Хуссар Ирыстоны дӕсны ӕвзонг ленкгӕнӕг Тыджыты Диана

Цхинвайлаг ӕвзонг ленкгӕнӕг стох кӕндзӕн ӕхсӕнадӕмон ерысты

44
(ранӕуӕггонд 14:16 29.01.2021)
Тыджыты Дианайы ӕнтыстыты хсӕн рахицӕн кӕнӕн ис йӕ уӕлахиз 2020 азы февралы ӕппӕтуӕрӕсеон ерыстӕ "Mad Wave Classic"-ы 200 метры дистанцийы. Уый у Хуссар Ирыстоны ленкгӕнджыты тыхджындӕртӕй иу

ЦХИНВАЛ, 29 янв - Sputnik, Плиты Фатимӕ. Хуссар Ирыстоны дӕсны ӕвзонг ленкгӕнӕг Тыджыты Диана хайад райсдзӕн ӕппӕтуӕрӕсейон ерысты. Дыууадӕсаздзыд чызг ерысты уыдзӕн иунӕг спортсменкӕ республикӕйӕ, фехъусын кодта Sputnik Федерацийы хистӕр Евгения Терлеева.

"Казаны ерыстӕ кӕстӕр кары спортсменты хсӕн цӕуыдзысты ӕртӕ дистанцийӕ. 800 метр сӕрибар стилӕй, 200 - комплексон ӕмӕ 100 метр та равзаргӕ стилӕй. Диана старт кӕндзӕн батерфляййӕ", - загъта тренер.

Йӕ ныхӕстӕм гӕсгӕ, ӕрыгон чызг ерыстӕм балцӕг райста ивгъуыд аз йӕ ралӕудты.

"Ерысты архайӕг суӕвӕн ис ӕвзӕрст рацӕугӕйӕ, мах стӕм Цӕгат Ирыстоны командӕйы сконды. Ныфс нӕ ис, хорз кӕй равдисдзӕн йӕхи. Ӕвзӕрст рацыд фарон марты ӕмӕ уӕдӕй фӕстӕмӕ йӕ цӕттӕдзинады ӕмвӕзад зынгӕ фӕхуыздӕр ис", - бафтыдта Евгения Терлеева.

Тыджыты Дианайы ӕнтыстыты хсӕн рахицӕн кӕнӕн ис йӕ уӕлахиз 2020 азы февралы ӕппӕтуӕрӕсеон ерыстӕ "Mad Wave Classic"-ы  200 метры дистанцийы. Уый у Хуссар Ирыстоны ленкгӕнджыты тыхджындӕртӕй иу.

44
Хуссар Иры боксер ссис ЦКФЗ-йы бронзæйон призер

Хуссарирыстойнаг боксер ссис ЦКФЗ-йы бронзæйон призер

17
(ранӕуӕггонд 17:16 30.04.2021)
Республикӕйы спортивон кад хъахъхъӕдтой ӕртӕ боксеры, фӕлӕ призерты нымæцмæ бахызт æрмæст Санахъоты Андрей

ЦХИНВАЛ, 30 апр - Sputnik, Плиты Фатимӕ. Хуссар Ирыстоны Боксы скъолайы минӕвар Санахъоты Андрей ссис Цӕгат Кавказы федералон зылды (ЦКФЗ) ерысты бронзæйон призер, фехъусын кодта Sputnik спортсмены тренер Куымӕридтаты Родион.

"Санахъоты Андрей бацахста æртыккаг бынат. Ахæм бæрзонд æмвæзады ерысты уый у хорз хатдзæг. Ерысты фæлгæтты уый рамбылдта дыууæ тохы, иуы та дзы æмсæр тохы фæхæрд ис ерысты уæлахиздзауæн", - загъта тренер.
Боксер из Южной Осетии стал бронзовым призером СКФО
Из архива тренера Р. Кумаритова
Хуссар Иры боксер ссис ЦКФЗ-йы бронзæйон призер

Уый ма бафтыдта, аннæ дыууæ лæппу - Гуыцмӕзты Руслан æмæ Гуыцмӕзты Тамерлан дӕр сæхи аккаг кӕй равдыстой, фæлæ призерты нымæцмæ нæ бахызтысты.

Цӕгат Кавказы федералон зылды ерыстæ ахицæн сты 30 апрелы, ам фӕсивӕд ӕвзӕрст цыдысты Уӕрӕсейы фыццагадмӕ.

17
Хуссар Иры Дзауы районы сбæлвырд кодтой хъæбысхæсты турниры уæлахиздзауты

Хуссар Иры сбæлвырд кодтой хъæбысхæсты турниры уæлахиздзауты

33
(ранӕуӕггонд 15:30 27.04.2021)
Спортивон мадзалы призтыл тох кодтой 200 спортсмены Цхинвал, Къуаиса æмæ Дзауæй, афтæ ма Цæгат Ирыстонæй дæр

ЦХИНВАЛ, 27 апр - Sputnik, Плиты Фатимӕ. Хуссар Ирыстоны Дзауы районы ацыд Стыр Фыдыбæстон хæсты хъайтар Хъоцыты Константины номарæн турнир хъæбысхæстæй. Спортивон мадзал сбæлвырд кодта 18 уæлахиздзауы хицæн уæзы категориты, фехъусын кодтой Sputnik районы пресс-службæйы.

В Дзауском районе Южной Осетии провели турнир по вольной борьбе памяти героя Советского союза Константина Кочиева
Пресс-служба Дзауского района
Хуссар Иры Дзауы районы сбæлвырд кодтой хъæбысхæсты турниры уæлахиздзауты

Призтыл тох кодтой 200 спортсмены Цхинвал, Къуаиса æмæ Дзауæй, афтæ ма Цæгат Ирыстонæй дæр.

"Мадзалы уыд бирæ уазджытæ - турнир кæй номыл цыд, уый фæдонтæ, парламенты хистæр Тадтаты Алан, районы разамонæг Джиоты Андрей. Спортсментæ равдыстой хорз тохтæ", - загъта пресс-службæйы кусæг Тедеты Лиана.

Сызгъæрин майдантæ райстой Болататы Дзамболат, Пухаты Алан, Бесаты Аслан, Сидамонты Артур, Махъоты Гия, Тыджыты Алан, Цакъоты Мартин, Гæззаты Дмитрий, Туаты Дауыт, Джиоты Артур, Гаглойты Роберт, Нарыкъаты Марат, Гæззаты Барсæг, Туаты Хетæг, Галуанты Арсæмæг, Хуыбиаты Аслан æмæ Мурийты Азæмæт.

Районы пресс-службæйы куыд банысан кодтой, афтæмæй ацы турнир уыд фыццаг официалон ерыс ног арæзт спортивон бæстыхайы, кæцы самадтой президентон фонды хæрдзтæй.

Ерыстæ бацæттæ кодта районы спорты управлени Национ банчы разамонæг Джиоты Жаннайы æххуысæй.

  • Хуссар Иры Дзауы районы сбæлвырд кодтой хъæбысхæсты турниры уæлахиздзауты
    Хуссар Иры Дзауы районы сбæлвырд кодтой хъæбысхæсты турниры уæлахиздзауты
    Пресс-служба Дзауского района
  • Хуссар Иры Дзауы районы сбæлвырд кодтой хъæбысхæсты турниры уæлахиздзауты
    Хуссар Иры Дзауы районы сбæлвырд кодтой хъæбысхæсты турниры уæлахиздзауты
    Пресс-служба Дзауского района
  • Хуссар Иры Дзауы районы сбæлвырд кодтой хъæбысхæсты турниры уæлахиздзауты
    Хуссар Иры Дзауы районы сбæлвырд кодтой хъæбысхæсты турниры уæлахиздзауты
    Пресс-служба Дзауского района
  • Мадзалы уыд бирæ уазджытæ - турнир кæй номыл цыд, уый фæдонтæ, парламенты хистæр Тадтаты Алан, районы разамонæг Джиоты Андрей
    Мадзалы уыд бирæ уазджытæ - турнир кæй номыл цыд, уый фæдонтæ, парламенты хистæр Тадтаты Алан, районы разамонæг Джиоты Андрей
    Пресс-служба Дзауского района
1 / 4
Пресс-служба Дзауского района
Хуссар Иры Дзауы районы сбæлвырд кодтой хъæбысхæсты турниры уæлахиздзауты
33
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау