Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ

Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ

48
(ранӕуӕггонд 11:03 15.02.2021)
Спортсментӕй дыууӕ чызг ӕмӕ дыууӕ лӕппу - Тъехты Руслан, Тегкаты Азӕмӕт, Къӕбулты Лика ӕмӕ Габайты Дзерассӕйӕн нӕ разынд ӕмсӕр ныхмӕлӕуджытӕ

ЦХИНВАЛ, 15 фев— Sputnik, Плиты Фатимӕ. Цхинвайлаг ӕрыгон спортсментӕ рамбылдтой 13 майданы Цӕгат Кавказы федералон зылды ерысты "Сила и честь" ӕмбуар хӕсты дисциплинӕ "ММА-свободный поединок"-ы. Спортсменты ӕнтысты тыххӕй Sputnik радзырдта сӕ тренер Уалыты Вахтанг.

  • Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ
    Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ
    © Sputnik / Из архива тренера В. Валиева
  • Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ
    Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ
    © Sputnik / Из архива тренера В. Валиева
1 / 2
© Sputnik / Из архива тренера В. Валиева
Цхинвайлаг спортсментӕ рамбылдтой 13 майданы ӕмбуар хӕстӕй ЦКФЗ

Хуссар Ирыстонӕй турниры архайдтой 15 спортсменты, уыдонӕй дыууӕйӕ дарддӕр иууылдӕр бацахстой призон бынӕттӕ.

"Ӕдӕппӕтӕй нӕ командӕ рамбылдта 13 майданы, уыдонӕй цыппар сызгъӕринтӕ, авд - ӕвзист ӕмӕ дыууӕйӕ та ссисты бронзӕйон призертӕ. Нӕ минӕвӕрттӕй кӕцыдӕртӕ иумӕ дӕр ӕрхаудтой, науӕд ноджы хуызджындӕр ӕнтыстытӕ равдыстаиккой", - загъта тренер.

Уӕлахиздзаутӕ ссисты Тъехты Руслан, Тегкаты Азӕмӕт, Къӕбулты Лика ӕмӕ Габайты Дзерассӕ.

"Фӕсивӕд тынг хорз равдыстой сӕхи, сӕрыстыр сӕ дӕн", - бафтыдта тренер.

Уалыты Вахтанг ма банысан кодта, карантины аххосӕй спортсментӕ кӕй нӕ цӕттӕ кодтой ӕмбӕлон ӕгъдауӕй, ӕрмӕст сын 20 боны цыд тренировкӕтӕ.

Посмотреть эту публикацию в Instagram

Публикация от Вахтанг Валиев (@valievvakhtang)

48
Хуссар Иры каратисттӕ рамбылдтой авд майданы Майкопы

Хуссар Иры каратисттӕ рамбылдтой авд майданы Майкопы

5
Хуссар Иры спортивон кад ерысты хъахъхъӕдтой авд каратисты – уыдон иууылдӕр бацахстой призон бынӕттӕ

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны каратисттӕ ӕнтыстджын архайд скодтой ерысты Майкопы ӕмӕ рамбылдтой авд майданы, фехъусын кодта Sputnik каратейы тренер Габатты Алан.

"Нӕ спортсментӕ рамбылдтой ӕртӕ сыгъзӕрин, ӕртӕ ӕвзист ӕмӕ иу бронзӕйон майдан. Ерысты хайад истой авд хуссарирыстойнаг каратисты", - загъта Габатты Алан.

Йӕ ныхӕстӕм гӕсгӕ, спортсменты дарддӕр нывӕзты ис цӕттӕкӕнынад Уӕрӕсейы чемпионатмӕ, кӕцы ацӕудзӕн июлы.

Амӕйразмӕ Цӕгат Ирыстоны спортсментӕ рамбылдтой 12 майданы ӕппӕтуӕрӕсейон ерысты каратейӕ Сочийы.

5
Цхинвалы районы сбӕрӕг кодтой иууыл хуыздӕр шашистты

Цхинвалы районы сбӕрӕг кодтой иууыл хуыздӕр шашистты

5
(ранӕуӕггонд 11:02 14.05.2021)
Ерысты, кӕцытӕ нывонд уыдысты Уӕлахизы бонӕн, хайад райстой районы хуыздӕр хъазджытӕ. Призтыл ӕдӕппӕт тох кодтой 12 спортсмены

ЦХИНВАЛ, 14 май — Sputnik. Хуссар Ирыстоны Цхинвалы районы спорты хайад ауагъта традицион турнир шашкӕтӕй, кӕцыйы хайад райстой районы хуыздӕр хъазджытӕ. Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй призтыл тох кодтой 12 спортсмены.

"Ерысты регламентмӕ гӕсгӕ, фембӕлдтӕ цыдысты зылдон системӕмӕ гӕсгӕ. Ерысты фӕстиуджытӕм гӕсгӕ, иууыл фылдӕр очкотӕ райста районы администрайы финансон хайады минӕвар Тедеты Николай, кӕцы ссис турниры уӕлахиздзау. Дыккаг бынатыл ацыд Цъунары скъолайы директор Тыбылты Алексей. Ӕртыккаг бынатыл – адӕмон нывгӕнӕг Гӕбӕраты Борис. Фӕсивӕды хсӕн иууыл цӕттӕдӕр разынд Тъбеты хъӕуы минӕвар Бикъойты Станислав", - дзырдӕуы хъусинаджы.

Цхинвалы районы администрацийы спорты хайад хистӕр Тъуриты Тенгиз ӕмӕ республикӕйы шашкӕты федерацийы президент Лолоты Борис схорзӕхджын кодтой ерысты уӕлахиздзаутӕ ӕмӕ призерты грамотатӕй, майдантӕй ӕмӕ кубоктӕй.

5
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

0
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

0