Хуссар Иры Боксы скъолайы командӕ рамбылдта Санахъоты Геннадийы номарӕн ӕхсӕнадӕмон турнир

Хуссар Иры Боксы скъолайы командӕ рамбылдта Санахъоты Геннадийы номарӕн ӕхсӕнадӕмон турнир

28
(ранӕуӕггонд 10:28 02.06.2021)
Спортивон мадзалы архайдтой Боксы скъола, Спорты галуан "Олимп", Дзау æмæ Дменисæй боксертæ, фондз командæ та ʻрцыд Цæгат Ирыстонæй

ЦХИНВАЛ, 2 июн – Sputnik, Плиты Фатимӕ. Хуссар Ирыстоны Дзауы районы балхынцъ ис Санахъоты Геннадийы номарӕн дыккаг ӕхсӕнадӕмон турнир боксӕй. Ерысты иууыл фылдæр сыгъзæрин майдантæ æрæмбырд кодтой Боксы скъолайы минæвæрттæ, фехъусын кодта Sputnik районы спорты хайады хистӕр Джиоты Алик.

"Спортивон мадзалы архайдтой Боксы скъола, Спорты галуан "Олимп", Дзау æмæ Дменисы боксертæ, фондз командæ та 'рцыд Цæгат Ирыстонæй - сæ нымæцы Дзæуджыхъæуы олимпаг резервы скъолайы хъомылгæнинæгтæ, Къудухты Бесикы номыл спортивон скъолайæ, Беслæнæй æмæ дыууæ та горæтгæрон районæй. Тохты бацыд 45 къайы. Иууыл хуыздæр бæрæггæнæнтæ равдыста Боксы скъола", - загъта Джиоты Алик.

Спортивон мадзал цыд ӕртӕ боны дӕргъы, 28-30 майы.

Джиоты Аликы ныхæстæм гæсгæ, даддæр турнир æрвылаз дæр цæудзæн октябры, Санахъоты Геннадийæн йæ райгуырæн боны.

Хуссарирыстойнаг дзюдоисткӕ рамбылдта сыгъзӕрин Уӕрӕсейы фӕсивӕды Спартакиадӕйы
Пресс-служба комитета по молодежной политике и спорту РЮО

Ерыстӕ арӕзт цӕуынц 2019 азӕй фӕстӕмӕ. Ивгъуыд аз турнир ауадзын нӕ бантыст коронавирусы апарахат ма руадзыны фӕдыл тобӕты аххосӕй.

Санахъоты Геннадий фæмард ис 2004 азы Гуырдзыйы æрбабырсты фæстиуæгæн Тлиахъаны бæрзæндыл тохы рæстæджы.

Ууыл гуырдзиæгтæ æрхъула кодтой æмæ сæм бахауд амынæты уæззау цæфтимæ. Æххуысы бæсты лæппуйæн ноджы фæфыдмитæ кодтой. Санахъоты Геннадийӕн йæ мæрдон буар куы ссардтой, уæд ын базонæн дæр нал уыд.

28
цхинвайлаг ӕмбуархӕцджытӕ стох кӕндзысты Уӕрӕсейы чемпионаты

Рамбулыны фӕндимӕ: цхинвайлаг ӕмбуархӕцджытӕ стох кӕндзысты Уӕрӕсейы чемпионаты

10
(ранӕуӕггонд 10:36 11.06.2021)
Ӕмткӕй командӕйы сконды ис 20 спортсмены бӕрц, уыдон сты дыууӕ тренер Уалыты Вахтанг ӕмӕ Хъуылымбегты Мамеды хъомылгӕнинӕгтӕ

ЦХИНВАЛ, 11 июн – Sputnik, Плиты Фатимӕ. Хуссар Ирыстоны ӕмбуар хӕсты спортсментӕ афӕндараст сты Ростовмӕ, цы ран стох кӕндзысты Уӕрӕсейы чемпионаты, фехъусын кодта Sputnik тренер Уалыты Вахтанг.

Ерыстӕ цӕудзысты 13 июньмӕ. 

"Командӕ ис фӕндагыл. 11 спортсмены кӕнын Уӕрӕсейы чемпионатмӕ, тох цӕудзӕн ерысты призтыл ӕмӕ дунейы ерыстӕм балцӕгтыл. Иууылдӕр сты рамбулыны фӕндимӕ", - загъта Уалыты Вахтанг.

Уый ма бамбарын кодта, йӕ спортсментӕ иунӕгӕй нӕ хъахъхъӕндзысты Хуссар Ирыстоны спортивон кад - "ам ма стох кӕндзысты тренер Хъуылымбегты Мамеды хъомылгӕнинӕгтӕ дӕр".

10
Хуыгаты Алан

Ирон боксер Хуыгаты Алан радзырдта, кӕд рахиздзӕн рингмӕ

5
(ранӕуӕггонд 12:08 04.06.2021)
Спортсмен сӕрды дӕргъы ӕртӕ хатт рахиздзӕн рингмӕ. Йӕ тохтӕй иу ауадздзӕн Мӕскуыйы Сырх Фӕзуатыл – Гасситы Мурӕты тохы программӕйы

ЦХИНВАЛ, 4 июн – Sputnik, Хъуылымбегты Азӕмӕт. Ирон профессионалон боксер Хуыгаты Алан сӕрды дӕргъы ауадздзӕн ӕртӕ тохы, уый тыххӕй Sputnik фехъусын кодта спортсмен йӕхӕдӕг.

"Тох ауадздзӕн 11 июны Мӕскуыйы, уый фӕстӕ Сырх Фӕзуатыл – 22 июлы, цы ран сӕйраг тохы архайдзӕн Гасситы Мурӕт. Афтӕ ма мын уыдзӕн иу тох августы", - загъта Хуыгаты Алан.

Боксеры ныхӕстӕм гӕсгӕ, тохты хсӕн цъус рӕстӕг кӕй уыдзӕн, уый проблемӕ нӕу.

"Тренировкӕтӕ уагъд цӕуынц бӕрзонд ӕмвӕзадыл. Ныхмӕлӕуджытӕм ӕнӕкӕсгӕйӕ, тохтӕм цӕттӕ дӕн", - бахахх кодта спортсмен.

Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.

5
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4