысты та Цӕгат Ирыстоны минӕвар Лапина Светланаимӕ бацахста ӕртыккаг бынат", - загъта тренер.

Цӕгат Кавказы Федералон зылды ерыстӕ теннисӕй цыдысты Кӕсӕг-Балхъары Республикӕйы.

11
Цхинвайлаг армрестлер рамбылдта Цӕгат Иры чемпионат

Цхинвайлаг армрестлер рамбылдта Цӕгат Иры чемпионат

25
(ранӕуӕггонд 15:08 25.01.2021)
Хӕбӕлаты Арсен фӕстаг мӕйы йе 'нтыстджын ралӕудты фӕрцы дыууӕ хатт бацис сызгъӕрин майданты хицау ӕмӕ райста балцӕгтӕ бӕрзонддӕр ӕмвӕзады ерыстӕм

ЦХИНВАЛ, 25 янв — Sputnik, Плиты Фатимӕ. Хуссарирыстойнаг спортсмен Хӕбӕлаты Арсен рамбылдта Цӕгат Ирыстоны чемпионат армспортӕй. Ерысты фӕлгӕтты лӕппу фӕуӕлахиз ис авд спортсменыл, уый тыххӕй Sputnik фехъусын кодта йӕ тренер Джиоты Валерий.

Хӕбӕлаты Арсен мӕйы размӕ та рамбылдта Цӕгат Ирыстоны фыццагад фӕсивӕды хсӕн.

"Арсен рамбылдта 80 кг уӕзы, мӕйы размӕ та уыд тыхджындӕр ӕрыгӕтты хсӕн Цӕгат Ирыстоны фыццагады", - загъта тренер.

Йӕ ныхӕстӕм гӕсгӕ, Хӕбӕлаты Арсен йӕ уӕлахизты фӕрцы райста балцӕгтӕ Уӕрӕсейы фыццагад ӕмӕ чемпионатмӕ дӕр.

"Кӕд нырмӕ лӕппуйӕн йе 'нтыстытӕ уыдысты ӕрыгӕтты хсӕн, уӕд ныр та басаста чемпионаты ӕмвӕзад дӕр", - бафтыдта уый.

Ивгъуыд азы Цӕгат Ирыстоны чемпионаты Хӕбӕлаты Арсен ссис ӕвзист призер. У ӕрыгӕтты хсӕн Уӕрӕсейы фыццагады уӕлахиздзау, дуне ӕмӕ Европӕйаг ерысты призер. Архайгӕ армрестлертӕй у иууыл ӕнтыстджындӕр Гасситы Сосланы фӕстӕ.

25
Ковид

Хуссар Иры санитарон уагдон фехъусын кодта ног бæрæггæнæнтæ COVID-19-ы фæдыл

1
(ранӕуӕггонд 12:41 26.01.2021)
Пандемийы райдианæй æдæппæт республикæйы коронавирусæй фæрынчын сты 2 746 адæймаджы, банысан кодтой "Югосетпотребнадзор"-ы

ЦХИНВАЛ, 26 янв – Sputnik, Хъуылымбегты Азæмæт. Хуссар Ирыстоны ивгъуыд суткæйы рабæрæг кодтой коронавирусæй æхсæз ног фæрынчынуæвæджы, фехъусын кодта Sputnik "Югосетпотребнадзор"-ы сæргълæууæджы хæдивæг Гаглойты Анна.

"Ивгъуыд суткæйы сарæзтæуыд 67 тесты COVID-19 рафæлгъауыны тыххæй, уыдонæй æхсæз равдыстой низы уæвынад. Афтæ ма суткæйы дæргъы хыгъдæй систæуыд фараст адæймаджы", - радзырдта Гаглойты Анна.

Уый ма бафтыдта, медицинон хъусдарды бын нырма кæй ис 773 адæймаджы. Пандемийы райдианæй æдæппæт республикæйы сарæзтой 15 075 тестры коронавирус рабæрæг кæныны тыххæй, уыдонæй 2 746 равдыстой æвæрццаг фæстиуæг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

1