Цхинвайлаг уӕзисӕг ссис ӕппӕтуӕрӕсеон ерысты призер

Цхинвайлаг уӕзисӕг ссис ӕппӕтуӕрӕсейон ерысты призер

33
(ранӕуӕггонд 12:18 09.03.2021)
Джиоты Александр 18 азы кармӕ рамбылдта бирӕнымӕц престижон ерыстӕ, йӕ хорзӕхты хӕзнадоны ис Уӕрӕсейы фыццагады уӕлахиз дӕр

ЦХИНВАЛ, 9 мар - Sputnik, Плиты Фатимӕ. Цхинвайлаг уӕзисӕг Джиоты Александр ссис Шесталюкы номыл ӕппӕтуӕрӕсейон ерысты бронзӕйон призер уӕззау атлетикӕйӕ. Дыууӕ хуызы ерысты спортсмен систа 287 килограммы, уый тыххӕй Sputnik фехъусын кодта йӕ тренер Плиты Артур.

Джиоты Александр 18 азы кармӕ рамбылдта бирӕнымӕц престижон ерыстӕ, йӕ хорзӕхты хӕзнадоны ис Уӕрӕсейы фыццагады уӕлахиз.

"Уый равдыста йӕ спортивон карьерӕйы хуыздӕр хатдзӕг. "Рывок"-ӕй уый систа 125 килограммы, "толчок"-ӕй 162 килограммы. Дыууӕ ерысты иумӕ уый басаста 287 килограммы ӕмӕ ссис ерысты бронзӕйон призер", - загъта тренер.

Спортсмен архайдта 110 кг уӕзы. Джиоты Александры цӕттӕ кӕнынц Плиты Артур ӕмӕ Наниты Алан.

33
Тасойты Инал

Дзюдоист Тасойты Инал ссис Европӕйы чемпион

2
(ранӕуӕггонд 11:08 19.04.2021)
Финалон тохы 100 килограммы уӕзы категорийы ирон спортсмен рамбылдта Хенк Гролы

ЦХИНВАЛ, 19 апр — Sputnik. Ирон спортсмен Тасойты Инал рамбылдта сыгъзӕрин майдан 2021 азы Европӕйы чемпионаты, хъусын кӕны цӕгатирыстойнаг спорты министрады пресс-службӕ.

Ерыстӕ цыдысты Лиссабоны (Португали) 16-18 апрелы.

"Тасойты Инал Финалон тохы 100 килограммы уӕзы категорийы рамбылдта Голландийӕ спортсмен Хенк Гролы ӕмӕ ссис континенталон фыццагады уӕлахиздзау", - дзырдӕуы хъусинаджы.

Тасойты Инал у 2019 азы Европӕйы чемпион, 2019 азы Европейаг хъӕзтыты уӕлахиздзау, дунейы чемпионатты дыууӕ хатты бронзӕйон призер.

2
Цхинвалы схорзӕхджын кодтой шахматты турниры уӕлахиздзауты

Цхинвалы схорзӕхджын кодтой шахматты турниры уӕлахиздзауты

7
(ранӕуӕггонд 15:53 19.04.2021)
Ерысты уӕлахиздзау ссис республикон ерысты ӕдзухон лидер Саулохты Георгий, дыккаг бынатыл ацыд скъоладзау Къодоты Алан, призерты нымӕцмӕ бахызт Хуыбылты Сослан

ЦХИНВАЛ, 19 апр - Sputnik, Плиты Фатимӕ. Цхинвалы схорзӕхджын кодтой Гобозты Валерийы фӕндзӕм номарӕн турниры уӕлахиздзаутӕ ӕмӕ призерты.

Ерысты уӕлахиздзау ссис республикон ерысты ӕдзухон лидер Саулохты Георгий, дыккаг бынатыл ацыд скъоладзау Къодоты Алан, кӕцы бонӕй-бонмӕ хуыздӕр хатдзӕгтӕ ӕвдисы, призерты нымӕцмӕ бахызт Хуыбылты Сослан, уый у Ирыстоны хъайтар, хъахъхъӕнынады министрады бындурӕвӕрджытӕй иу Хуыбылты Валерийы фырт.

"Ерыстӕ цыдысты егъау конкурентон тохы ӕмӕ равдыстой ӕнӕнхъӕлӕджы хатдзӕгтӕ. Призертӕ райстой ахадгӕ дӕр лӕвӕрттӕ, фӕлӕ архайджытӕ дӕр ӕнӕркаст нӕ баззадысты",- загъта Федерацийы хистӕр Саулохты Георгий.

Сӕйраг уӕлахиздзаутӕй дарддӕр ма рабӕрӕг кодтой хуыздӕр хатдзӕгтӕ сӕ кары категориты.

  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
  • Цхинвалы схорзӕхджын кодтой шахматты турниры уӕлахиздзауты
    Цхинвалы схорзӕхджын кодтой шахматты турниры уӕлахиздзауты
    © Sputnik / Фатима Плиева
1 / 5
© Sputnik / Фатима Плиева
Цхинвалы схорзӕхджын кодтой шахматты турниры уӕлахиздзауты

Кӕстӕрты хсӕн хуыздӕр хатдзӕг равдыста Тыбылты Алан, студентты хсӕн Къӕбулты Алан, 17 азы кары онг скъоладзаутӕ хсӕн ӕнтыстджын уыдысты дыууӕйӕ Бахъаты Гамлет ӕмӕ Цоциты Ацӕмӕз.

Ерыстӕ ацыдысты Спорты ӕмӕ фӕсивӕды политикӕйы комитет, Шахмӕтты федераци ӕмӕ ХИПУ-йы ӕмархайдӕй.

7
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау