Хуссар Ирыстоны Боксы скъола

Хуссарирыстойнаг ӕвзонг боксертӕ стох кӕндзысты Уӕрӕсейы фыццагады

9
(ранӕуӕггонд 09:15 14.05.2021)
Уымӕй размӕ Цхуырбаты Арсен ӕмӕ Гатыгкоты Аслан фӕуӕлахиз сты профцӕдисты физкультурон-спортивон ӕхсӕнад "Россия"-йы централон советы фыццагады

ЦХИНВАЛ, 13 май — Sputnik. Хуссар Ирыстоны Боксы скъолайы хъомылгӕнинӕгтӕ Цхуырбаты Арсен ӕмӕ Гатыгкоты Аслан ралӕудзысты Уӕрӕсейы фыццагады, хъусын кӕны республикӕйы фӕсивӕдон политикӕ ӕмӕ спорты комитеты пресс-службӕ.

Воспитанники ДЮСШ бокса Аслан Гатикоев и Арсен Цховребов
Хуссар Ирыстоны Боксы скъолайы хъомылгӕнинӕгтӕ Цхуырбаты Арсен ӕмӕ Гатыгкоты Аслан

13-14 аздзыд спортсменты хсӕн ерыстӕ ацӕудзысты 22-30 майы Анапӕйы.

"Ныртӕккӕ боксертӕн райдыдтой цӕттӕгӕнӕн рӕвдзытӕ Анапӕйы, кӕцытӕ кӕронмӕ бахӕццӕ уыдзысты 21 майы. Уый фӕстӕ уыдон стох кӕндзысты Уӕрӕсейы фыццагады сӕйраг хорзӕхтыл", - хъусын кӕны пресс-службӕ Боксы скъолайы директоры хӕдивӕг Кокойты Ирбеджы ныхӕстӕ.

Уымӕй размӕ Цхуырбаты Арсен ӕмӕ Гатыгкоты Аслан фӕуӕлахиз сты профцӕдисты физкультурон-спортивон ӕхсӕнад "Россия"-йы централон советы фыццагады.

9
 Алани

"Тбау" ссис цӕгатирыстойнаг футболон клуб "Аланийы" официалон дон

4
(ранӕуӕггонд 15:12 19.10.2021)
Æмгуыстады фæлгæты ма арæзт æрцыд футболуарзджытимæ фембæлд. Футболисттæн лæвæрдтой фарстытæ хъазты тыххæй, стæй сæ царды тыххæй дæр

ЦХИНВАЛ, 19 окт – Sputnik. Футболон клуб "Алани" æмæ компаниты къорд "Бавари" бафыстой бадзырд. Ныр нуазыны доны æвгтыл уыдзæн футболон клубы логотип, хъусын кӕны Осетия-Ирыстон.

"Тбау"-ы эмблемæ та уыдзæн футболистты уæлæдарæсыл.

Æмгуыстады фæлгæты ма арæзт æрцæудзæн цымыдисаг мадзæлттæ дæр.

Зæгъæм, фыццаг мадзал – футболуарзджытимæ фембæлд. Футболисттæн лæвæрдтой фарстытæ хъазты тыххæй, стæй сæ царды тыххæй дæр.

Футболуарзджытæн ма фадат уыд сæ уарзон футболисттимæ къамтӕ сисынæн дӕр.

4
Хуыгаты Алан

Ирон спортсмен Хуыгаты Алан хайад райсдзӕн боксы изӕры Мӕскуыйы

9
(ранӕуӕггонд 14:55 18.10.2021)
Ирон боксеры ныхмӕлӕууӕджы ном нырма нӕ фехъусын кодтой, фӕлӕ тохмӕ цӕттӕкӕнынад цӕуы бӕрзонд ӕмвӕзадыл

ЦХИНВАЛ, 18 окт — Sputnik, Хъуылымбегты Азӕмӕт. Ирон профессионалон боксер Хуыгаты Алан ауадздзӕн йӕ радон тох Мӕскуыйы, фехъусын кодта Sputnik спортсмен йӕхӕдӕг.

"Тох ацӕудзӕн Уӕрӕсейы Федерацийы столицӕйы. Цӕттӕкӕнынад цӕуы хорз ӕмвӕзадыл. Ныхмӕлӕууӕг нырма бӕрӕг нӕу", - загъта Хуыгаты Алан.

Тох цӕудзӕн аст раунды. Боксы изӕры организатор у промоутерон компани Shamo boxing. 

Хуыгаты Алан у Уӕрӕсейы иууыл перспективондӕр боксертӕй иу – спортсмен рингыл ауагъта 13 тохы ӕмӕ алкӕцыйы дӕр фӕуӕлахиз. Уый тренировкӕ кӕны боксерон клуб "Ариана"-йы Уӕрӕсейы Федерацийы сгуыхт тренер Сланты Виталийы къухдариуӕгады бын. Боксер архайы 63 килограммы уӕзы категорийы.

Хуыгаты Алан ис 20-ӕм бынатыл Уӕрӕсейы боксы Федерацийы рейтингы йӕ уӕзы категорийы.

9
Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

0
(ранӕуӕггонд 15:39 19.10.2021)
Уӕлӕмхасӕн 28,3 миллиард сомы ацӕудзысты 3-7 азы кары сывӕллӕттимӕ бинонтӕн ӕххуысӕн, ноджы 5,9 миллиард сомы та рахицӕн кӕндзысты бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты

ЦХИНВАЛ, 19 окт — Sputnik. Уӕрӕсейаг бинонтӕн, кӕцыты хъомыл кӕнынц 3-7 азы кары сывӕллӕтты, рахицӕн кӕндзысты 28 миллиард сомӕй фылдӕр, хъусын кӕны РИА Новости.

Уӕрӕсейаг премьер Михаил Мишустины уынаффӕмӕ гӕсгӕ, дзырд цӕуы ӕрвылмӕйон фиддоныл, кӕцыйы бӕрцуат баст у бинонты астӕуккаг ӕфтиагыл.

Нысангонд ӕрцыд, бюджетӕй 2021 азы ацы мадзалӕн ныридӕгӕн рахицӕн кодтой 276 миллиард сомы. Уӕлӕмхасӕн фӕрӕзтӕ рахицӕн кӕндзысты хицауады фӕстауӕрцон фондӕй.

"Афтӕ ма бафыстой барамынд, цӕмӕй рахицӕн кӕной 5,9 миллиард сомы бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты. Уыдонӕн ма ис бар исын сӕрмагонд ӕрвылмӕйон фиддонтӕ, цалынмӕ сывӕллоныл ӕртӕ азы ма сӕххӕст уа", - дзырдӕуы хъусинаджы.

Хицауады куыд банысан кодтой, афтӕмӕй федералон бюджеты ацы нысӕнттӕн ис 59 миллиард сомӕй фылдӕр. Ныртӕккӕ ахӕм ӕххуыс исынц 620 мин бирӕсывӕллонджын бинонтӕ, уӕлӕмхасӕн фӕрӕзты руаджы та фиддонтӕ исдзысты ноджы 48 мин сывӕллоны ахӕм бинонты.

0