Хуссарирыстойнаг Барсалантӕ

Хуссарирыстойнаг "Барсалантӕ" стох кӕндзысты футболон турниры "Hopes cup"

8
(ранӕуӕггонд 15:02 26.03.2021)
Хуссарирыстойнаг спортсментӕ ӕрвылбон дӕр кӕнынц тренировкӕтӕ ӕмӕ цӕттӕ сты сӕ дӕсниад сӕ фыццаг хъазты равдисынмӕ

ЦХИНВАЛ, 26 мар - Sputnik, Хъуылымбегты Зӕлинӕ. Ӕвзонг футболисттӕ Хуссарирыстойнаг командӕ "Барсалантӕй" ерыс кӕнынц "Hopes cup 2021"-ы уалдзыгон кубокы сӕраппонд. Ӕппӕтуӕрӕсейон турнир уагъд цӕуы Сочийы Олимпион хъӕуы 15 мартӕй 15 апрельмӕ, радзырдта Sputnik командӕйы тренер Хъазиты Алан.

Уый банысан кодта, ахӕм турниртӕн кӕй ис сезонон характер ӕмӕ уагъд фӕцӕуынц афӕдзы мидӕг цалдӕр хатты. Кӕддӕрты сӕ хайад райсынц ӕндӕр республикӕтӕй командӕтӕ дӕр, фӕлӕ дзы ныртӕккӕ архайдзысты ӕрмӕстдӕр уӕрӕсейӕгтӕ.

"Ныртӕккӕ турниры архайынц фӕйнӕ 16 командӕйы алы кары категорийы дӕр. Мах хайад райсдзыстӕм дыууӕ категорийы - 2010 ӕмӕ 2011 азы гуырд футболистты хсӕн", - загъта тренер.

Хуссарирыстойнаг футболисттӕ хъазӕн фӕзмӕ рахиздзысты 1 апрелы. Хъазиты Алан куыд банысан кодта, афтӕмӕй фыццаг хъазты сӕ ныхмӕлӕуджытӕ нырма бӕрӕг не сты. Уый бафтыдта, турниры ма хайад кӕй исынц Цӕгатирыстойнаг футболы академийы командӕ дӕр.

8
Таймӕзты Мӕдинӕ

Таймӕзты Мӕдинӕ ссис Токиойы Олимпиадӕйы бронзӕйон призер

16
(ранӕуӕггонд 16:21 28.07.2021)
Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ бацахста ӕртыккаг бынат Токиойы Олимпиадӕйы.

Ӕртыккаг бынаты сӕраппонд тохы 70 килограммы онг категорийы Таймӕзты чызг рамбылдта хорватийаг Барбара Матичы вазари нысанмӕ гӕсгӕ.

Ирон спортсменкӕ ӕрдӕгфиналы фӕхӕрд Японийӕ спортсменкӕ, дунейы дыууӕ хатты чемпионкӕ Тидзуру Араийӕн. Ныхмӕлӕуд цыд 16 минут ӕмӕ 41 секунды.

Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

16
Ирон дзюдоисткӕ Таймӕзты Мӕдинӕ

Ирон дзюдоисткӕ Таймӕзты Мӕдинӕ ахызт Олимпиадӕ-2020 ӕрдӕгфиналмӕ

17
(ранӕуӕггонд 11:11 28.07.2021)
Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ ахызг Олимпиаг хъӕзтытӕ-2020-ы ӕрдӕгфиналмӕ Токиойы, йӕ ныхмӕлӕууӕгыл Грецийӕ Элизавет Телцидоуыл фӕуӕлахизуӕвгӕйӕ.

Аренӕ "Ниппон Будокан"-ы ацыд Олимпиаг хъӕзтытӕ – 2020 финалы 1/4 дзюдойӕ сылгоймӕгты хсӕн. Таймӕзты Мӕдинӕ архайы уӕрӕсейаг ӕмбырдгонды сконды 70 килограммы онг категорийы.

Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы. Хъӕзтыты ӕрдӕгфинал ацӕудзӕн 28 июлы.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

17
Хуссар Иры Хъахъхъӕнынады министрады ӕфсӕддонтӕ радтой нормативтӕ физикон цӕттӕдзинадӕй

Хуссар Иры Хъахъхъӕнынады министрады ӕфсӕддонтӕ радтой нормативтӕ физикон цӕттӕдзинадӕй

0
(ранӕуӕггонд 10:33 30.07.2021)
Ӕввахс рӕстӕджы республикӕйы Хъахъхъӕнынады министрады полигоныл ацӕудзысты ахуыртӕ ӕхсынӕй дӕр

ЦХИНВАЛ, 30 июл - Sputnik. Хуссар Ирыстоны Хъахъхъӕнынады министрады ӕфсӕддон дӕлхайады ӕмӕ ӕхсыны бригадӕйы офицертӕ, афтӕ ма сылгоймаг ӕфсӕддонтӕ радтой нормативтӕ физикон цӕттӕдзинадӕй. Уый тыххӕй хъусын кӕны уагдоны пресс-службӕ.

"Офицертӕ ӕмӕ сылгоймаг ӕфсӕддонтӕ равдыстой иттӕг хорз хатдзӕгтӕ сӕ кары категоритӕм гӕсгӕ", - банысан кодтой хӕстон цӕттӕкӕнынады хайады.

Хъахъхъӕнынады министрады бафтыдтой, зӕгъгӕ, физикон цӕттӕдзинадӕй нормативтӕ иудадзыг раттынц сӕрмагонд нысаниуӕджы батальоны ӕмӕ мотоӕхсӕн батальоны ӕфсӕддонтӕ дӕр.

Ӕввахс рӕстӕджы республикӕйы Хъахъхъӕнынады министрады полигоныл ацӕудзысты ахуыртӕ ӕхсынӕй дӕр. Уагдоны ӕфсӕддонты физикон цӕттӕдзинады хатдзӕгон басгӕрст ацӕудзӕн ноябры.

0