Хуссар Иры командӕ эстетикон гимнастикӕйӕ ссис уӕрӕсейаг ерысты ӕвзист призер

Хуссар Иры командӕ эстетикон гимнастикӕйӕ ссис уӕрӕсейаг ерысты ӕвзист призер

8
(ранӕуӕггонд 12:33 01.02.2021)
Чызджыты ерыстӕм бацӕттӕ кодтой тренертӕ Цхуырбаты Зема ӕмӕ Зассеты Элина, стӕй ма хореограф Дзабиты Зӕринӕ

ЦХИНВАЛ, 1 фев – Sputnik, Плиты Фатимӕ. Хуссар Ирыстоны командӕ эстетикон гимнастикӕйӕ "Ир-Олимп Арион" рамбылдта Ставрополы крайы Кубокы ӕвзист майдан, фехъусын кодта Sputnik аивадон ӕмӕ эстетикон гимнастикӕйӕ Федерацийы разамонӕг Цхуырбаты Зема.

"Уый уыд нӕ фыццаг ралӕуд карантины фӕстӕ ӕмӕ ацы аз. Ӕппӕт тобӕтӕ цы рӕстӕг архайдтой, уыцы ӕмгъуыд цӕттӕ кодтам ног нывӕзт ӕмӕ йӕ ныр ерысты фыццаг хатт равдыстам. Хорз хатдзӕг райстам, стӕм райгонд", - загъта тренер.

Йӕ ныхӕстӕм гӕсгӕ, разӕй сӕм ӕнхъӕлмӕ кӕсы вазыгджын нывӕзт.

"Уынгӕг график нын ис, кӕд нын пандемийы фӕдыл уавӕр нӕ бандава, уӕд ӕрвыл мӕй дӕр нывӕндӕм архайын ерысты", - бафтыдта уый.

Командӕ "Ир-Олимп Арион" сконды архайдтой аст чызджы 12-14 азы кары.

Команда эстетической гимнастики Ир-Олимп Арион
© Photo : Facebook
Хуссар Иры командӕ эстетикон гимнастикӕйӕ ссис уӕрӕсейаг ерысты ӕвзист призер
8
Хуссар Иры каратисттӕ рамбылдтой авд майданы Майкопы

Хуссар Иры каратисттӕ рамбылдтой авд майданы Майкопы

5
Хуссар Иры спортивон кад ерысты хъахъхъӕдтой авд каратисты – уыдон иууылдӕр бацахстой призон бынӕттӕ

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны каратисттӕ ӕнтыстджын архайд скодтой ерысты Майкопы ӕмӕ рамбылдтой авд майданы, фехъусын кодта Sputnik каратейы тренер Габатты Алан.

"Нӕ спортсментӕ рамбылдтой ӕртӕ сыгъзӕрин, ӕртӕ ӕвзист ӕмӕ иу бронзӕйон майдан. Ерысты хайад истой авд хуссарирыстойнаг каратисты", - загъта Габатты Алан.

Йӕ ныхӕстӕм гӕсгӕ, спортсменты дарддӕр нывӕзты ис цӕттӕкӕнынад Уӕрӕсейы чемпионатмӕ, кӕцы ацӕудзӕн июлы.

Амӕйразмӕ Цӕгат Ирыстоны спортсментӕ рамбылдтой 12 майданы ӕппӕтуӕрӕсейон ерысты каратейӕ Сочийы.

5
Цхинвалы районы сбӕрӕг кодтой иууыл хуыздӕр шашистты

Цхинвалы районы сбӕрӕг кодтой иууыл хуыздӕр шашистты

5
(ранӕуӕггонд 11:02 14.05.2021)
Ерысты, кӕцытӕ нывонд уыдысты Уӕлахизы бонӕн, хайад райстой районы хуыздӕр хъазджытӕ. Призтыл ӕдӕппӕт тох кодтой 12 спортсмены

ЦХИНВАЛ, 14 май — Sputnik. Хуссар Ирыстоны Цхинвалы районы спорты хайад ауагъта традицион турнир шашкӕтӕй, кӕцыйы хайад райстой районы хуыздӕр хъазджытӕ. Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй призтыл тох кодтой 12 спортсмены.

"Ерысты регламентмӕ гӕсгӕ, фембӕлдтӕ цыдысты зылдон системӕмӕ гӕсгӕ. Ерысты фӕстиуджытӕм гӕсгӕ, иууыл фылдӕр очкотӕ райста районы администрайы финансон хайады минӕвар Тедеты Николай, кӕцы ссис турниры уӕлахиздзау. Дыккаг бынатыл ацыд Цъунары скъолайы директор Тыбылты Алексей. Ӕртыккаг бынатыл – адӕмон нывгӕнӕг Гӕбӕраты Борис. Фӕсивӕды хсӕн иууыл цӕттӕдӕр разынд Тъбеты хъӕуы минӕвар Бикъойты Станислав", - дзырдӕуы хъусинаджы.

Цхинвалы районы администрацийы спорты хайад хистӕр Тъуриты Тенгиз ӕмӕ республикӕйы шашкӕты федерацийы президент Лолоты Борис схорзӕхджын кодтой ерысты уӕлахиздзаутӕ ӕмӕ призерты грамотатӕй, майдантӕй ӕмӕ кубоктӕй.

5
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

0
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

0