Хуссар Иры командæ рамбылдта авд майдан Киокусинкайкан каратейӕ Мӕскуыйы ерысты

Хуссар Иры командæ рамбылдта авд майданы каратейӕ ерысты Мӕскуыйы

27
(ранӕуӕггонд 14:49 02.06.2021)
Ӕхсæнадæмон форматы турнир Хуссар Иры командæйæн ӕрхаста иу сыгъзӕрин, иу ӕвзист ӕмӕ фондз бронзӕйон майданы

ЦХИНВАЛ, 2 июн — Sputnik, Плиты Фатимӕ. Хуссар Ирыстоны командæ Киокусинкайкан каратейӕ рамбылдта авд майданы ерыстӕ "MOSCOW CUB- 2021"-йы, фехъусын кодта командӕйы тренер Созайты Владимир йӕ фарсыл Инстаграммы.

Ерысты уӕлахиздзау ссис командӕйы тыхджындӕр уӕнгтӕй иу Гаглойты Диана.

"MOSCOW CUB- 2021" цыд Мӕскуыйы ӕсфӕддон ӕмтохӕдты центры 28-31 майы. Нӕ командӕ тох кодта ирон тырысайы бын. Спортсментӕ рамбылдтой иу сыгъзӕрин, иу ӕвзист ӕмӕ фондз бронзӕйон майданы", - ныффыста уый.

Ӕхсæнадæмон форматы ерысты организатор у Уæрæсейы Киокусинкайканы Федераци.

Победительница международных соревнований MOSCOW CUP 2021 Диана Гаглоева
Ерысты уӕлахиздзау ссис командӕйы тыхджындӕр уӕнгтӕй иу Гаглойты Диана.
27
цхинвайлаг ӕмбуархӕцджытӕ стох кӕндзысты Уӕрӕсейы чемпионаты

Рамбулыны фӕндимӕ: цхинвайлаг ӕмбуархӕцджытӕ стох кӕндзысты Уӕрӕсейы чемпионаты

14
(ранӕуӕггонд 10:36 11.06.2021)
Ӕмткӕй командӕйы сконды ис 20 спортсмены бӕрц, уыдон сты дыууӕ тренер Уалыты Вахтанг ӕмӕ Хъуылымбегты Мамеды хъомылгӕнинӕгтӕ

ЦХИНВАЛ, 11 июн – Sputnik, Плиты Фатимӕ. Хуссар Ирыстоны ӕмбуар хӕсты спортсментӕ афӕндараст сты Ростовмӕ, цы ран стох кӕндзысты Уӕрӕсейы чемпионаты, фехъусын кодта Sputnik тренер Уалыты Вахтанг.

Ерыстӕ цӕудзысты 13 июньмӕ. 

"Командӕ ис фӕндагыл. 11 спортсмены кӕнын Уӕрӕсейы чемпионатмӕ, тох цӕудзӕн ерысты призтыл ӕмӕ дунейы ерыстӕм балцӕгтыл. Иууылдӕр сты рамбулыны фӕндимӕ", - загъта Уалыты Вахтанг.

Уый ма бамбарын кодта, йӕ спортсментӕ иунӕгӕй нӕ хъахъхъӕндзысты Хуссар Ирыстоны спортивон кад - "ам ма стох кӕндзысты тренер Хъуылымбегты Мамеды хъомылгӕнинӕгтӕ дӕр".

14
Хуыгаты Алан

Ирон боксер Хуыгаты Алан радзырдта, кӕд рахиздзӕн рингмӕ

5
(ранӕуӕггонд 12:08 04.06.2021)
Спортсмен сӕрды дӕргъы ӕртӕ хатт рахиздзӕн рингмӕ. Йӕ тохтӕй иу ауадздзӕн Мӕскуыйы Сырх Фӕзуатыл – Гасситы Мурӕты тохы программӕйы

ЦХИНВАЛ, 4 июн – Sputnik, Хъуылымбегты Азӕмӕт. Ирон профессионалон боксер Хуыгаты Алан сӕрды дӕргъы ауадздзӕн ӕртӕ тохы, уый тыххӕй Sputnik фехъусын кодта спортсмен йӕхӕдӕг.

"Тох ауадздзӕн 11 июны Мӕскуыйы, уый фӕстӕ Сырх Фӕзуатыл – 22 июлы, цы ран сӕйраг тохы архайдзӕн Гасситы Мурӕт. Афтӕ ма мын уыдзӕн иу тох августы", - загъта Хуыгаты Алан.

Боксеры ныхӕстӕм гӕсгӕ, тохты хсӕн цъус рӕстӕг кӕй уыдзӕн, уый проблемӕ нӕу.

"Тренировкӕтӕ уагъд цӕуынц бӕрзонд ӕмвӕзадыл. Ныхмӕлӕуджытӕм ӕнӕкӕсгӕйӕ, тохтӕм цӕттӕ дӕн", - бахахх кодта спортсмен.

Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.

5
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0