Гасситы Сослан ссис турнир Сибирский медведь-ы уӕлахиздзау ӕрмхӕстӕй

Гасситы Сослан ссис турнир "Сибирский медведь"-ы уӕлахиздзау ӕрмхӕстӕй

8
(ранӕуӕггонд 14:57 12.04.2021)
Уӕрӕсе ӕмӕ ХЦП бӕстӕты тыхджындӕр спортсменты хсӕн ирон ӕрмхӕцӕг уыд иууыл тыхджындӕр дыууӕ къухӕй дӕр

ЦХИНВАЛ, 12 апр - Sputnik, Плиты Фатимӕ. Цхинвалы армрестлингы скъолайы хъомылгӕнинаг Гасситы Сослан ссис Омскы уагъд цӕуӕг турнир "Сибирский медведь"-ы уӕлахиздзау, фехъусын кодта Sputnik йӕ тренер Джиоты Валерий.

Ерыстӕ цыдысты 9-10 апрелы. Цхинвалы минӕвар тох кодта 110 килограммы уӕзы.

"Уӕрӕсе ӕмӕ ХПЦ бӕстӕты тыхджындӕр спортсменты хсӕн ирон ӕрмхӕцӕг уыд иууыл тыхджындӕр дыууӕ къухӕй дӕр. Финалы уый рамбылдта спорты сгуыхт мастер, дунейы бирӕ хатты уӕлахиздзау Артем Гришины", - загъта Джиоты Валерий.

Тренеры ныхӕстӕм гӕсгӕ, спортсмен ауагъта 12 ӕнтыстджын тохы.

Гасситы Сослан у иууыл ӕнтыстджындӕр архайгӕ ӕрмхӕцӕг Хуссар Ирыстоны. Фӕстаг ӕхсӕз азы уый у Европӕ, дуне ӕмӕ ӕппӕтуӕрӕсеон ерысты ӕдзухон лидер.

Золотая лига армрестлинга России
© Photo : Из личного архива тренера В.Джиоева
Гасситы Сослан ссис турнир "Сибирский медведь" уӕлахиздзау ӕрмхӕцынӕй
8
Хуссар Иры каратисттӕ рамбылдтой авд майданы Майкопы

Хуссар Иры каратисттӕ рамбылдтой авд майданы Майкопы

6
Хуссар Иры спортивон кад ерысты хъахъхъӕдтой авд каратисты – уыдон иууылдӕр бацахстой призон бынӕттӕ

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны каратисттӕ ӕнтыстджын архайд скодтой ерысты Майкопы ӕмӕ рамбылдтой авд майданы, фехъусын кодта Sputnik каратейы тренер Габатты Алан.

"Нӕ спортсментӕ рамбылдтой ӕртӕ сыгъзӕрин, ӕртӕ ӕвзист ӕмӕ иу бронзӕйон майдан. Ерысты хайад истой авд хуссарирыстойнаг каратисты", - загъта Габатты Алан.

Йӕ ныхӕстӕм гӕсгӕ, спортсменты дарддӕр нывӕзты ис цӕттӕкӕнынад Уӕрӕсейы чемпионатмӕ, кӕцы ацӕудзӕн июлы.

Амӕйразмӕ Цӕгат Ирыстоны спортсментӕ рамбылдтой 12 майданы ӕппӕтуӕрӕсейон ерысты каратейӕ Сочийы.

6
Цхинвалы районы сбӕрӕг кодтой иууыл хуыздӕр шашистты

Цхинвалы районы сбӕрӕг кодтой иууыл хуыздӕр шашистты

5
(ранӕуӕггонд 11:02 14.05.2021)
Ерысты, кӕцытӕ нывонд уыдысты Уӕлахизы бонӕн, хайад райстой районы хуыздӕр хъазджытӕ. Призтыл ӕдӕппӕт тох кодтой 12 спортсмены

ЦХИНВАЛ, 14 май — Sputnik. Хуссар Ирыстоны Цхинвалы районы спорты хайад ауагъта традицион турнир шашкӕтӕй, кӕцыйы хайад райстой районы хуыздӕр хъазджытӕ. Фӕсивӕдон политикӕ ӕмӕ спорты фӕдыл комитеты пресс-службӕ куыд хъусын кӕны, афтӕмӕй призтыл тох кодтой 12 спортсмены.

"Ерысты регламентмӕ гӕсгӕ, фембӕлдтӕ цыдысты зылдон системӕмӕ гӕсгӕ. Ерысты фӕстиуджытӕм гӕсгӕ, иууыл фылдӕр очкотӕ райста районы администрайы финансон хайады минӕвар Тедеты Николай, кӕцы ссис турниры уӕлахиздзау. Дыккаг бынатыл ацыд Цъунары скъолайы директор Тыбылты Алексей. Ӕртыккаг бынатыл – адӕмон нывгӕнӕг Гӕбӕраты Борис. Фӕсивӕды хсӕн иууыл цӕттӕдӕр разынд Тъбеты хъӕуы минӕвар Бикъойты Станислав", - дзырдӕуы хъусинаджы.

Цхинвалы районы администрацийы спорты хайад хистӕр Тъуриты Тенгиз ӕмӕ республикӕйы шашкӕты федерацийы президент Лолоты Борис схорзӕхджын кодтой ерысты уӕлахиздзаутӕ ӕмӕ призерты грамотатӕй, майдантӕй ӕмӕ кубоктӕй.

5
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

1
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
1