Цхинвайлаг богалтӕ

Цхинвайлаг богалтӕ рамбылдтой Цӕгат Иры фыццагад

15
(ранӕуӕггонд 14:21 21.01.2021)
Ерысты уӕлахиздзаутӕ ссисты Бестауты Андрей ӕмӕ Дзӕгъиаты Сослан, ноджы ма иу богал Хуссар Ирыстонӕй та ссис призер - ӕртыккаг бынат бацахста Цхуырбаты Артем

ЦХИНВАЛ, 21 янв – Sputnik, Плиты Фатимӕ. Цхинвайлаг богалтӕ расгуыхтысты Цӕгат Ирыстоны фыццагады юниорты хсӕн. Ерысты ӕнтыстджын разындысты Бестауты Андрей ӕмӕ Дзӕгъиаты Сослан, фехъусын кодта Sputnik спортсменты тренер Коцты Тамерлан.

Ноджы ма иу богал Хуссар Ирыстонӕй ссис призер - ӕртыккаг бынат бацахста Цхуырбаты Артем.

"Уӕлӕлахизтыл буцахуыр лӕппутӕ ацы хатт дӕр фесгуыхтысты - Европӕйы чемпион Бестауты Андрей рамбылдта  юниорты хсӕн 125 кг уӕзы, Уӕрӕсейы чемпион Дзӕгъиаты Сослан та - 97 кг уӕзы", - радзырдта уый.

Тренер бафтыдта, ноджы ма иу бынӕттон лӕппу Джиоты Арсен, кӕцы ныридӕгӕн цӕттӕ кӕны Дзӕуджыхъӕуы, кӕй рамбылдта ерысты.

15
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

5
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

5
Хуыгаты Алан

Хъуамӕ рамбулон: Хуыгаты Алан стох кӕндзӕн Цӕгат Иры боксы изӕры

10
Спортсмен йӕ кӕройнаг ныхмӕлӕуды фӕстӕ баулӕфдзӕн ӕрмӕстдӕр дыууӕ къуырийы ӕмӕ та ногӕй рахиздзӕн рингмӕ

ЦХИНВАЛ, 2 мар – Sputnik, Хъуылымбегты Азӕмӕт. Ирон спортсмен Хуыгаты Алан ауадздзӕн тох Дзӕуджыхъӕуы боксы изӕры.  Мадзал ацӕудзӕн 11 марты ресторан "Торне"-йы, фехъусын кодта Sputnik спортсмен йӕхӕдӕг.

Хуыгаты Аланы ныхмӕлӕууӕг нырма бӕрӕг нӕу. Уымӕй дарддӕр ма мадзалы хайад райсдзысты клуб "Ариана"-йы ӕндӕр минӕвӕрттӕ.

Спортсменӕн Мӕскуыйы боксы изӕр "Shamo boxing"-ы йӕ кӕройнаг ныхмӕлӕуды фӕстӕ рацыд ӕрмӕстдӕр дыууӕ къуырийы - уый уӕд йӕ ныхмӕлӕууӕг Толибджон Сарабековы ӕртыккаг раунды арвыста нокауты.

"Мӕскуыйы ерысты размӕ рагӕй нал рахызтӕн рингмӕ ӕмӕ рымысыдтӕн тох. Цӕттӕкӕнынад цӕуы бӕрзонд ӕмвӕзадыл. Хъуамӕ рамбулон", - загъта Алан.

Хуыгаты Алан нырма иу хатт дӕр нӕ фӕхӕрд - профессионалон рингыл уый 12 хатты ссис уӕлахиздзау. Уый у клуб "Ариана"-йы  минӕвар ӕмӕ тох кӕны астӕуккаг ӕрдӕгуӕзы (63 кг) категорийы.

10
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5