Хуссар Иры спортсментæ стох кæндзысты Уæрæсейы фыццагад æмæ ЦКФЗ ерысты

Хуссар Иры боксертæ стох кæндзысты Уæрæсейы фыццагад æмæ ЦКФЗ ерысты

30
(ранӕуӕггонд 16:17 21.04.2021)
Республикæйы спортивон кад хицæн æмвæзады ерысты хъахъхъæндзысты Цхуырбаты Арсен, Гатыгкоты Аслан, Санахъоты Андрей æмæ Гуыцмӕзты Руслан ӕмӕ Тамерлан

ЦХИНВАЛ, 21 апр - Sputnik, Плиты Фатимӕ. Хуссар Ирыстоны республикон фӕсивӕдон Боксы скъолайы минӕвӕрттӕ Цхуырбаты Арсен ӕмӕ Гатыгкоты Аслан стох кӕндзысты Уӕрӕсейы фыццагады апрелы. Уый тыххӕй Sputnik фехъусын кодта скъолайы директор Кокойты Мурӕт.

Лӕппутӕ сты 14 азы кары, цӕттӕгӕнӕн ахуыры сты 7 апрелӕй фӕстӕмӕ. 22 апрелы фӕудзысты сбортӕ ӕмӕ сӕ хӕдфӕстӕ райдайдзысты ерыстӕ.

"Ӕрӕджы скъолайы хъомылгӕнинаг Гӕджиты Гурамы къухы бафтыд стыр ӕнтыст - рамбылдта Уӕрӕсейы фыццагад. Уым мах иу уысм дӕр нӕ дызӕрдыг кодтам. Ацы дыууӕ лӕппу дӕр сты хорз цӕттӕ ӕмӕ тагъд се 'нтыстытыл дӕр цин кӕндзыстӕм", - загъта Кокойты Мурӕт.

Директор банысан кодта, ноджы ма ӕртӕ боксеры та сӕхи кӕй цӕттӕ кӕнынц Цӕгат Кавказы федералон зылды тохтӕм.

"Дзӕуджыхъӕуы сборты сты Санахъоты Андрей, Гуыцмӕзты Руслан ӕмӕ Тамерлан. Уыдон сӕхи цӕттӕ кӕнынц ЦКФЗ-мӕ. Ерыстӕ цӕудзысты Черкесскы 25 апрелы. Ам фӕсивӕд ӕвзӕрст цӕудзысты Уӕрӕсейы фыццагадмӕ", - бафтыдта уый.

Скъолайы разамонӕг ма ӕрдзырдта уавӕрты тыххӕй дӕр.

"Хъыгагӕн, скъолайӕн йӕхи сӕрмагонд бӕстыхай кӕй нӕй, уый тыххӕй тренертӕ кусын фӕндзӕм скъолайы, Спорты галуан "Олимп"-ы ӕмӕ спорты скъолайы къуымты. Фӕлӕ уӕддӕр хорз хатдзӕгтӕ ӕвдисынц нӕ фӕсивӕд", - балхынцъ кодта уый.

Ранымайгӕ спортсментимӕ кусынц Дзигойты Ацӕмӕз, Куымӕридтаты Родион ӕмӕ Тедеты Александр.

30
Тедеты Дзамболат

Гауыз ӕй равдисдзӕн: Тедеты Дзамболат УФ богалты хайадисты тыххӕй Олимпиадӕйы

17
(ранӕуӕггонд 13:04 30.07.2021)
Уӕрӕсейаг хъӕбысхӕцджыты фыццаг рахызт Токиойы Олимпиаг хъӕзтыты гауызмӕ ацӕудзӕн 4 августы

ЦХИНВАЛ, 30 июл – Sputnik, Козаты Диана. Уӕрӕсейы ӕмбырдгонд уӕгъдибар хъӕбысхӕстӕй йӕхи цӕттӕ кӕны Японимӕ атӕхынмӕ Олимпиадӕ-2020 хайадисты нысанӕн. Ӕмбырдгонды сӕйраг тренер Тедеты Дзамболат куыд фехъусын кодта, афтӕмӕй спортсментӕ хъавынц ӕрхӕссын ӕрмӕстдӕр сыгъзӕрин майдантӕ.

