Цхинвайлаг ӕрмхӕцджытӕ систы Уӕрӕсейы фыццагады призертӕ

Ӕртӕ ӕвзисты: цхинвайлаг ӕрмхӕцджытӕ cсисты Уӕрӕсейы фыццагады призертӕ

25
(ранӕуӕггонд 11:09 09.03.2021)
Дыккаг бынӕттӕ бацахстой 2019 азы дунейон ӕмӕ Европӕйы ерысты уӕлахиздзау Хӕбӕлаты Арсен, 2018 азы дунейон ерысты ӕвзист призертӕ Плиты Батрадз ӕмӕ Дыгъуызты Милена

ЦХИНВАЛ, 9 мар - Sputnik, Плиты Фатимӕ. Хуссар Ирыстоны ӕрмхӕцджытӕ райстой Уӕрӕсейы фыццагады ӕвзист призтӕ горӕт Орёлы, фехъусын кодта Sputnik сӕ тренер Джиоты Валерий.

Дыккаг бынӕттӕ бацахстой 2019 азы дунейон ӕмӕ Европӕйы ерысты уӕлахиздзау Хӕбӕлаты Арсен, 2018 азы дунейон ерысты ӕвзист призертӕ Плиты Батрадз ӕмӕ Дыгъуызты Милена.

"Иумӕйагӕй сисгӕйӕ турнир ацыд тынг бӕрзонд ӕмвӕзадыл. Хӕбӕлаты Арсен у хорз цӕттӕ, фӕхӕрд ис ӕрмӕст Уӕрӕсе, дуне ӕмӕ Европӕйы ӕхсӕз хатты чемпион Дигурты Сӕрмӕтӕн. Уый уыд йӕ спортивон карьерӕйы иууыл тыхджындӕр ныхмӕлӕууӕг. Плиты Батрадзмӕ дӕр ӕрхаудта тыхджын спортсмен Белгородӕй Михаил Бережной", - загъта тренер.

Йӕ ныхӕстӕм гӕсгӕ, ӕртӕ спортсмен дӕр райстой балцӕгтӕ бӕрзонддӕр ерыстӕм.

"Ӕртӕ дӕр ацӕудзысты Европӕйы фыццагадмӕ, кӕцы ацӕудзӕн майы Литвайы. Уым хъуамӕ равдисой ноджы хуыздӕр бӕрӕггӕнӕнтӕ", - бафтыдта Джиоты Валерий.

Ерысты ма Цхинвалӕй архайдтой Джиоты Дауыт ӕмӕ Уалыты Виктория.

"Уыдон баззадысты ӕнӕ майдантӕй, фӕлӕ фыццаг хатт архайдтой ӕмӕ сӕ бон цы уыд, уый сарӕзтой. Фӕстӕдӕр уыдон нырма сӕхи равдисдзысты", - балхынцъ кодта Джиоты Валерий.

Уӕрӕсейы фыццагад ӕрыгӕтты хсӕн уыд Уӕрӕсейы горӕт Орёлы. Архайдтой дзы 400 спортсмены онг.

25
Тасойты Инал

Дзюдоист Тасойты Инал ссис Европӕйы чемпион

2
(ранӕуӕггонд 11:08 19.04.2021)
Финалон тохы 100 килограммы уӕзы категорийы ирон спортсмен рамбылдта Хенк Гролы

ЦХИНВАЛ, 19 апр — Sputnik. Ирон спортсмен Тасойты Инал рамбылдта сыгъзӕрин майдан 2021 азы Европӕйы чемпионаты, хъусын кӕны цӕгатирыстойнаг спорты министрады пресс-службӕ.

Ерыстӕ цыдысты Лиссабоны (Португали) 16-18 апрелы.

"Тасойты Инал Финалон тохы 100 килограммы уӕзы категорийы рамбылдта Голландийӕ спортсмен Хенк Гролы ӕмӕ ссис континенталон фыццагады уӕлахиздзау", - дзырдӕуы хъусинаджы.

Тасойты Инал у 2019 азы Европӕйы чемпион, 2019 азы Европейаг хъӕзтыты уӕлахиздзау, дунейы чемпионатты дыууӕ хатты бронзӕйон призер.

2
Цхинвалы схорзӕхджын кодтой шахматты турниры уӕлахиздзауты

Цхинвалы схорзӕхджын кодтой шахматты турниры уӕлахиздзауты

8
(ранӕуӕггонд 15:53 19.04.2021)
Ерысты уӕлахиздзау ссис республикон ерысты ӕдзухон лидер Саулохты Георгий, дыккаг бынатыл ацыд скъоладзау Къодоты Алан, призерты нымӕцмӕ бахызт Хуыбылты Сослан

ЦХИНВАЛ, 19 апр - Sputnik, Плиты Фатимӕ. Цхинвалы схорзӕхджын кодтой Гобозты Валерийы фӕндзӕм номарӕн турниры уӕлахиздзаутӕ ӕмӕ призерты.

Ерысты уӕлахиздзау ссис республикон ерысты ӕдзухон лидер Саулохты Георгий, дыккаг бынатыл ацыд скъоладзау Къодоты Алан, кӕцы бонӕй-бонмӕ хуыздӕр хатдзӕгтӕ ӕвдисы, призерты нымӕцмӕ бахызт Хуыбылты Сослан, уый у Ирыстоны хъайтар, хъахъхъӕнынады министрады бындурӕвӕрджытӕй иу Хуыбылты Валерийы фырт.

"Ерыстӕ цыдысты егъау конкурентон тохы ӕмӕ равдыстой ӕнӕнхъӕлӕджы хатдзӕгтӕ. Призертӕ райстой ахадгӕ дӕр лӕвӕрттӕ, фӕлӕ архайджытӕ дӕр ӕнӕркаст нӕ баззадысты",- загъта Федерацийы хистӕр Саулохты Георгий.

Сӕйраг уӕлахиздзаутӕй дарддӕр ма рабӕрӕг кодтой хуыздӕр хатдзӕгтӕ сӕ кары категориты.

  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
1 / 5
© Sputnik / Фатима Плиева
Цхинвалы схорзӕхджын кодтой шахматты турниры уӕлахиздзауты

Кӕстӕрты хсӕн хуыздӕр хатдзӕг равдыста Тыбылты Алан, студентты хсӕн Къӕбулты Алан, 17 азы кары онг скъоладзаутӕ хсӕн ӕнтыстджын уыдысты дыууӕйӕ Бахъаты Гамлет ӕмӕ Цоциты Ацӕмӕз.

Ерыстӕ ацыдысты Спорты ӕмӕ фӕсивӕды политикӕйы комитет, Шахмӕтты федераци ӕмӕ ХИПУ-йы ӕмархайдӕй.

8
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау