Боксерские перчатки

Дыууӕ боксеры Хуссар Ирӕй стох кӕндзысты ӕппӕтуӕрӕсейон ерысты

23
(ранӕуӕггонд 14:55 22.03.2021)
Республикӕйы спортивон кад хъахъӕндзысты Цхуырбаты Арсен ӕмӕ Гатыгкоты Аслан, спортсментӕн уый уыдзӕн ног фадат Уӕрӕсейы фыццагадмӕ балцӕг райсын

ЦХИНВАЛ, 22 мар - Sputnik, Плиты Фатимӕ. Дыууӕ спортсмены Цхинвалы Боксы скъолайӕ стох кӕндзысты профцӕдисты спортивон ӕхсӕнад "Россия" централон советы фыццагады 13-14 азы кары фӕсивӕды хсӕн, фехъусын кодта сӕ тренер Куымӕридтаты Родион.

"Ацы ерыстӕ сты фӕстаг фадат Уӕрӕсейы 2021 азы фыццагадмӕ. Амӕйразмӕ турниры лӕппутӕ уыдысты финалисттӕ. Ныфс нӕ ис, ацы старт сын разындзӕн ӕнтыстджындӕр", - загъта уый.

Йӕ ныхӕстӕм гӕсгӕ, тохтӕ райдайдзысты дыццӕджы.

Спортсменты цӕттӕ кӕнынц Боксы скъолайы тренертӕ Тедеты Алик ӕмӕ Куымӕридтаты Родион.

23
Таймӕзты Мӕдинӕ

Таймӕзты Мӕдинӕ ссис Токиойы Олимпиадӕйы бронзӕйон призер

16
(ранӕуӕггонд 16:21 28.07.2021)
Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ бацахста ӕртыккаг бынат Токиойы Олимпиадӕйы.

Ӕртыккаг бынаты сӕраппонд тохы 70 килограммы онг категорийы Таймӕзты чызг рамбылдта хорватийаг Барбара Матичы вазари нысанмӕ гӕсгӕ.

Ирон спортсменкӕ ӕрдӕгфиналы фӕхӕрд Японийӕ спортсменкӕ, дунейы дыууӕ хатты чемпионкӕ Тидзуру Араийӕн. Ныхмӕлӕуд цыд 16 минут ӕмӕ 41 секунды.

Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

16
Ирон дзюдоисткӕ Таймӕзты Мӕдинӕ

Ирон дзюдоисткӕ Таймӕзты Мӕдинӕ ахызт Олимпиадӕ-2020 ӕрдӕгфиналмӕ

17
(ранӕуӕггонд 11:11 28.07.2021)
Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ ахызг Олимпиаг хъӕзтытӕ-2020-ы ӕрдӕгфиналмӕ Токиойы, йӕ ныхмӕлӕууӕгыл Грецийӕ Элизавет Телцидоуыл фӕуӕлахизуӕвгӕйӕ.

Аренӕ "Ниппон Будокан"-ы ацыд Олимпиаг хъӕзтытӕ – 2020 финалы 1/4 дзюдойӕ сылгоймӕгты хсӕн. Таймӕзты Мӕдинӕ архайы уӕрӕсейаг ӕмбырдгонды сконды 70 килограммы онг категорийы.

Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы. Хъӕзтыты ӕрдӕгфинал ацӕудзӕн 28 июлы.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

17
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

4
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

4