Цхинвайлаг боксертӕ рамбылдтой аст сызгъӕрин майданы

Цхинвайлаг боксертӕ рамбылдтой аст сызгъӕрин майданы Ессентукийы

42
(ранӕуӕггонд 16:33 01.02.2021)
Ессентукийы уагъд цӕуӕг гом ерысты архайдтой 350 спортсмены онг Цӕгат Кавказы регионтӕй

ЦХИНВАЛ, 1 фев – Sputnik, Плиты Фатимӕ. Хуссар Иры боксертӕ астӕй рамбылдтой Ессентукийы уагъд цӕуӕг гом ерыстӕ, ноджы ма дыууадӕсӕй та райстой ӕвзист майдантӕ, фехъусын кодта Sputnik тренер Куымӕридтаты Родион.

Боксы турниры архайдтой 350 спортсмены онг Цӕгат Кавказы регионтӕй.

"Хуссар Ирыстоны ӕппӕт боксы секцитӕй ӕрымбырд кодтам 30 спортсмены. Командӕйы сконды уыдысты Боксы скъола, спорты галуан "Олимп" ӕмӕ Дменисы секцийӕ",- загъта тренер.

Йӕ ныхӕстӕм гӕсгӕ, командӕ ӕмткӕй райста аст сызгъӕрин ӕмӕ 12 ӕвзист майданы.

"Ерысты уӕлахиздзаутӕ ссисты Гуыцмӕзты Тамерлан, Гатыгкоты Аслан, Хуыгаты Сӕрмӕт, Букъулты Арсен, Бабайты Станислав, Багаты Марат, Джиголаты Ибрагим ӕмӕ Сиукъаты Батрадз", - бафтыдта уый.

Уӕлахиздзауты нымӕцы уыдысты алкӕцы секцийы минӕвӕртӕ, сӕ нымӕцы Дменисы хъӕуы минӕвӕрттӕ.

"Дменисы секци кусы нырма ӕрмӕст цалдӕр азы, фӕлӕ кӕны хорз къахдзӕфтӕ. Ацы хатт дӕр райстой дыууӕ майданы - сызгъӕрин ӕмӕ ӕвзист. Ӕххуыс сын кӕны сӕ хъӕуӕй рацӕугӕ меценат Икъаты Ибрагим",- бафтыдта уый.

Ерысты архайджытӕ уыдысты тренертӕ Куымӕридтаты Родин, Тедеты Александр, Лолоты Александр ӕмӕ Дзигойты Ацӕмӕзы хъомылгӕнинагтӕ.

 Победитель соревнований
© Sputnik / Из архива тренера А.Дзигоева
Цхинвайлаг боксертӕ рамбылдтой аст сызгъӕрин майданы
42
цхинвайлаг ӕмбуархӕцджытӕ стох кӕндзысты Уӕрӕсейы чемпионаты

Рамбулыны фӕндимӕ: цхинвайлаг ӕмбуархӕцджытӕ стох кӕндзысты Уӕрӕсейы чемпионаты

14
(ранӕуӕггонд 10:36 11.06.2021)
Ӕмткӕй командӕйы сконды ис 20 спортсмены бӕрц, уыдон сты дыууӕ тренер Уалыты Вахтанг ӕмӕ Хъуылымбегты Мамеды хъомылгӕнинӕгтӕ

ЦХИНВАЛ, 11 июн – Sputnik, Плиты Фатимӕ. Хуссар Ирыстоны ӕмбуар хӕсты спортсментӕ афӕндараст сты Ростовмӕ, цы ран стох кӕндзысты Уӕрӕсейы чемпионаты, фехъусын кодта Sputnik тренер Уалыты Вахтанг.

Ерыстӕ цӕудзысты 13 июньмӕ. 

"Командӕ ис фӕндагыл. 11 спортсмены кӕнын Уӕрӕсейы чемпионатмӕ, тох цӕудзӕн ерысты призтыл ӕмӕ дунейы ерыстӕм балцӕгтыл. Иууылдӕр сты рамбулыны фӕндимӕ", - загъта Уалыты Вахтанг.

Уый ма бамбарын кодта, йӕ спортсментӕ иунӕгӕй нӕ хъахъхъӕндзысты Хуссар Ирыстоны спортивон кад - "ам ма стох кӕндзысты тренер Хъуылымбегты Мамеды хъомылгӕнинӕгтӕ дӕр".

14
Хуыгаты Алан

Ирон боксер Хуыгаты Алан радзырдта, кӕд рахиздзӕн рингмӕ

5
(ранӕуӕггонд 12:08 04.06.2021)
Спортсмен сӕрды дӕргъы ӕртӕ хатт рахиздзӕн рингмӕ. Йӕ тохтӕй иу ауадздзӕн Мӕскуыйы Сырх Фӕзуатыл – Гасситы Мурӕты тохы программӕйы

ЦХИНВАЛ, 4 июн – Sputnik, Хъуылымбегты Азӕмӕт. Ирон профессионалон боксер Хуыгаты Алан сӕрды дӕргъы ауадздзӕн ӕртӕ тохы, уый тыххӕй Sputnik фехъусын кодта спортсмен йӕхӕдӕг.

"Тох ауадздзӕн 11 июны Мӕскуыйы, уый фӕстӕ Сырх Фӕзуатыл – 22 июлы, цы ран сӕйраг тохы архайдзӕн Гасситы Мурӕт. Афтӕ ма мын уыдзӕн иу тох августы", - загъта Хуыгаты Алан.

Боксеры ныхӕстӕм гӕсгӕ, тохты хсӕн цъус рӕстӕг кӕй уыдзӕн, уый проблемӕ нӕу.

"Тренировкӕтӕ уагъд цӕуынц бӕрзонд ӕмвӕзадыл. Ныхмӕлӕуджытӕм ӕнӕкӕсгӕйӕ, тохтӕм цӕттӕ дӕн", - бахахх кодта спортсмен.

Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.

5
Дзиццойты Юрий

Дзиццойты Юрий: ирон æвзагæн йæ уидаг у тынг фидар

4
(ранӕуӕггонд 10:03 11.06.2021)
ХИПУ ирон æвзаг æмæ æвзагзонынады кафедрæйы хистæр Дзиццойты Юрий радио Sputnik Хуссар Ирыстоны эфиры радзырдта ирон æвзаджы куыд хъæуы пайда кæнын æрбайсгæ дзырдтæй, ууыл
Дзиццойты Юрий: ирон æвзагæн йæ уидаг тынг фидар у

Нырыккон цардыл интернет тынг кæй бандæвта, уый сусæг нæу, фæлæ ма уыимæ иумæ ирон æвзаджы фæзынд ног ныхæстæ дæр. Цас тæссаг сты æвзагæн, æмæ сæ куыд хъæуы пайда кæнын, уый тыххæй радзырдта Дзиццойты Юрий. Ахуыргонды хъуыдымæ гæсгæ, уыцы ног дзырдтæ хъæуы адаптаци кæнын.

"Уыцы проблемæ алы хатт дæр уыд, æмæ алы æвзаджы раз дæр лæууыд. Хуымæтæг цæвиттон уын æрхæссон, нардитæ фæзындысты персæгтæм æмæ уырдыгæй рацæугæйæ сæ нæмттæ дæр семæ рацыдысты", - радзырдта Юрий.

Дзиццойты Юрийы ныхæстæм гæсгæ, уынгæг къабазыл цы æрцæуы арæзт, уымæн нæ хъæуы ивын йæ терминалоги.

"Цыдæртæ дзы гæнæн ис мæ къалькъагонд æрцæуой, кæцыдæр терминтæн дзы ис ирон æвзаджы дæр æрымысæн ныхæстæ. Фæлæ æмткæй сисгæйæ, фæзынд йæхæдæг чи у, цы реали æвдисы, уый æндæр ранæй æрбацыд æд терминалоги, æмæ уымæй тæрсын нæ хъæуы", - бафиппайта ахуыргонд.

Дзиццойты Юрий банысан кодта, æвзагзонынады фæзыны хатæй хатт пуристтæ, кæцытæ архайынц æвзаджы сыгъдæгдзинад бахъахъхъæныныл, фæлæ уыдон ныхмæ йæ рæстæджы дзырдта Калоты Хазби, зындгонд ирон поэт. Хазби дзырдта, ома ирон æвзагмæ дзырдтæ æрбайсынæй нæ хъæуы æфсæрмы кæнын.

Лæмбынæгдæр хъусут нæ аудиоæрмæджы.

4
Темӕтӕ:
Радио иронау