Токиойы олимпиадӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ коронавирусы пандемийы тыххӕй цӕуы ӕнӕ фӕсарӕйнаг кӕсджытӕй.

"Ныртӕккӕ стӕм рӕвдзыты Владивостокы. Фӕсивӕд ныридӕгӕн ауагътой контролон тохтӕ, уыдон сты хорз спортивон формӕйы", - банысан кодта Тедеты Дзамболат йӕ интервьюйы Sputnik.

Уый банысан кодта, уӕрӕсейаг хъӕбысхӕцджыты фыццаг рахызт Токиойы Олимпиаг хъӕзтыты гауызмӕ кӕй ацӕудзӕн 4 августы. 

"Гауыз алцыдӕр равдисдзӕн. Богалтӕ развӕлгъау никуы фӕдзурынц, рамбулдзысты ӕви нӕ. Ныфс мӕ ис, нӕ фарсхӕцджыты зӕрдӕтӕ кӕй барухс кӕндзыстӕм", - загъта тренер.

Тедеты Дзамболат ма радзырдта, спортсментӕн кӕй ис серьезон ахаст коронавирусы пандемийы фӕдыл арӕнӕвӕрдтӕ, уыдон никӕимӕ ӕбӕлынц, ӕрмӕстдӕр уадзынц тренировкӕтӕ.

"Залӕй дарддӕр никуыдӕм цӕуӕм. Не 'мбырдгонд у бирӕнационалон, уымӕ гӕсгӕ нӕм ӕрбацӕуынц сӕ минӕварады уӕнгтӕ, фӕлӕ, хъыгагӕн абон ахӕм уавӕртӕ сӕвзӕрд, уымӕ гӕсгӕ мах никӕимӕ ӕмбӕлӕм. Дӕттӕм анализтӕ ӕмӕ ӕнхъӕлмӕ кӕсӕм нӕ атахтмӕ", - фехъусын кодта тренер.

Уый раарфӕ кодта Таймӕзты Мӕдинӕйӕн дӕр Олимпион хъӕзтыты йӕ бронзӕйон майданы фӕдыл ӕмӕ банысан кодта, сӕрыстыр кӕй у Ирыстоны фӕсивӕдӕй.

Уыимӕ Тедеты Дзамболат банысан кодта, абоны бон спорты кӕй ис фылдӕр политикӕ политикӕимӕ абаргӕйӕ, уымӕн ирд дӕнцӕг та у Таймӕзты Мӕдинӕйы тох япойнаг спортсменкӕимӕ, цы ран ирон дзюдоисткӕйӕн нӕ банымадтой иу зыгъуытт.

17
Таймӕзты Мӕдинӕ

Таймӕзты Мӕдинӕ ссис Токиойы Олимпиадӕйы бронзӕйон призер

20
(ранӕуӕггонд 16:21 28.07.2021)
Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ бацахста ӕртыккаг бынат Токиойы Олимпиадӕйы.

Ӕртыккаг бынаты сӕраппонд тохы 70 килограммы онг категорийы Таймӕзты чызг рамбылдта хорватийаг Барбара Матичы вазари нысанмӕ гӕсгӕ.

Ирон спортсменкӕ ӕрдӕгфиналы фӕхӕрд Японийӕ спортсменкӕ, дунейы дыууӕ хатты чемпионкӕ Тидзуру Араийӕн. Ныхмӕлӕуд цыд 16 минут ӕмӕ 41 секунды.

Ирон дзюдоисткӕйы бронзӕ ссис Токиойы уӕрӕсейаг олимпиаг ӕмбырдгонды хӕзнадоны дыууынӕм майдан.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

20
Парламенты сесси

Хуссар Иры парламент фæнд кæны ауадзын сесси майрæмбоны

0
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

0