Олимп

Цхинвайлаг армрестлер ӕмӕ каратисткӕ райстой бӕрзонд спортивон нӕмттӕ

32
(ранӕуӕггонд 11:43 29.12.2020)
Бӕрзонд номӕй Гасситы Сосланы рахицӕн кодтой фӕстаг аз Уӕрӕсейы чемпионаты уӕлахиз, афтӕ ма дунейы ӕмӕ европӕйаг ӕмвӕзады дыккаг призон бынӕтты тыххӕй

ЦХИНВАЛ, 29 дек — Sputnik, Плиты Фатимӕ. Хуссар Ирыстоны иууыл ӕнтыстджындӕр архайгӕ ӕрмхӕцӕг Гасситы Сослан райста ӕхсӕнадӕмон классы спорты мастеры ном. Цхинвайлаг спортсмен бӕрзонд хорзӕх райста фӕстаг азы йӕ спортивон уӕлахизты фӕстиуӕгӕн.

Дыууӕ цхинвайлаг ӕрмхӕцӕджы рамбылдтой Цӕгат Иры фыццагад
© Photo : Из личного архива Милены Догузовой

Хуссар Ирыстоны ног истори азы спорты хуызы ӕхсӕнадӕмон классы спорты мастер ном райста ӕрмӕстдӕр дӕр Коцты Дмитрий, кӕцы уыд лӕппуйӕн йӕ фыццаг тренер.

"Ног азы ӕрбацыд уый бӕрц нӕ хъары, фӕлӕ йӕ къӕсӕрыл ахӕм бӕрзонд хорзӕх райсын ӕхсызгон у. Стӕй ма ахӕм хорзӕхтӕ стӕмтӕн ис, уӕлдайдӕр Хуссар Ирыстоны", - загъта Sputnik Гасситы Сослан.

Уый ма бафтыдта, ацы хорзӕх ын кӕй радтой азы дӕргъы йӕ куысты хатдзӕгтӕм гӕсгӕ.

"Ӕнхъӕл уыдтӕн. Ӕхсӕнадӕмон спорты мастеры ном лӕвӕрд цӕуы ӕхсӕнадӕмон ӕмвӕзады ерысты фӕстиуӕгӕн. 2019 азы рамбылдтон Уӕрӕсейы чемпионат ӕмӕ райстон дуне ӕмӕ Европӕйаг ерысты ӕвзист майдантӕ", - бафтыдта уый.

Азы кӕрон ма ныллӕгдӕр ӕмвӕзады ном райста кӕстӕр кары спортсменкӕ - каратисткӕ Тадтаты Софья.

"Спортивон разряд - "Кандидат в мастера спорта" райста Тадтаты Софья. Уый ссис нӕ командӕйы уӕнгтӕй фӕндзӕм, кӕцыйӕн ис ацы ном", - ныффыста йӕ фарсыл Инстаграмы йӕ тренер Созайты Владимир.

32
Хуссар Иры теннисисткӕтӕ райстой фондз призоны бынат ЦКФЗ ерысты

Фыццаг ахӕм ӕнтыст: цхинвайлаг теннисисткӕ райста балцӕг Уӕрӕсейы чемпионатмӕ

4
(ранӕуӕггонд 12:37 26.01.2021)
Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст республикӕйы историйы у фыццаг

ЦХИНВАЛ, 26 янв — Sputnik, Плиты Фатимӕ. Хуссарирыстойнаг теннисисткӕтӕ бацахстой фондз призон бынаты Цӕгат Кавказы Федералон зылды ерысты. Елбачиты Ирина, Кокойты Аманда ӕмӕ Джиголаты Аланӕ ӕрхастой цыппар ӕвзист ӕмӕ иу бронзӕйон майданы, фехъусын кодта Sputnik уӕлыстол теннисы Федерацийы хистӕр, уӕлдӕр спортивон дӕсныйы скъолайы тренер Джиоты  Мириан.

"Цӕгат Ирыстоны командӕйы сконды архайдтой нӕ чызджытӕ ӕртӕйӕ - Елбачиты Ирина, Кокойты Аманда ӕмӕ Джиголаты Алана ӕмӕ райстой дыккаг бынат, уыдон фӕхӕрд сты ӕрмӕст фысым командӕйӕн. Фыццаг хатт систӕм дыккаг призертӕ",-  бафтыдта уый.

Йӕ ныхӕстӕм гӕсгӕ, фыццаг хатт нӕ республикӕйы историйы Хуссар Ирыстоны минӕвӕр Елбачиты Ирина райста балцӕг Уӕрӕсейы чемпионатмӕ индивидуалон ерысты архайгӕйӕ.

"Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст нӕ республикӕйы историйы у фыццаг. Уымӕй дарддӕр ЦКФЗ ерыстӕ Елбачиты чызгӕн уыдысты ӕнтыстджын - уый къайон ерысты та Цӕгат Ирыстоны минӕвар Лапина Светланаимӕ бацахста ӕртыккаг бынат", - загъта тренер.

Цӕгат Кавказы Федералон зылды ерыстӕ теннисӕй цыдысты Кӕсӕг-Балхъары Республикӕйы.

4
Цхинвайлаг армрестлер рамбылдта Цӕгат Иры чемпионат

Цхинвайлаг армрестлер рамбылдта Цӕгат Иры чемпионат

25
(ранӕуӕггонд 15:08 25.01.2021)
Хӕбӕлаты Арсен фӕстаг мӕйы йе 'нтыстджын ралӕудты фӕрцы дыууӕ хатт бацис сызгъӕрин майданты хицау ӕмӕ райста балцӕгтӕ бӕрзонддӕр ӕмвӕзады ерыстӕм

ЦХИНВАЛ, 25 янв — Sputnik, Плиты Фатимӕ. Хуссарирыстойнаг спортсмен Хӕбӕлаты Арсен рамбылдта Цӕгат Ирыстоны чемпионат армспортӕй. Ерысты фӕлгӕтты лӕппу фӕуӕлахиз ис авд спортсменыл, уый тыххӕй Sputnik фехъусын кодта йӕ тренер Джиоты Валерий.

Хӕбӕлаты Арсен мӕйы размӕ та рамбылдта Цӕгат Ирыстоны фыццагад фӕсивӕды хсӕн.

"Арсен рамбылдта 80 кг уӕзы, мӕйы размӕ та уыд тыхджындӕр ӕрыгӕтты хсӕн Цӕгат Ирыстоны фыццагады", - загъта тренер.

Йӕ ныхӕстӕм гӕсгӕ, Хӕбӕлаты Арсен йӕ уӕлахизты фӕрцы райста балцӕгтӕ Уӕрӕсейы фыццагад ӕмӕ чемпионатмӕ дӕр.

"Кӕд нырмӕ лӕппуйӕн йе 'нтыстытӕ уыдысты ӕрыгӕтты хсӕн, уӕд ныр та басаста чемпионаты ӕмвӕзад дӕр", - бафтыдта уый.

Ивгъуыд азы Цӕгат Ирыстоны чемпионаты Хӕбӕлаты Арсен ссис ӕвзист призер. У ӕрыгӕтты хсӕн Уӕрӕсейы фыццагады уӕлахиздзау, дуне ӕмӕ Европӕйаг ерысты призер. Архайгӕ армрестлертӕй у иууыл ӕнтыстджындӕр Гасситы Сосланы фӕстӕ.

25