Сидахъты Зӕлинӕ ссис сылгоймӕгты хъӕбысхӕстӕй Дунейы Кубокы призер

Ирон спортсменкӕ ссис сылгоймӕгты хъӕбысхӕстӕй Дунейы Кубокы призер

11
(ранӕуӕггонд 11:03 16.12.2020)
Сылгоймӕгты хъӕбысхӕстӕй Дунейы индивидуалон кубок уагъд цӕуы Белграды (Сербия). Сидахъты чызг ерысты архайдта Белориссийы командӕйы сконды

ЦХИНВАЛ, 16 дек — Sputnik. Ирон спортсменкӕ Сидахъты Зӕлинӕ ссис сылгоймӕгты хъӕбысхӕстӕй Дунейы Кубокы бронзӕйон призер, хъусын кӕны 15-ӕм регион.

Икъаты Сӕрмӕт
© Photo : Из личного архива Артура Плиева

Сылгоймӕгты хъӕбысхӕстӕй Дунейы индивидуалон кубок уагъд цӕуы Белграды (Сербия). Сидахъты чызг ерысты архайдта Белориссийы командӕйы сконды.

Бронзӕйон хорзӕхы сӕраппонд тохы ирон спортсменкӕ фембӕлд Турчы минӕвар Зейнеп Этгылимӕ, кӕцыйы рамбылдта 3:0 хыгъдӕй.

Уымӕй раздӕр ма фехъусын кодтой, хуссарирыстойнаг пауэрлифтер Икъаты Сӕрмӕт кӕй рамбылдта Европӕйы кубок AWPC WPC 125 килограммы онг уӕзы категорийы.

11
Хуссар Иры команда боксӕй стох кӕндзӕн Цӕгат Иры фыццагады

Цхинвайлаг боксертӕ стох кӕндзысты Цӕгат Иры фыццагады

14
(ранӕуӕггонд 12:33 15.01.2021)
Уымӕй размӕ, боксы скъолайы ацыдысты спаррингтӕ, цӕмӕй сбӕлвырд кӕной иууыл цӕттӕдӕр боксерты

ЦХИНВАЛ, 15 янв – Sputnik, Плиты Фатимӕ. Хуссар Ирыстоны боксерты командӕ стох кӕндзӕн Цӕгат Ирыстоны фыццагады 2005-2006 ӕмӕ 2007-2008 ӕзты гуырд спортсменты хсӕн, фехъусын кодта Sputnik боксы скъолайы директоры хӕдивӕг Кокойты Ирбег.

Ерыстӕ райдайдзысты къуырисӕры, 18 январы, Дзӕуджыхъӕуы.

"Фидар ӕрцыд командӕйы сконд, фылдӕр бӕрцӕй уырдӕм бацыдысты горӕты ӕмӕ Дменисы хъӕуы уӕвӕг секцитӕй, стӕй ма спорты галуан "Олимп"-ы минӕвӕрттӕ. Цӕгат Ирыстоны стох кӕндзӕн нӕ боксертӕй 15, уыдон сты 12-ӕй 16 азы онг кары", - загъта Кокойты Ирбег.

Уымӕй размӕ, боксы скъолайы ацыдысты спаррингтӕ, цӕмӕй сбӕлвырд кӕной иууыл цӕттӕдӕр боксерты. Ерыстӕ спортсментӕн суыдзысты фыццӕгтӕ дӕргъвӕтин фӕстиаты фӕстӕ.

14
Тасойты Инал

Ирыстойнаг дзюдоист ссис ӕхсӕнадӕмон турнир "Мастерс"-ы ӕвзист призер

6
Финалон тохы фӕстаг минутыл рефери Японийӕ банымадта Тасойты Иналы фембылд ӕртӕ фӕдзӕхсты тыххӕй

ЦХИНВАЛ, 14 янв — Sputnik. Ирон дзюдоист, Европӕйы дыууӕ хатты вице-чемпион Тасойты Инал рамбылдта ӕвзист майдан ӕхсӕнадӕмон турнир "Мастерс"-ы Катары, хъусын кӕны Цӕгат Ирыстоны спорты министрады пресс-службӕ.

Спортсмен архайдта уӕрӕсейаг командӕйы сконды.

Суперуӕззау уӕзы категорийы финалмӕ фӕндагыл Тасойты Инал рамбылдта Мбагник Ндиайейы Сенегалӕй, Левани Матиашвилийы Гуырдзыстонӕй, таджикаг Темур Рахимовы ӕмӕ олимпиаг хъӕзтыты дыууӕ хатты бронзӕйон призер Хенк Гролы.

"Фӕлӕ сыгъзӕрин майдан ирон богалӕн нӕ бауагъта рамбулын дыууӕ хатты олимпиаг чемпион ӕмӕ дунейы 10 хатты чемпион Тедди Ринер Францийӕ. Финалон тохы фӕстаг минутыл рефери Японийӕ банымадта Тасойты Иналы фембылд ӕртӕ фӕдзӕхсты тыххӕй", - дзырдӕуы хъусинаджы.

6
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

2
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

2