цхинвайлаг боксертӕ райстой балцӕгтӕ Уӕрӕсейы фыццагадмӕ

Иууыл стырдӕр ӕнтыст: цхинвайлаг боксертӕ райстой балцӕгтӕ Уӕрӕсейы фыццагадмӕ

32
(ранӕуӕггонд 10:41 31.03.2021)
Ерыстӕ цыдысты Краснодары крайы 13-14 аздзыд спортсменты хсӕн. Цхинвайлаг спортсменты тренертӕ тынг райгондӕй баззадысты сӕ хъомылгӕнинӕгты ӕнтыстӕй

ЦХИНВАЛ, 30 мар — Sputnik, Плиты Фатимӕ. Хуссар Ирыстоны Боксы скъолайы дыууӕ хъомылгӕнинаг Цхуырбаты Арсен ӕмӕ Гатыгкоты Аслан ссисты профцӕдисты спортивон ӕхсӕнад "Россия"-йы централон советы фыццагады уӕлахиздзаутӕ. Ацы ӕнтысты фӕрцы дыууӕ лӕппуйӕн фадат ис Уӕрӕсейы фыццагады стох кӕнын, фехъусын кодта Sputnik боксы тренер Куымӕридтаты Родион.

"Спортсментӕн уый у иууыл стырдӕр ӕнтыст. Ахызтысты Уӕрӕсейы фыццагадмӕ. Хорз уӕлахиз ӕрхастой ӕмӕ сӕ стӕм райгонд", - загъта тренер.

Ерыстӕ цыдысты Краснодары крайы 13-14 аздзыд спортсменты хсӕн. Цхуырбаты Арсен архайдта 66 килограммы онг уӕзы категорийы, Гатыгкоты Аслан та - 60 онг категорийы. Бацӕттӕ сӕ кодтой тренертӕ Куымӕридтаты Родион ӕмӕ Тедеты Алик.

32
Хуссар Иры сарӕзтой ипподром низӕфхӕрд сабитӕн

Хуссар Иры сарӕзтой ипподром низӕфхӕрд сабитӕн

29
(ранӕуӕггонд 12:43 17.09.2021)
Бӕхджын фӕзуат ӕнӕаргъӕй исдзӕн низӕфхӕрд сывӕллӕтты - уый уыд сывӕллӕтты барты фӕдыл президенты ӕххӕстбарджыны домӕн, кӕцыйы фӕндӕй сӕрӕзтӕуыд ипподром

ЦХИНВАЛ, 17 сен - Sputnik, Плиты Фатимӕ. Хуссар Ирыстоны Джеры комы октябры райдайӕны йӕ уазджытӕ исын райдадзӕн ног ипподром. Фыццаг рады уый арӕзт ӕрцыд низӕфхӕрд сабиты реабилитацийӕн, фехъусын кодта Sputnik сывӕллӕтты барты фӕдыл президенты ӕххӕстбарджын минӕвар Цхуырбаты Татьяна.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Арӕзтад цыд президент Бибылты Анатолийы финансон ӕххуысӕй.

"Хорз хъуыддагӕн ӕрӕвӕрдтам бындур. Ипподром бакӕндзыстӕм октябры райдайӕны, куыд нӕ фӕндыд афтӕ рацыд, ныридӕгӕн ӕфснайд цӕуы йӕ территори. Иумӕйагӕй исгӕйӕ та дзы нырма бирӕ гӕнӕн ис саразын, дыууӕ-ӕртӕ азы бахъӕудзӕн, цӕмӕй дзы сырӕза, Уӕрӕсейы цы ипподромтӕ ис, уыдон ӕнгӕс", - загъта  Цхуырбаты Татьяна.

Уый ма бафтыдта, ипподром гом кӕй уыдзӕн алкӕмӕн дӕр. 

"Ӕмрӕстӕджы ум кусы бӕхыл бадыны скъола дӕр. Йӕ бардарӕг Къӕбулты Ренатмӕ ис райрӕзты фӕндтӕ ӕмӕ ацы кьуым хуыздӕрӕй-хузыдӕр кӕндзӕн", - бафтыдта уый.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Объект арӕзт ӕрцыд Къӕбулты Хъазбеджы номыл бӕхты бадыны центр "Сидуг"-ы бындурыл. Центр уӕвынад кӕны 2019 азӕй фӕстӕмӕ Джеры комы ӕдзӕрӕг хъӕутй иуы.

29
Хынцӕгты Альберт

Владимир Путин схорзӕхджын кодта Хынцӕгты Альберты Хӕлардзинады орденӕй

23
(ранӕуӕггонд 12:39 14.09.2021)
Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры

ЦХИНВАЛ, 14 сен – Sputnik. Уӕрӕсейы президент Владимир Путин схорзӕхджын кодта Паралимпиаг хъӕзтыты чемпион ядро ӕхсынӕй Хынцӕгты Альберты Хӕлардзинады орденӕй. Уый тыххӕй хъусын кӕны 15-ӕм Регион.

Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры.

Уымӕй дарддӕр ма II къӕпхӕны майдантӕй "За заслуги перед Отечеством" скад кодтой бронзӕйон призер лидзынӕй Къобесты Черменӕн.

Уӕрӕсейаг атлетты – Токиойы Паралимпиадӕйы призерты - схорзӕх кӕныны фӕдыл барамынд сабаты бафыста Уӕрӕсейы президент Владимир Путин.

23
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10