Цхинвайлаг армрестлер рамбылдта Цӕгат Иры чемпионат

Цхинвайлаг армрестлер рамбылдта Цӕгат Иры чемпионат

28
(ранӕуӕггонд 15:08 25.01.2021)
Хӕбӕлаты Арсен фӕстаг мӕйы йе 'нтыстджын ралӕудты фӕрцы дыууӕ хатт бацис сызгъӕрин майданты хицау ӕмӕ райста балцӕгтӕ бӕрзонддӕр ӕмвӕзады ерыстӕм

ЦХИНВАЛ, 25 янв — Sputnik, Плиты Фатимӕ. Хуссарирыстойнаг спортсмен Хӕбӕлаты Арсен рамбылдта Цӕгат Ирыстоны чемпионат армспортӕй. Ерысты фӕлгӕтты лӕппу фӕуӕлахиз ис авд спортсменыл, уый тыххӕй Sputnik фехъусын кодта йӕ тренер Джиоты Валерий.

Хӕбӕлаты Арсен мӕйы размӕ та рамбылдта Цӕгат Ирыстоны фыццагад фӕсивӕды хсӕн.

"Арсен рамбылдта 80 кг уӕзы, мӕйы размӕ та уыд тыхджындӕр ӕрыгӕтты хсӕн Цӕгат Ирыстоны фыццагады", - загъта тренер.

Йӕ ныхӕстӕм гӕсгӕ, Хӕбӕлаты Арсен йӕ уӕлахизты фӕрцы райста балцӕгтӕ Уӕрӕсейы фыццагад ӕмӕ чемпионатмӕ дӕр.

"Кӕд нырмӕ лӕппуйӕн йе 'нтыстытӕ уыдысты ӕрыгӕтты хсӕн, уӕд ныр та басаста чемпионаты ӕмвӕзад дӕр", - бафтыдта уый.

Ивгъуыд азы Цӕгат Ирыстоны чемпионаты Хӕбӕлаты Арсен ссис ӕвзист призер. У ӕрыгӕтты хсӕн Уӕрӕсейы фыццагады уӕлахиздзау, дуне ӕмӕ Европӕйаг ерысты призер. Архайгӕ армрестлертӕй у иууыл ӕнтыстджындӕр Гасситы Сосланы фӕстӕ.

28
Цхинвайлаг ӕрмхӕцӕг рамбылдта Уӕрӕсейы чемпионат фӕндзӕм хатт

Цхинвайлаг армхӕцӕг рамбылдта Уӕрӕсейы чемпионат фӕндзӕм хатт

33
(ранӕуӕггонд 11:07 18.02.2021)
Дыгъуызты Малхаз ныр у Уӕрӕсейы фондз хатты чемпион, дунейы уӕлахиздзау ӕмӕ европӕйаг ерысты ӕртӕ хатты чемпион

ЦХИНВАЛ, 18 фев – Sputnik, Плиты Фатимӕ. Цхинвайлаг армхӕцӕг Дыгъуызты Малхаз фӕндзӕм хатт ссис Уӕрӕсейы чемпион армрестлингӕй сахъат спортсменты хсӕн, уый тыххӕй Sputnik фехъусын кодта йӕ тренер Лелаты Тотрадз.

Дыгъуызты Малхаз ныр у Уӕрӕсейы фондз хатты чемпион, дунейы уӕлахиздзау ӕмӕ Европӕйаг ерысты ӕртӕ хатты уӕлахиздзау.

"Дыгъуызты Малхаз ӕнцонӕй ссис уӕлахиздзау. Иумӕйагӕй сисгӕйӕ йын Уӕрӕсейы ӕмсӕр ныхмӕлӕууӕг нӕй, у фондз азы ӕнӕивгӕ лидер. Йӕ ныхмӕлӕуджыты ӕнцонӕй ӕмӕ ныфсджынӕй рамыблдта", - загъта тренер.

Уый ма бафтыдта, Уӕрӕсейы ерысты фӕстӕ та йӕм кӕй ӕнхъӕлмӕ кӕсынц бӕрзонддӕр ӕмвӕзады турниртӕ.

"Европӕйы чемпионат уыдзӕн Литвайы, уый кӕд нӕ аивой, уӕд дзы архайдзыстӕм. Дунейы чемпионаты фысым у Гуырдзыстон, уырдӕм Дыгъуызты Малхазӕн куыд Хуссар Ирыстоны сӕрмагонд структурӕты кусӕгӕн, афтӕ тӕссаг у ныццӕуынӕй", - бафтыдта уый.

Уӕрӕсейаг чемпион армрестлингӕй сахъат спортсменты хсӕн цӕуы горӕт Орелы 15-18 февралы.

Малхаз Догузов
Из архива Малхаза Догузова
Дыгъуызты Малхаз
33
Хуссар Иры уӕззау атлетикӕйы минӕвӕрттӕ cсисты Цӕгат Иры фыццагады призертӕ

Цхинвайлаг штангисттӕ cсисты Цӕгат Ирыстоны фыццагады призертӕ

45
(ранӕуӕггонд 16:13 15.02.2021)
Призон бынӕттӕ бацахстой Сиукъаты Ричард, Пӕррӕстаты Хасан, Багаты Георгий, Багаты Александр ӕмӕ Бестауты Руслан

ЦХИНВАЛ, 15 фев— Sputnik, Плиты Фатимӕ. Хуссары Ирыстоны уӕззау атлетикӕйы скъолайы хъомылгӕнинӕгтӕ cсисты Цӕгат Ирыстоны фыццагады призертӕ. Цхинвайлаг командӕйы хӕзнадоны ис ӕртӕ ӕвзист ӕмӕ дыууӕ бронзӕйон майданы, фехъусын кодта Sputnik спортсменты тренертӕй сӕ иу Плиты Артур.

Цхинвайлаг командӕ Цӕгат Ирыстоны фыццагады бавдыстгод уыд ӕхсӕз тренеры хъомылгӕнинӕгтӕй.

"Мӕ хъомылгӕнинаг Сиукъаты Ричард ссис дыккаг призер. Уый равдыста иттӕг хорз хатдзӕг, цӕттӕ йӕ кӕнын ӕрмӕстдӕр иу азӕй чысыл фылдӕр. Уӕздан сывӕллоны номмӕ ма бафтыд хорз спортсмены ном дӕр", - загъта Плиты Артур.

Уый ма бафтыдта, йӕ коллегӕты хъомылгӕнинӕгтӕн дӕр кӕй уыд хорз ралӕудтӕ.

Икъаты Сӕрмӕт
© Photo : Из личного архива Артура Плиева

"Пӕррӕстаты Андрей ӕмӕ Дыгъуызты Алены спортсмен Пӕррӕстаты Хасан райста дыккаг бынат, уый дыууӕ хуызы ерысты систа 100 кг. Дыккаг призер ма у Кӕсӕбиты Иналы хъомылгӕнинаг Багаты Георгий дӕр, уый та басаста 117 кг уӕз", - бафтыдта уый.

Ноджы ма фӕйнӕ бронзӕйон хорзӕхы та райстой тренертӕ Кӕсӕбиты Александр ӕмӕ Тасойты Олегы спортсментӕ - Багаты Александр ӕмӕ Бестауты Руслан.

Тренер ма радзырдта, Тасойты Олегы спортсмен Бестауты Родион кӕй равдыста хорз хатдзӕг - ацы ерысты систа 12 кг фылдӕр.

Цӕгат Ирыстоны фыццагад уӕззау атлетикӕйы цыд 13-14 февралы.

45
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3